معاناة ببغائي وقصتو المحزنه ويارب لها حل

[roba_abid]

السلام عليكم ورحمة الله وبركاته..

ياجماعة انا عندي مشكلة مره كبيره وموضوعي يمكن يكون طويل بس بقولو من واقع تجربة وعشان ابغى حل والكل يستفيد

عندي ببغاء افريقي غيني اللي يجي لونو رمادي غامق
من قبل عشرة سنين ماما جابتو ةاحنا فعلا مانعرف ولاشي عن الطيور او البغبغانات بشكل عام
والله انو ربيناه كدا على البركة يتكلم ماشاء الله تبارك الله ماحرمناه من اي شئ ولله الحمد
يعني اي شئ كنا ناكلو كان ياكل معانا .. ولو شافك تاكل قدامو ماشاء الله عليه يتجنن ويبدا يناديك يادبه تعال ههههههههه
المهم طبعا الرجال اللي اشتريناه منو قلنا بس اعطوه الفصفص وفلفل
كل المحلات تقولك بس اديه فصفص واديه فلفل راح يتكلم ..
طبعا زي ماقلت كان ياكل معانا كل شئ الحمدلله بس كان فعلا اكلو الاساسي فقط فصفص والفلفل بصراحه مااعطيناه ابدا كتير كنا نخاف عليه وقلنا بلاشي
على فكرة الببغاء اسمو حمودي مدري كيف جا معانا دا الاسم وللاسف مااعرف كم عمرو ولا اعرف كم كان عمرو لمن جبناه لانو محد قلنا ونفسي اعرف لو في طريقه !

مع الوقت والسنين على سنة 2007 اتوقع ودينا حمودي عيادة --- البيطريه مااعرف عنوانها بس اعرف انها ورى الصبان والناحيه هديكا
ماني فاكره ليش وديناه بس عرفنا العياده دي كويسه والدكتور كان برضو كويس امريكي اتوقع بس انو اسمر وقلنا انو عندهم ابر فيتامينات للببغانات وانو يجلس عندهم حوالي 4 او 5 ايام عشان ياخد كل يوم ابره
المهم والله للامانه كان كويس وعادي بعد الابر حسيتو اتفتمن على قولهم انو ماشاء الله استصح جسميا

نجي للمعاناه دحين حوالي قبل سنة او سنه ونص كنا نلاحظ حمودي يعطس ومعاه رشح جدا بسيط وقررنا نوديه العياده
بس كل مانبغى نوديه يطلع لنا طرف ونكنسل
الين قبل يمكن 8 شهور خلاص قررنا نوديه مع اننا والله كلنا مو مرتاحين بس قلنا عشان حمودي نرجع نوديه العياده هديكا
وياريتنا ماوديناه بجد ندمانين بشكل مو طبيعي
نفس نظام العياده يجلس 4 مدري 5 ايام وكل يوم ابره الدكتور اتغير اللي موجود كان واحد بريطاني
وخلاص ودعنا حمودي واخدو العامل ودخلو مكان جوا اللي المفروض يكون زي الحضانه للحيوانات
تالت يوم رحت ازور حبيبي اصريت ادخل جوا عشان اشوفو مع انهم كانو رافضين وسويتلهم مناحه المهم ودخلت
لمن دخلت انا انصدمت مررررره كنت مصدومه من المكان المعفن وللاسف زريبة ريحة معفنه مكان وسخ ايش اتكلم ولا ايش اقول
سالت العامل يقولي لا دا بس اليوم كدا وانهم قاعدين ينظفو
شفت حمودي والله حالو يسكر الخاطر جالس زعلان في ركن القفص وخايف
الدكتور صمم اني اخليه وانو لازم يكمل علاجو اللي مدري علاج ايش بالزبط حسبي الله بس
اخر يوم راحت ماما تستلمو وتجيبو وقالت لي نفس الكلام اللي كتبتو فوق والله لسه المكان وسخ بشكل مو طبيعي والله بدون اي مبالغه

