قطتي ما فيها حليب

[milk cat]

السلام عليكم

قطتي المفروض تولد هالاسبوع

بس انا حاولت اظغط على حلماتها عشان اتاكد اذا فيه حليب او لا

بس ما طلع حليب

يعني صدق ما فيها حليب ولا الحليب ما يطلع الا بعد الولادة ..؟

انا ما اقدر اوديها للبيطري عشان الاختبارات عشان كذا سالتكم فياليت محد يقولي وديها للبيطري

لاني انتظر راي الخبراء اللي يعرفون الاجابة ومتاكدين منها او اللي مروا بهالتجربة

بليز لحد يرد و هو مو متاكد


و اذا ما فيها حليب ايش اسوي لها عشان يجيها حليب ايش اعطيها اكل مثلا

انا ما اقدر اوديها للبيطري الا بعد الاختبارات يعني بعد 12 يوم بالضبط

فايش الحل

و فيه سؤال ثاني: ممكن اولد قطتي بالحوش ولا حر عليها

ما اقدر ابد اني اخليها تولد بالبيت و الملحق ما تحبه ابد ولا تحاول تدخله و اول ما افتح الباب تهرب عنه فمستحيل تولد فيه

و ابغا اسال متى يبدون الكتنز يماوون عشان افكر اخلي القطة تولد بالحوش بعدين ادخلها جوا البيت اذا صارت ما تماوي و هاديه و الكتنز ما يماوون

و اطلعهم اذا بدوا يماوون

لاني بدخلهم بدون محد يعرف لان قطتي تخطط انها تولد بغرفتي و انا بخليها بالحوش تولد و تنقل صغارها لغرفتي

جاوبوني بسرعه لو سمحتوا استناكم مرره ضروري قطتي ممكن تولد من يوم السبت للاربعاء هذا

اقل من اسبوع باقي و انا لسى ما حددت وين اخليها تولد جوا ولا برا و انقلها جوا او لا و الحليب كيف

[دلوعةقطوتي]

اول شي الحليب مو شرط قبل الولاده احيانا يطلع بعد الولاده وانتي اهتمي باكلها
ثانيا اذا تركتيها تولد بالحوش بتموت هي والكيتز الجو مره حر
خليها بالملحق وشغلي التكييف واجلسي معاها فترة لحد ماتتعود عالمكان وحطي لها كرتون وفيها منشفه اوشي طري

[milk cat]

هي ما تدخل للملحق ابد او ما افتح الباب تهرب

و هي تعيش بالحوش اصلن يعني ممكن متعوده ؟؟

طيب و اسئلتي الثانيه احد يعرف ..

1- الكتنز متى يبدون يماوون عند عمر كم ومتى اقدر اخليهم يطلعون للحوش مع امهم ؟؟ .. علما انه ما فيه قطط شوارع عندنا بس الابو

2- متى يتعود الاب على الكتنز و يكون مو خطر عليهم و يبدا يلعب معهم و يكون عادي يعيشون مع بعض ؟؟

[همستراوي جديد]

أختي العزيزة يبدآ در الحليب بعد الولادة

ويفضل بعد الولادة تعطيها جبن مثلثات عشان البروتين والكالسيوم

ثانياً مايصير تولد بالحوش أبد أبد حرام حر موووت لو ماتوا ذنبهم برقبتك

أنسب مكان الملحق لو ما تبيها تولد داخل البيت

أذا هي تكره الملحق لازم تعرفي السبب مثلا يكون المكان حار أو فيه رائحة سيئة وتعالجي المشكلة وتخليها تولد بالبيت

ممكن أعرف سبب أنك ما تبيها تولد بالبيت؟؟ وممكن نوع قطتك ؟؟

[milk cat]

انا مو على ما ابيها تولد بالبيت بس اهلي يكرهون البسس و بس بالحوش عادي اخليهم

بس انا بخليها تولد بغرفتي بدون محد يعرف

ايه انا اعطيها جبن مثلثات من الحين مع دراي فود و وت فود احيانا

نوع قطتي فارسي امريكي

[milk cat]

