ابي رايكم في تربيتي للغوانا ... هااااااااام

[العقرب الامبراطوري]

المشاركة الأصلية كتبت بواسطة الكويتاوي

والله اول شي شكرا للمرور ثانيا انا الاغوانا خذيتها ب 20 دينار بالنسبه حق العمر في اكبر ب 30 او 35 بعدين انا وصاني عمي على الاحواض الزجاجيه عشان تنشأ الحرارة او الارطوبه او UV او بمعنى ثاني الاضاءة فوق البنفسجيه وبعدين انا عمي قالي انه الاغوانا دايما خامله او غير نشيطئ او في وقتنا الحالي الحين احنا داشين على فصل الشتاء ومثل مانعرف ان الاغوانا او الزواحف بشكل عام حيوانات دمها بارد ف انا استفدر ان الحوض الاصغر حجم يولد حراره اكثر من الاكبير وقد يكون الاكبير تصبح في بروده وبالنسبه لأخوي حامي الحيوان انت قلت 95% تكون خارج القفص اهي جم عمرها او حجمها اكبر من اللي عندي ؟؟؟

ممكن يكون الحرارة حارة جدا عليها حتى لو في فصل الصيف و الحوض هذا غير مناسب لتربيتها !
ابداً الا لو سويت مثل طريقة حامي الحيوان فقط تخليها وقت النوم و مع هذا لازم تشتري حوض اكبر

[الكويتاوي]

انزين راح اخذ لها حوض اكبر بس شنو مستلزماتها داخل الحوض ؟؟

[العقرب الامبراطوري]

المشاركة الأصلية كتبت بواسطة الكويتاوي

انزين راح اخذ لها حوض اكبر بس شنو مستلزماتها داخل الحوض ؟؟

اخوي شفت الفيديوهات اللي حطيت في الصفحة الاولى ؟

المهم المسلتزمات

1- حاليا عندك لمبة حرارة بس يمكن لازم تجيب الاقوى منها يعني هذي يمكن 25 واط لازم تجيب 65 واط و اللمبة الحرارة تكون لونها ازرق او احمر اما اذا كان لونها اصفر معناها هذا ضوء UV و هو ما يعطي حرارة بس هذا بديل للتشميس

2- تراب و ديكورات

3- صحن للمي و الاكل

4- مقياس للحرارة يفضل تشتري 2

و بس و انت تعلم من باقي الفيديوهات و افتح يو تيوب و اكتب Iguana Tank و شوف المربين شنو مخلين في حوضها و انت سوي نفسهم و شوف الاحسن لك من بينهم

[الكويتاوي]

يعطيك الف الف عافيه وشكراا اتعبتك معاي وان شاءلله انزلكم صور جديده حق الحوض الجديد بس مو هالاسبوع ان شاءلله اللي وراء (بعدوو)

[العقرب الامبراطوري]

الله يعافيك و اخي
نصيحة مني شوف فيديوهات في اليو تيوب عن التربية
افضل لك و للاغوانا انا بس ذكرت الاشياء المهمة بس في ايضا اشياء ما ذكرتها

و ان شاء الله تنزل الصور قريبا بانتظارها

[الكويتاوي]

ان شاءالله بتنزل

[*حامي الحيوان*]

غوانتي تقريبا كبر غوانتك أو أكبر شوي

وتقدر تشوفها بألبوومي أنا حاط صور لها



بالتوفيق,,,

[الكويتاوي]

اي شفتها ماشاءلله تبدو بحاله زينه والتوفيق للجميع ترقبوا صور جديده لها .

شكراا

[|| PyTHoN ||]

مو شرط الليت الملون يكون UV

شوف دام انت النيون داخل بو قدم روح سوق الحمام و روح الي عاليسار
يمكن رابع او خامس محل عنده لمبة UV الي اهي للزواحف و حطها ~
و بالنسبه للحوض سوولك تفصال كبير يعني متر × 50 + أغصان وايد
و يفضل الأرضيه تكون تربه زراعيه و ماعون ماي كبير شوي و لا تنسى
سواءاً بالهيت روك و غيرها ~

الليت خل دار مداره شبك عشان لا يحرقها ,,

و الأكل في اكل مخصص لهم و يمدهم بالفيتامينات و ينباع بسوق الحمام
بعد ، و الرطوبه هم لا تنساها ضروريه لها

و حافظ على درجة الحراره بين الـ 25ْ و 30 ْ

و موفق

[الكويتاوي]

مشكور اخوي شوف الجديد او اذا ادلني على محل يبيع ديكورات لها ؟؟

او على فكره ماتشرب ماي اهي من الخيار او الخس يكون فيهم ماي هاذا اللي اعرفه ؟؟