اول تلانه ايام من رجعتو كان عادي واقل من عادي ماني حاسه انو طبيعي
بعدها راح صوتو اتكلم معاه احاول اتحركش معاه ولا حركة ولا صوت قلت يمكن مالو نفس
تاني يوم نفس الشي تالت يوم برضو بس قلت الا اكون معاه وسرت انام بالصاله معاه مدري ليش
والله يااني بكيت بكا داكا اليوم مو طبيعي كان لمن يجي وقت النوم واغطيه ويستكن كان يون
والله العظيم زينا احنا البشر لمن نتالم من شئ و نون انين .. مدري لو الكل يعرف ايش يعني يون .. المهم هوا زي الاهات لمن تتعور بس انين اءءءء زي كدا مدري كيف اوصف
اتجننت وجلست ادور عيادات الين لقيت العياده ---- في التحليه الدكتور اسباني كان كويس احسن من السفاح اللي قبلو
لمن شافو فال دا معاه التهاب رئوي وادانا علاجات وقال لو مااتعالج يمكن يموت
قال انو لقط عدوى من مكان وسخ قلتلو الحكايه كلها قال كتير ناس يجو يشتكو من نفس العياده
بس استمرينا على العلاج ومافي فايده بصراحه كل اسبوع او اسبوعين انا ناشبه في حلق الدكتور عشان حمودي مو راضي يتعافى
قلي ياخد وقت بس يبغالو اهتمام .. بس الين دحين ولا شئ وكل مالو من سي لاسواء
اخر مره قبل شهر رحت الدكتور بجد خاصمني قلي علاج اكتر من كدا مقدر اديكي المفروض ماياخد ادويه ومضادات بالكتر دا
بس اصريت الا يعطيني اي شئ اداني مدري ايش بس مو نفس الكورس اللي اول اداني هوا قلي دا اخف وماهو مضاد
برضو مافي فايده .. الفتره دي الاخيره فتحت خشمو اليسار احسها انسدت مافي شئ بارز ومافي شئ طالع برا بس من جوا
احس كدا زي الحاجز وسار يتنفس من فمو دا اكتر شئ عور لي قلبي طول وقتو نفسو من فمو ويطلع صوت وجناحو مرخي وماينام
مااعرف كيف ممكن انظف خشمو لانو حمودي ماشاء الله عليه عنيد ويتعفرت كتير مااقدر اتحكم فيه
وكمان مااعرف عيادات ممكن تكون كويسه خلاص انا طفشت من العيادات والدكاتره السيئين
احنا الحمدلله اكلو ونظافتو وتدفئتو كلها مهتمين فيها حتى انو طلبنالو الزوبيريم يقولو جدا كويس بس الين دحين ماوصل من امريكا للاسف

ماني عارفه من جد ايش اقدر اسوي ايش ممكن يكون حل !!
خشمو ايش اسوي فيه هل في قطرات !
هل في ادويه غير التيلان مدري التايلان ممكن يفيدني !
احسن عياده للطيور فين القاها !! احد مر بتجربة زي كدا !

بجد اتمنى احد يفيدني وبجد اكون مشكورة لكم .. سجلت وكتبت موضوعي وعندي امل اني ان شاء الله القى حل عندكم
فكرة اني افقد دا الكائن تخليني اموت والله لايقولها ويارب يتعافى ويرجع زي اول واحسن

انصحوني ساعدوني عاونوني الله يرزقكم الجنه والله تعبت وانا ادور وانا ابحث وانا اسال

[ابوسهيل]

وعليكم السلام ورحمة الله وبركاته
والله يا اخت ربى اتأثرت بالقصة عن جد معاناة محزنة
بادئة مهمة : احذرو من بعض محلات الطيور لانه تبين انهم قليلين الخبرة
في مجال الطيور وماهو مناسب وماهو انسب لها والله ثم والله من كثر ماقريت
من مواضيع منتدى 2Zoo صار عندي كمية معلومات اضاهي بها من لهم خبرة طويلة في عالم
الببغاوات والفضل لله ثم للقائمين على المنتدى من مشرفين ومدربين وهواة الله يجعلها في ميزان حسناتكم ام بعد :.......
اولا بالنسبة للعمر ياليت تضيفي صور للطائر وركزي على العين
وصورة ابعد بقليل عسى ان يفيدك من له دراية بتحديد العمر
ثانيا ببغاء الكاسكو ياكل اي شي ماعدا الاكلات المحظورة
وراح تلاقي مواضيع في المنتدى توضح ماهو المسموح وماهو الممنوع
وكان يجب عليكم تنويع الاكل والابتعاد عن الفلفل الحار لانه ضار
من بذور وفواكه ووخضار وورقيات حتى يكتسب مناعة اقوى
حمودي التقط فايرس سبب له التهاب رؤوي ومشاكل في التنفس
لانه ضعيف المناعة خصوصا انه ببغاء كاسكو " معروف انه ضعيف المناعة "
حسبي الله على العيادة اللي خلف الصبان ولؤول مرة اعرف ان في عيادة هناك
مع اني قريب منه
ثالث شي اشتري قطرة اسمها Pet-Tril قيمتها 35 ريال
توضع مع الماء نصف قطارة في اليوم ولازم غيري الماء مرتين او 3 مرات في اليوم
ولمدة 7 ايام طبعا لو انك تحطي الدواء في الصبح يصير لا تحطي كلما غيرتي الماء
مرة واحدة فقط راح تلاحظي في اول 3 ايام ان طيرك يقدف سائل لزج من فمه وهدا بداية العلاج
في اليوم الخامس راح يقل التنفس من فمه ويرجع لوضعه الطبيعي مالم يتعرض لاجهاد
بعد 7 ايام ان شاء الله يتحسن لوما تحسن وقفي العلاج يومين وارجعي كرري ثانية
ان شاء الله اكون افدتك ولو بجزء يسير
وفالك التوفيق

