شباب عندي اسئلة عن الدرة

[bab-32]

شباب من الممكن ان اشتري درة وواحد عرض لي وحدة لونها ازرق و حلوة و عمرها شهرين لسة ما تاكل لوحدها .. و قص ثلاث جناحات منها قبل كم يوم .. اشتريها ؟؟ و بالنسبة للاكل كل كم ساعة تاكل ؟؟ و متى ابدا التلقين ؟؟ و عمر كم احطها في القفص ؟؟ هي الان بكرتون ..
و هذه صورتها .. ما رايكم ؟؟

والاسئلة طبعا :-
- متى اعودها على الاكل لوحدها ؟؟
- و كم تسوى ؟؟ هو قال حده 800 قابل للتفاوض و يقول موسم الدرات الان رح ينتهي و طبعا 800 ريال.
- كل كم ساعة اعطيها اكل ؟؟
- متى ابدا تلقينها الكلام ؟؟
- متى احطها في قفص لوحدها ؟؟
-لما اضعها بالقفص احبسها او اخليها تطلع ؟؟

[ماجد علي]

متى اعودها على الاكل لوحدها ؟؟
ضع الأكل لها وهي راح تأكل لوحدها.
- و كم تسوى ؟؟ هو قال حده 800 قابل للتفاوض و يقول موسم الدرات الان رح ينتهي و طبعا 800 ريال.
سعرها حول 500 ريال لكن حسبها لك ب 800 ريال علشان فرخ.
- كل كم ساعة اعطيها اكل ؟؟
كل ثلاث ساعات تقريباً لأنه فرخ لا يستحمل الجوع راح يصيح عندما يجوع في الفترة هذه كلمه كأنه طفل وأربط كلمه مع أعطائك الأكل له راح يخزن الكلمات في ذاكرته ثم يبدأ بتقليدها على شكل تصفير.
- متى ابدا تلقينها الكلام ؟؟
في أي وقت أبدأ من الأن.
- متى احطها في قفص لوحدها ؟؟
أذا أعتمدت على نفسها.
-لما اضعها بالقفص احبسها او اخليها تطلع ؟؟
نصيحتي لك خليها في القفص عندما لم تكن متواجد في البيت ألا أذا كان في أح أفراد العائلة يقوم بمتابعتها لأن الدرة جريئة وتحاول أن تكتشف المكان بالتخريب هذا الشئ اللي خلاني أعشق الدرة المهم وعند دخولك للبيت أخرجها من القفص لأن القفص يضع الببغاء بصفة عامة تحت تأثير نفسي مما يجعلها متوحشة وهي أليفه في الأصل وهذه من واقع تجربة.
وأي أستفسار أنا جاهز.

[صوغة]

وعليكم السلام

اتهبل الله يحفظها

بس 800 وايد حتى لو على فرخ

لكن هذه تجارة فيها شطارة



اسئلتك

متى اعودها على الاكل لوحدها ؟؟

حاليا لين عمر ال6اشهر لاغنى عن سيريلاك الفروخ

وبنفس الوقت استغنى عن وجبة سيريلاك وعطها قطعة تفاحة بدون بذور او ذرة صفرا مسلوقة او بسكويت عادي منقووع بماي دافي ومعصور او خبز ونفس الشي منقوع بمااي دافي ومعصور

وقشر حب شمسي وعطها عشان تتعوود

وحط لها حب شمسي بالقفص

- و كم تسوى ؟؟ هو قال حده 800 قابل للتفاوض و يقول موسم الدرات الان رح ينتهي و طبعا 800 ريال.

ماتوصل 800 الفرخ بموسم الفروخ ب150 واذا مو موسم فروخ ماتتعدى ال500 بس هذه تجارة وشطارة


- كل كم ساعة اعطيها اكل ؟؟

كل ماشفت حوصلتها فاضية قرب منها ابرة السيريلاك ان شفتها متلهفة عليه معناها جوعانه

قطع الفاكهةة والحب الشمسي عادي مو شرط له وقت

الخوف بس من السيريلاك كثرته اتضر خاصة ان كان باارد لذلك لازم يكون دافي

- متى ابدا تلقينها الكلام ؟؟

من الحين وبكل لحظة تقدر عليها ودائما كرر نفس الكلام

- متى احطها في قفص لوحدها ؟؟

من الحين بما انه قص من ريش الجناح معنااه تطيير والدرة لطارت من اي شبااك قالت لك بااي

انتبه

-لما اضعها بالقفص احبسها او اخليها تطلع ؟؟

وقت انشغالك احبسها آآمن لها

ووقت فراغك خلها معك تتمشا تصعد على كتفك تنزل عشان توالفك وتصير عجينه بيدك

وموفق

[عشقي البلوفرنتد]

كل الاخوان ما فصروا
حقها
650 الى 700

[bab-32]

تسسسسسلموا شباب .. و ممكن اشتريها اذا ما رحت البحرين و اخذت امازون .. ^_^..ولله ما قصرت ..

[بلاك بيري]

ماشاء الله ما قصروا الأخوان وانا اشوف انه مغليها شوي