عـندك !! عـفوا .. غـير متوفر ..الى متى يا محلات يا هواه كــذا الـى متـى نفس الحال ..!

[medozoom]

سوأل محيرني كثيرا كثيرا سوأل ساكن القلب

الى متى محلاتنا تبيع فقط للمتاجره بس لا غير إلا من رحم ربي بس طيور وحب واقفاص وامسك الباب

إلى متى واحنا ندور في النت بمواقع اجنبيه عشان نشتري من النت وتكلفه شحن ووقت

ابغى كليكر يقولك صاحب المحل اش كليكر يا هو كليكر

قعدت فتره قبل يمكن سنه اظن

ابغى كليكر ياهو ما فيه احد يبيع كليكر والله العظيم اظن ما فيه محل بجده ما سألت فيه ولما سافرت الرياض كم يوم رحت سوقهم ونفس الحال الشرقيه نفس الشي

يا هو من النت قيمته 5 و6 دولا واقل وعلى حسب

ليش مو متوفر << ما فيه اجابه لو تأذن



في الاخير جابه واحد من برى واشتريت منه 2 ب 40 ريال ليش دام سعره طيب ما يكون متوفر

يا جماعه طيب عندي فرخ ابغى اغره سيريلاك طيور وين الاقيه

<<< يطالعون فيه يقولون ما اخذنا لأولادنا سيريلاك من الصيدليه بناخذ لطير

طيب ليش تقتنيه يا حج

قعدت افرفر ادور بكل مكان ابغى سيريلاك طيور

لما رحت البحرين هذيك الايام في المحلات العاديه ينباع ومتوفر ورخيص الى حد ما



ليش ما فيه عندنا يقولك ما ادري برضه

طيب ابغى مجاثم ترتب اظافر الطير وتخليه متحرك وتبرد الاظافر لما يتحرك الطير



قاعد اشوفها في النت انواع واشكال وبعضها بالبطاريه تقعد تلف عشان الببغاء ما يبغى خامل ويمرض

طيب ابغى اشتري ما فيه الا بالنت ما فيه في السوق

يا هووووووووو حرام ما يصير وربي

برضه اشتريت من البحرين

طيب ابغى افلام لهولاء المشاهير لتدريب الببغاء والعاب الببغاوات وكيف تشتري ببغاء وكيف تدرب الببغاء

وكيف تلعب الببغاء وكيف تتكلم مع الببغاء وكيف وكيف وكيف وكيف ابغى ازيد معلوماتي لاني احب هالهوايه

رحت كم محل ضحكوا عليه وربي والله حتى المكتبات ما سلمت مني

واضطريت اشتريها كمان من النت كلفني الفلم الواحد حوالي 250ريال وقيمته عندهم من 15 الى 25 دولار

شريت 3 افلام بـ 700بالله مو حرام ؟؟ لكن وش اسوي حاب الهوايه هذي وابغى اتعمق فيها

تدرون يا اخوان انه فيه حفاضات وانتم بكرامه للببغاوات ولا ما تدرون وموجوده عند الغرب بس ما عندنا واسعارها رخيصه ولكل الاحجام من فشر الى مكاو

ليه ما يكون عندنا هالاشياء

حبال الطيران واكيد تعرفونها قمت اصنع مثلها لاني ما لقيت بأي محل



وبعدين الاخوان جابوها من برى

ليه ما تكون تنباع بمحلاتنا ليه اش المشكله في الموضوع



العاب تشغل مخ الببغاء ما عندنا موجوده عندهم


يفكها يلاقي داخلها فول سوداني تخلي الطير يتعب عشان يحصل على الاكل






نفس الفكره





تركيب



تزلج





ستاند ترويش وستاند للخرجات والرحلات بالسياره
اش فكره ها لاستاند انك تروش الببغاء في الحمام اكرمكم الله

او في السياره على القزاز شكله يفتح النفس لما تكون خارج تتمشى

شوفوا شكله






ادويه علاجات للريش بخاخات للقفص فيتامينات ما ادري ايه ما فيه

اجهزه ميزان عده ننظيف اشياء واجد تخلي الواحد يتحنن







شتطه رحلات وسفر شكلها يجنن وفيه بعضها بمجثم وبماكليه وبعضها بدون يعني نقي



شوفوا هذا وشهو



هذا حب مقشر احس انه انظف من الاكل الي ياكلونه البشر

الحب الي عندنا كله سوس والفول السوداني مكسر وفيه دود يعني مشروع تربيه حشرات ناجح باذن الله

يعني فيه ببغاء ايوه فيه

طيب اكسسوارات فيه؟ ... ليه بتلبس بنت

عندنا ببغاوات وحب واقفاص

ويالله انطلق يا سبايدر مان


انا من الناس الي احب ابتكر واكيد انتم مثلي يعني مثلا ستاند وكثير من الاخوان سووا استاندات كانت رووووعه
وكل واحد سوا فكره وطرحها وكانت النتيجه ميه ميه