[roba_abid]

المشاركة الأصلية كتبت بواسطة ابوسهيل

وعليكم السلام ورحمة الله وبركاته
والله يا اخت ربى اتأثرت بالقصة عن جد معاناة محزنة
بادئة مهمة : احذرو من بعض محلات الطيور لانه تبين انهم قليلين الخبرة
في مجال الطيور وماهو مناسب وماهو انسب لها والله ثم والله من كثر ماقريت
من مواضيع منتدى 2Zoo صار عندي كمية معلومات اضاهي بها من لهم خبرة طويلة في عالم
الببغاوات والفضل لله ثم للقائمين على المنتدى من مشرفين ومدربين وهواة الله يجعلها في ميزان حسناتكم ام بعد :.......
اولا بالنسبة للعمر ياليت تضيفي صور للطائر وركزي على العين
وصورة ابعد بقليل عسى ان يفيدك من له دراية بتحديد العمر
ثانيا ببغاء الكاسكو ياكل اي شي ماعدا الاكلات المحظورة
وراح تلاقي مواضيع في المنتدى توضح ماهو المسموح وماهو الممنوع
وكان يجب عليكم تنويع الاكل والابتعاد عن الفلفل الحار لانه ضار
من بذور وفواكه ووخضار وورقيات حتى يكتسب مناعة اقوى
حمودي التقط فايرس سبب له التهاب رؤوي ومشاكل في التنفس
لانه ضعيف المناعة خصوصا انه ببغاء كاسكو " معروف انه ضعيف المناعة "
حسبي الله على العيادة اللي خلف الصبان ولؤول مرة اعرف ان في عيادة هناك
مع اني قريب منه
ثالث شي اشتري قطرة اسمها Pet-Tril قيمتها 35 ريال
توضع مع الماء نصف قطارة في اليوم ولازم غيري الماء مرتين او 3 مرات في اليوم
ولمدة 7 ايام طبعا لو انك تحطي الدواء في الصبح يصير لا تحطي كلما غيرتي الماء
مرة واحدة فقط راح تلاحظي في اول 3 ايام ان طيرك يقدف سائل لزج من فمه وهدا بداية العلاج
في اليوم الخامس راح يقل التنفس من فمه ويرجع لوضعه الطبيعي مالم يتعرض لاجهاد
بعد 7 ايام ان شاء الله يتحسن لوما تحسن وقفي العلاج يومين وارجعي كرري ثانية
ان شاء الله اكون افدتك ولو بجزء يسير
وفالك التوفيق

الله يسعدك ابو سهيل
بس العياده دي كانت زمان مره كويسه والكل يمدحها حتى اكبر العمليات كانت تسير عندهم
اسمها (-0---0-) وهيا مو ورى الصبان بالزبط يعني قصدي بنفس الجهه هديكا حسبي الله عليهم
بالنسبه للصور راح ارفقها بعدما ارد عليك ان شاء الله
وتاني شئ اخويا انا ماهي مشكلتي في الاكل الحمدلله مو مقصرين من ناحية الاكل وكل شئ مسموح له ياكله ومنوعين له كل شئ واكيد مابعطيه فلفل من سنين نهائيا
حتى اني بحاول دايما ابحث عن كل شئ مفيد لهم وقالولي عن اكل الزوبريم بس مو متوفر بالسعوديه فطلبتو من برا ويارب يوصلني دي اليومين
ان شاء الله بشتري القطره واشوف يارررب نلاقي فايده باذن الله
ويعطيك العافيه ساعدتني وماقصرت من جد الله يسعدك ويوفقك

[roba_abid]

دي الصور حاولت قد مااقدر اصورو زي الناس لانو مايخليني

وفي اشياء نسيت اذكرها فوق اللي هيا اول شئ منقارو الفتره دي الطبقه اللي فوق المنقار بدات تتكسر
وتاني شئ عظمة صدرو مررره سارت بارزه يعني مره نحف عن اول













وبس اللي يقدر يساعدني ويفيدني لا يقصر الله يسعدكم

[ابوسهيل]