ايه اختي انا اعطيها جبن مثلثلات من الحين مع دراي فود و احيانا وت فود

ايه انا قررت اخليها تولد بغرفتي

اهلي رافضين وجودها بالبيت ولا انا ابغاها تولد ببيتنا و بخليها تولد بغرفتي بدون محد يعرف بالذات الحين وقت اختبارات و محد بيدخل يزعجني و بالصيف بعد محد بيدخل غرفتي الا دقايق و ان شاء الله محد يطلع صوت وقتها

و نوع قطتي فارسي امريكي


طيب متى يماوون الكتنز و الام بس وقت الولاده بتماوي كثير ولا طول فترة الرضاعة !؟؟؟ عشان اخاف احد يسمع و يدخل يشوف

[milk cat]

خلاص ابشركم فضيت دولاب الجزم و حطيت فيه قماش و خليت لوسي تشوفه دخلت فيه شوي بعدين طلعت تنسدح عالارض و شافت ان المويه قريبه من مكان ولادتها و الاكل و ان شاء الله تعدي على خير

بس المشكلة بالليل بتزعجني بس تماوي و انا احتاج انام كويس عشان الاختبار م تقومني القطة الساعة 12 الليل

و ياليت احد يقولي الكتنز متى يبدون يماوون على عمر كم اعتقد 10 ايام صح

على العموم ابغا اعرف لوسي بتماوي من اول ما تبدا تولد الى متى عشاان اظبط الوضع و اتاكد محد يجي هالوقت

مع انه صعب اذاكر بازعاج و انام بازعاج بس هالسنة ان شاء الله انجح ادعولي خخخخخ

[دلوعةقطوتي]

كل قطوه تختلف عن الثانيه والكيتز يبدوءن يمماون اذا كانوا جوعانين او محتاجين امهم ينادونها
واصلا القطوه تولد مسكينه وهي ساكته مايطلع لها صوت
هذي اول ولادة لها؟
والله يوفقك في اختبارتك

[الخبيرة ناديا]

القطط الصغيره تماوي اذا حست ببعد امها عنها او كانت جيعانه

ولازم انك تعلمين اهلك ان القطه عندك في الدولاب .حتى مايتفاجأو فيها بعدين

وبعدها راح تزعل منك امك صح..

الاحسن ماتخلينها في الدولاب خليها بكرتونه كبيره وحطي فيها منشفه او بطانيه صغيره

وراح يكون امن لها من الدولاب.

لان الدولاب خطر احد من اهلك يجي ويسكره فممكن ينكتمون او يتسكر عليهم.

والقطط الحوامل ماتدر الحليب الا بعد الولاده. ولايمكن تعرفين الا بطريقه رضاعه الكيتنز

وسماع صوت الطقطقه وحركه اذانهم المستمره تدل على وجود الحليب.

والسوائل مهمه لادرار الحليب مثل الحليب واللبن الزبادي والماء بكثره.

[milk cat]

اييه لاني شفت فيديو ولادة قطط و القطة كانت تماوي بكثره

http://www.cat-pregnancy-report.com/cat-video.html هذا هو

و الكتنز ما راح ابعد امهم عنهم بتكون بالغرفه طول الوقت

ما اقدر اعلم اهلي اخت نادية بعدين بيعيون تولد جوا البيت و بتضرر قطتي و الكتنز حتى هالايام مره حر و الاحظ قططي بس تدخل للبيت

فهالايام قططي تنام عندي و اذا قمت طلعتهم الحوش مع الرمل حقهم و الاكل و يرجعون يدخلون اذا احد فتح الباب و ما اطلعهم الا بكرا الصبح

ومحد يشوفهم داخلين الا الشغاله و اخووي الصغير

اما بالنسبة انه احد يسكر الدولاب .. الدولاب من النوع النوع اللي يندف يمين و يسار و ما اعتقد احد بيلاحظ

و هذاك الدولاب محد يفتحه و يسكره غيري

.. انا اللي خلاني اجرب فيها حليب او لا احد بالمنتدى هذا او منتدى ثاني ما اذكر والله بس قال تاكدوا يكون فيها حليب و اذا ما فيها جهزوا الحليب للكتنز قبل ما ينولدون



طيب فيه سؤال اخير محد جاوب علي:

متى ممكن الذكر يشوف الاولاد ويكون امن مو خطر عليهم لان تعود ينام بغرفتي و اخاف ينام بغرفة اخوي الصغير لان غرفته جنب امي