وحبال الطيران واستفاد الكل من التجربه

ناس فكرت وسوت سيريلاك مفيد للطيور الصغيره في العمر خلط سيريلاك وخلط فيتامينات وخلط وخلط وطلع بفكره حلوه واكل مفيد للطيور الصغيره



استاند الترويش بسيط يعني نقدر نفكر ونسوي هالاشياء بس متى ما ادري

الي اعرفه الاستيراد موقف للطيور بس للأكسسوارات موقف لا طبعا

بس احنا الا من رحم ربي ما نبغى

يعني جاء هالشي هلا وغلا ما جاء عادي عساه ما يجي

يعني نقدر بس وين الي يدعمنا

لازم نكون ندعم بعض ونساعد بعض ونفكر عشان نطور هالعالم الممتع الرائع

ليش

لاننا نحبه

اشوف في اليوتيوب اسواق شعبيه اجنبيه خيام كبيره و تجمعات وبيع اكسسوارات طيور

هذا فيه طيور واكسسوارات والعاب لكل الاحجام

حتى الوان الطيور عندهم غير

شوفوا حتى الحب 20 نوع ومقسم ومرتب


http://www.youtube.com/watch?v=1o645WhntJI

هذا مقطع للأقفاص بصقه عامه ومحتوياتها واش تحتاج


http://www.youtube.com/watch?v=aVYuPA134eo

شي يجنن وبنفس الوقت يقهر

واشياء كثير لكن الشكوى لله

ما ادري متى نلاقي كل هالعالم بأسواقنا ومحلاتنا

ولي طلب ان الكل يبتكر ويجيب افكار يطرحها اهم شي تكون بالصور

احس الموضوع الي بدون صور زي الاكل من دون ملح

وخلونا نتساعد الواحد يطرح فكرته واحنا نساعده لو ما عرف يكمل الفكره وكل واحد يدلي بدلوه

اتمنى ان ينال الموضوع اعجابكم ويحركنا نسوي شي

محبكم الدائم

محمد ابو نايف

[آبوعبدالمجيد]

والله آخوي رأي من رأيك.~مآعندنآ شي.~.أببد أبد حتى الببغآوآت عند الاجآنب آحسن مننآ ..~.~.

الششكوى للهٍ.~.وصأإدق يبي للوآحد يسوي مشروع حشرات نآجحً.~. هههههههه عجبتني والله

اللهٍ يعطيك العآفيه وفعلآ مآعندنآ غير خرطي.ً.~.

تبي قوم آششتر وآشحن لـ عندك.~وفلوس الشحن سعرهآ أغلى من الشي نفسسٍه.~

لآهنت ع الموضوع تآبعته من فوق لتحت.~.

منتظرٍ جديدك آبومجوودي.~.

[جعفر السامرائي]

بكل ما قلته اخي الكريم انا موافقك 100%
بالعراق نفس الحالة
قبل كم يوم سافرت لايران برحلة علاج واول ما وصلت خبرت الشباب اريد اروح محلات طيور
رحت بعضها اتعب من اللي عندنا
وبعضها تدخل .... صراحة تحير شنو تشتري لببغاءك !
انا خذيتلي لعبة وتغذية ، لان صراحة ما كان في وقت
بس يا أهل المحلات والتجار ليش تحرمونا وتحرمون الطيور من كل هالاشياء
والله الطير يشتكي عند ربه بيوم الحساب

على اي حال صراحة نأمل أن يصير تحسن في كل الدول العربية من هذي الناحية

سلامي

[m_jood]

موضووع اعجبني جدآآ

تشككر عليه صرآحتآَ

كليكر

تصدق اني لاقيةة ب دولار و الشحن مجاني ! , وشكلةة مثل الصورةة اللي انت حآطهآ

سيريلاك طيور

مشكلتي الوحيدةة طوآل تربيتي للطيور : (

مجاثم

موجودةة عندنآ ب الريآض .. ~

طيب ابغى افلام لهولاء المشاهير لتدريب الببغاء

فيةة ب اليوتيوب , تفضضل

http://www.youtube.com/user/kiliparrot

تدرون يا اخوان انه فيه حفاضات وانتم بكرامه للببغاوات ولا ما تدرون وموجوده عند الغرب بس ما عندنا واسعارها رخيصه ولكل الاحجام من فشر الى مكاو

لقيتها ب امريكآ بس غآليةة = (
فكرت اني اجيب وحدةة و اعطيهآ آلخياط و يسويلي نفسها كم حبةة ب ارخص من سعرهآ جآهزةة

العاب تشغل مخ الببغاء ما عندنا موجوده عندهم

لقيتها برضوو ب آمريكآ , و سعرها حلوو , لكن ليتهآ عندنآ هنآ : (

تزلج

آآخ بس ليتني القآهآ : (

ستاند ترويش وستاند للخرجات والرحلات بالسياره

لقيته ب امريكآ بس بيكون غآلي الشحن : (

اجهزه ميزان

لقيتةة برضوو , بس الشحن بيكون غآآلي : ( ..

