الطبيب منعني أعطي الببغاء فواكه نهائياً !!

[الخبر مان]

السلام عليكم ورحمة الله وبركاته

صراحة إستغربت من كلام الطبيب يوم قال لي إن الفواكه تأثر في الطير وتسبب له بكتيريا

وما أدري إيش وأنا وديته عشان عنده إسهال وأعطاني مضاد حيوي وقال لي بالحرف الواحد

لا تعطيه إلا حبوب وفواكه مجففة فقط لا غير ؟!

المشكلة أنا معود الطير على الفواكه وخصوصاً هو يحب الموز والمانجو والتفاح

وش رايكم يا أهل الخبرة في كلام الطبيب ؟!

[آنآستــآزيآ]

.. لا يـ الغالــي كلامــهـ شبــهـ خاطــئ ..

.. لأنــوو التكثيــر مــن الفواكــهـ والخضــاار قــد يسبــب لـ الطيــور بـ الــذاات اللــي قــدرة تحملّهــاا ضعيفــهـ الإسهــاال .. لكــن تقديمهــاا بـ شكــل ممتــااز وصحــي ينقلــب علــى الطائــر بـ النفــع الشديــد ! ..

.. نصيحتــي تقدمهــاا لــهـ مرتيــن فــي الأسبــوع لـ أهميتهــاا وحــاول مــا تكثــر الكميــة + عــدة عــوامل أخــرى مهمــة جـــــــداً !! منهــا ..

.. تعريــض الطائــر لـ أشعــة الشمــس ساعــهـ يوميــاً ..

.. تنظيــف القفــص مــرة أو مرتيــن أسبــوعياً ..

.. التأكــد مــن دفــئ درجــة المــاء المقــدم فــي المشربيــة ..

.. وأخيــراً والأهــم إبعــاادهـ عــن البــرودة مصــاادرهاا ..

.. آنآستــآزيآ ..

[بلاك بيري]

كلامه سليم في حاله الاسهال وقف كل شيء عدا الجبوب الجافه

بالتوفيق

[الخبر مان]

الله يجزاكم خير أخواني أناستازيا وبلاك بيري يعطيكم العافية

أخوي أناستازيا الطير صار له عندي تقريباً سنتين ماشاء الله وشهيته مفتوحة وماشتكى أبد

من شيء ويومياً كنت أعطيه فواكه طبعاً كل يوم فاكهة معينة والصراحة بعض الأحيان يوم كنت

أشوفه ياكل بشراهة أزيد الكمية لدرجة إنه بعض الأحيان أعطيه نص حبة موز ولا نص تفاحة

أما المانجو في موسمها أعطيه تقريباً حبة يومياً وياكلها الخبل مايقول لا ..

بس على قولك أنا شكلي بعطيه كل إسبوع مرتين كفاية أما الجو الأيام هذي بارد ما أقدر

أطلعه برا وعشان كذا ما أروشه إلا كل إسبوعين ثلاث ..

الله يجزاك خير على نصايحك شكراً لك ..

أخوي بلاك بيري .. الطبيب على حسب مافهمت وتأكدت منه إنه يقصد على طول مو الفترة

هذي بس وقال لي لا تسمع كلام الناس وكل واحد يقول لك هذا مفيد وهذا طيب ماعليك

من هذه الأقاويل وعطيه بس حبوب وفواكه مجففة بس ..

مشكور أخوي بلاك بيري الله يجزاك الخير ..

شباب فيه رد كتبته في موضوع الأخ أبو محمد عن يوميات الطيور ونفسية الطير وما إلى ذلك

وأنا كانت عندي كم نقطة أستفسر عنها إذا بإمكانكم الإطلاع عليها وإفادتي ..

يعطيكم العافية وشكراً لكم مرة أخرى ..

[جرح الزمــــن]

اخي العزيز الظاهر انت رايح عند جزار مو دكتور
شوف الرابط ذا لدكتور احمد توفيق الله يوفقه محل ما كان وان شاء الله تقتنع وتغير الدكتور الجزار
http://www.2zoo.com/vb/showthread.php?t=20272

[الكاسيكو]

هههههه هذا خبل مو دكتوور طيرك سليم ومافيه الا العافيه ولايوجد معاه اي اسهال ولاكن بما انك تعطيه

فواكه لابد ان يكون برازه سائل لان كميه السوائل في الفواكه كبيره فبراز الطائر يتأثر بنوع ولون الطعام فعندما

يأكل شئ اخضر يكون الخراج اخضر وكميه الماء ضروريه للطائر لاتمام عمليه الهظم وايضا وجودها في جسم

الطائر . واذا اطعمت الطائر حبوب جافه فسوف يصاب بالامساك.

[بلاك بيري]

لالالالا نهائيها صعبه شوي لكن وقت المرض اوك

حاول تعطيه كل اسبوع مرة ربع تفاحه او موزه

بالتوفيق

[O.habeeb]

وقف الفواكه مؤقتا لما يخلص الاسهال (الله يكرمكم ) اعطيه فواكه بس قليل عشان ما يجيلو اسهال مرة ثاني

[ٌابوعمر]

كلام خاطئ اخوي الفواكه مفيده لطير فيه طيور ماتاكل فواكه روح شوف شكله كيف نحيف ريششه بدون لمعه خشن ومتكسر وطير مافيه حيويه ولا نشاط لا تسمع كلام البيطري يخربط عليك بس قلل من الفواكه مرتين بل اسبوع كافيه
وحاليا وقفها لحد ما تتاكد ان الطير سليم

[صوغة]

يقولون التجربة خير برهان

عندي ببغاء الدرة 3 سنوات عايش على الفواكهة والرز الابيض المسلوق والبسكويت والخبز

مايعرف شي اسمه حبوب ليته يعرف اصلا

لكن أعطيه 3 انواع يوميا ويمكن اكرر نوع مرتين باليوم

لانه ان ما أكل فواكه مات جوع مايعرف للحبوب ولا يرغبها رغم محاولاتي

وأعطيه شوي فول سوداني معجون يوميا

والحمدلله مافيه الا العافية مع العلم اني بين كل فترة وفترة اسوي اختباار لمعدتة عند مختبر بيطري ولا فيه الا كل عافيه

ودائما الطبيب ينصحني اعطيه تفاح يوميا لانه مضاد ومغذي ..

فاكيد طبيبك يقصد فقط وقت الاسهال اعزكم الله

والله يشافيه يارب