ان شاء الله يرد عليكي احد من اللي يقدرو يميزو العمر
وعلى قصة المنقار شي طبيعي لانه كبر ولازمه برد
خذيه لمحلات الاهدل يبردون له مخالبه ومنقاره
وان شاء الله يتحسن
وفالك التوفيق

[roba_abid]

ابو سهيل يعطيك العافيه بس فين محلات الاهدل !!
وبالنسبة للدوا اللي كتبتو فين ممكن القاه لو تعطيني اسم محل بالزبط لاني مقدر اقعد الفلف من مكان لمكان
لاني سالت عند العياده الاوروبيه مو متوفر عندهم
والين دحين محد رد عليا مع اني كنت متفائله انو اصحاب الخبره يساعدوني اكترر


* عندي سؤال هل ينفع اسوي للببغاء حمام بخار يعني موية دافية واحط فيها فكس ويشمها عشان خشمو
احنا البشر لمن نزكم ونرشح كدا نسوي .. تنفع دي الطريقه مع الببغاء ولا ماتنفع
لاني اخاف اسوي شئ من راسي والقى لها نتايج سلبية

[الماسيــــــــــه]

هل رد نسخته من نفس المنتدى
عن التهاب رئوي و بعض الادويه



______



لا لا لحقن الطير
http://www.2zoo.com/vb/showthread.php?t=298985

الطير فيه فعلا التهاب رئوي وعلاماته كما ذكرتها*
لكن استخدموا دوا قوي وهو تايلان سبع نقاط في المشرب


رد اخر ____

*marbovitryl 250 فهو ممتاز ايضا.




____

وهاذا موض ع لاخونا
رمزي
راح يفيدج ونفس مشكلتج من ناحيه انسداد الانف و تنفس من الفم


http://www.2zoo.com/vb/showthread.php?t=311949


اعتقد انحلت مشكلتكم مع الكاسكو الله يطول بعمره
و المنقار فقط يحتاجله برد و تنظيف
بس خلوه بالاول يتعالج
بعدها نظفو المنقار و رتبوه
و بالتوفيق و اي سؤال لا تتردد

[سكر]

اسعد اللھ اًوقاتك بالمسرات

أحد الأخوة المشرفين ارسل لي رابط موضوعك وطلب مني ارد عليه

وهذا الاهتمام والتكاتف بين اعضاء المنتدى لايستغرب


أختي اعتقد استهكلتي جميع المحاولات الطبيه باشراف اطباء متخصصين

وهذا يكفي ، فقد تظهر مشاكل اكبر بسبب كثره المضادات

أهم نقطه تلتزمي بها بعنايه هي ابعاد أي تيار هوائي مباشر على الببغاء
مثل مروحة او مكيف، ويبقى في درجة حرارة معتدلة مائلة للحرارة (٢٨) درجة مئوية

ويومياً قدمي له ليمون م؏ الماء وكل ست ساعات قومي بتبديل الماء


هذا ليس علاج، ولكنه طريقة في جعل العلاج السابق يعمل بكفائه

اتبعي النقاط التي ذكرتها وستبشرينا بإذن اللھ بصحته قريباً

والمعذرة لن اكون قادر على متابعة الردود لذلك ارجو تنبيهي في حالة وجود استفسار اخر

تحياتي

[ابوسهيل]

السلام عليكم ورحمة الله وبركاته
انا اقضد محلات الطيور اللي بسوق الاهدل
ماقدر اذكر اسم المحل لانه ممنوع من المنتدى
ولا اقدر ارسل رسالة خاصة لك لان مشاركاتي
ماتعدت 50 م
اما القطرة اخدتها نت عيادة في حي قويزة على الخط السريع
بالنسبة لحمام البخار ماعتقد انه فكرة جيدة
لكن انصحك باتباع طريقة الاخ سكر وتواصلي معه
وفالك التوفيق

[أسيــــر]

وعليكم السلام ورحمة الله وبركاته
ميشوف شر الله يشفيه
ماقصر الاخوان والملاحظ ان الطير ماشاء الله حسب وصفك كبير في العمر
وسبب اجهاد الطير كثرة العلاجات وعدم تغديمها له بالشكل الصحيح
بالاظافه الى عرضه على اطباء ذو اهمال المفترض يوضح لك كثرة العلاج ترهق الطير
طيرك اتوقع لديه مرض رئوي بالاظافة الى الزكام ازدادت حالته وعدم الاكل سيف الطير (الظعف)
الان لبد يرتاح الطير ولا يجهد ولبد توفير الغذاء الين له واظافة فيتامينات تعوض الطير نقط او امينو فيت
التايلان ان وجد او الليمون معه الماء ويفضل عس الطير ان كان لاياكل ولو بالقليل لكي يستعيد صحته