شتطه رحلات وسفر شكلها يجنن وفيه بعضها بمجثم وبماكليه وبعضها بدون يعني نقي

هذآ آلشيء انجنيت عنده ض4 , و برضوو لقيتةة بس سعرةة شوي غالي و الشحن بيكوون = (

ـــــــــــــــــــــــــــــــــــــــــــــــــــــــــــــ

قريبآ آنآ رآح آطلب من برآآ " ان شاء الله "

لازم نكون ندعم بعض ونساعد بعض ونفكر عشان نطور هالعالم الممتع الرائع

للمتعقدين من الشحن الغالي من امريكا , < مثلي

يشوف اذا عنده آخ , , , آلخ ] يكون مبتعث او سائح , , ] يرسل الطلبيةة له ب امريكآ ب كم دولار , و اذا جاء السعوديةة يآخذها معةة , و بكذا توفر فلوس الشحن ,



آآهنيك صراحةة ع هـ الموضوع و الله يوفقك يَ الغآلي

[الوليف]

اول شي موضوع رائع ومهم يعطيك العافيه
صراحة انا معاك في كل حرف انا ادور استاند ترويش ماحصلت
والعاب مثل الي بالموضوع برضو ماحصلت والله مشكلة اشتري طير
وماتلقى المستلزمات وان ادور ادوات النظافة ابغاها مدري من وين
لكن عن السيرلاك مااظن في مشكلة اي خلطة تفي بالغرض (قمح_عدس_ذرة_دخن الخ)
ممتازة مجربها

تقبل مروري وتحيـــــــــــــــاتي

الولـــــــــــــيف

[سنايديه]

اخ بس زدت في غبنتي فوق ماني مغبون

كل ماشفت طيري يحك منقاره يبي ينظفه في شنكار القفص ولا في ثنايا فتحت الاكل والشرب

كل ماشفت طيري زهقان ومال ويبي شي يسليه واذا عطيتهي شي اخاف يضره ولا يبلعه

وكل وكل وكل

وانا عاااجزه لا في شي ينباع ولا متوفر عندنا
شي كلهامحاولات واجتهادات شخصيه مني

وبعد موضوعك قررت ارحل طيري لمسقط رأسه ارحم له من الذل الي عايشه

لله درك ياطيري المسكين

[the-gray]

يا رجال خله على الله
مافي شىء هنا
كنا اول ندور العاب للطير وكل ما رحت محل اسئلة يقول مافي وبعضهم يطل بإستغراب زي اللي يقول
(هو في العاب للطيور )

واللحين وصلة بعد ما عرفوا الناس وصار عليها طلب
والباقي إن شاء الله في الطريق

[الكاكي]

فغلا موضوع بالصميم
لا حول ولا قوة الابالله
يسلمك ربي على الموضوع المميز لانه يحذرنا عدم توفر بعض الاشياء عندنا بالسعوديه

[ريان22]

كلامك حلو وسليم 100%

انصحكم يا اخوان بأمازون وايباي

بصراحه عندهم كل شي تقريبا

وتقدر تطلب والشحن ما بيكلف اذا ما فيه وزن

[آهات ملك]

ذكرتني ياخي بموقف حصل لي قبل كم شهر , رحت لمحل أطلب منه سيريلاك للفروخ وكان مليان ناس لو تشوف ان الكل ساب اللي في يده ويطالع فيني كأني قلت شي ممنوع ولا حرام !

ويجيك واحد يقول خذ السيريلاك من الصيدلية !! ( يعني بالعقل شايفني غبي لدرجة اني ما اعرف وين ينباع السيريلاك ! )

والله كنت احاول أفهم فيه ان المطلوب سيريلاك لفروخ الببغاوات يقول لي مافي شي أسمه سيريلاك فروخ وكمان يقول ان طيور الكاسكو الفروخ عنده ماتاكل غير سيريلاك الأطفال !!


(( حاولت أفهمه أوعيه وللأسف لاحياة لمن تنادي ))



وبسبب هالشي صرت أخترع خلطات للفروخ من راسي وأحاول بقدر الأمكان البحث عن مكملات أضيفها لها حتى تكون بنفس جودة سيريلاك الفروخ




العذر والسموحه منك على الإطاله أخي الكريم بس موضوع قلب علينا المواجع ههههه



وكل عام وأنت بخير