تعالو شوفو كيف ماتت بسسي

[foo_fee]

السلام عليكم ورحمة الله وبركاته بختصر الموضوع عندي بستين ذكور ماتو قبل مايموتو كانو يعطسو وما ياكلو ولا يشربو
وسارو كسالا مرررره
مايتحركو وما يلعبو مات الاول بعدينمات الثاني بعدو باسبوع وحبيت تقولولي كيف ماتو

[pinky]

يمكن خيوو كان الأول فيه مرض وعدى الثآني وبعدينآ مآت ؟

[foo_fee]

طب انا ابا اعرف اش هو المرض

[pinky]

ممكن كان مع الأول زكآم وعدى الثاني عشانه كان يعطس

[e111]

السلام عليكم ورحمة الله وبركاته

أختي أو أخي الكريم

إذا مصر تبي تعرف السبب وهذا رأيي

أولاً : الأعمار بيد الله

ثانياً : من الجوع والعطش والمرض يمكن أرتفاع درجة الحرارة !!

كيف حكمت عليهم بالموت قبل ما يموتوا !!!

وتوجد عيادات وصيدليات بيطرية ومضادات حيوية أشكال وألوان

يعني صبرت عليهم وكمان صبرت أسبوع بعد مامات الأول وماوديتهم العيادة

يمكن تنتقل العدوى للناس

مع أن أعراض المرض كانت واضحة

تبني القطط مسئولية
رعايتهم والعناية المادية والمعنوية والطبية

أتمنى أني أكون فهمت خطاء
وتكون وديتهم العيادة وماتو طبيعي من أرتفاع الحراة أو فايرس فيه أسباب كثير يعرفها البيطري بعد مايشخص الحالة صح

[hazemk]

المشاركة الأصلية كتبت بواسطة foo_fee

السلام عليكم ورحمة الله وبركاته بختصر الموضوع عندي بستين ذكور ماتو قبل مايموتو كانو يعطسو وما ياكلو ولا يشربو
وسارو كسالا مرررره
مايتحركو وما يلعبو مات الاول بعدينمات الثاني بعدو باسبوع وحبيت تقولولي كيف ماتو

ماتو من الاهمال..

لا اعرف كيف ممكن شخص يربي ارواح بمنزله و ما يوفر لهم الحماية و المتابعة اللازمة!

الحيوان الاليف كالطفل، يمرض و يحتاج رعاية و متابعة و عطف و حنان دائم

يجب ان يتم مراجعة البيطري عند ملاحظة اعراض مرض على القط!

لو كنت في اوروبا كان تسبب هذا الموضوع بالسجن لك!

[وزة]

كيف حكمت عليهم بالموت قبل ما يموتوا !!!



<< انا فهمت عليه يا e111 انه قصده يحكي الحكاية عادي

عندي بستين ذكور ماتو

قصده >> قبل مايموتو كانو يعطسو

بس ماحط فواصل او نزل سطر ثاني وبكذا لخبطنا ^:^


طيب اخوي بالنسبة للقطط شكله كان عنده زكام وبرد في البداية

وبعدها يمكن سار لها اسهال وجفاف مع البراد ومع عدم تغذية جيدة ادى الى موتها

ويمكن حممتها واتعرضت لتيار بارد

بس المفروض من يوم مابدأت تعترض عن الأكل وديتها للبيطري وشفت حالتها

و القطط يبغالها عناية وانتباه يعني حتى لو تراقب عن بعد وتشوف التغيرات سواء في البراز او نشاط القطة وأكلها

والأفضل تقلل من استحمامهم يعني في الشهر مرة كفاية

او كل 3 اسابيع مرة


يالله الأعمار اولاً وأخيراً بيد الله

تتعوض خير ان شاء الله

^_^

[M!ss LoLo]

المشاركة الأصلية كتبت بواسطة hazemk

لو كنت في اوروبا كان تسبب هذا الموضوع بالسجن لك!

السلام عليكم ورحمة الله وبركاته


ياخي حرام عليك تحبط الواحد كدا


{ قل لن يصيبنا الا ما كتب الله }


خلاص عمرهم خلص


صح الواحد لازم يتحمل مسؤولية الارواح الي عندو لانو ربنا عزوجل راح يسألنا عنها يوم القيامه


بس خلاص دا درس وان شالله اخوي يتعلم منو انو لازم يتحمل المسؤوليه


وجزاكم الله خيرا

[foo_fee]

طب انا كنت ااكلهم دائما

[Mo0oMo0o]

اختي اذا اعمارهم كبيره مو صوغار يعني من سنتين وفوق
انا قالي البيطري مره إنو لما مانلعب مع قطننا وماننعشها ونعيشها دايما بحالة من النشاط والحيويه طبعا بجانب العنايه الشخصيه للقط ومتابعة أكله وتدريبه وعدم إهماله وتركه لمده طويله وحده هنا غلطنا بحقها كـ حيوانات أليفه ربي خلقها بلا حول منها ولا قوة

هادا كلو بأمر الله والاعمار بيد الله سبحانه لكن خصوصا للقطط في أعراض كتيره لها عامل مهم بإستمرار حياة القط


يقولي كمان قارني بين قطين : القط البلدي والقط المنزلي ,, لما البلدي يعيش دايما بحالة من النشاط نتيجة لعيشه ببيئه تتطلب هادا النوع من الازعاج فهو يعتبر نفسو مبسوط وسعيد وهادا يخليه يعيش مدة أطول من القط المنزلي

أما القط المنزلي إذا مالعبناه ودربناه وكنا موجودين دايما حوليه ونعيشو بجو من الحيويه والنشاط خصوصا لما يتواجدو ناس كتير بالببيت هادا يعني القط حياة حلوه ويتنشط

المهم قصدي هوا لو تركنا القط المنزلي منعزل حتى لو كان معاه قطط غيرو ومانلعبو ونهمل بأكلو والبوكس واغلب الوقت مشغولين عنو أكيد راح تنتكس حالة القط سلبياً وراح يكون موتو أقرب من المتوقع تقريبا

من الاخر : كل ما اهتميتي بقطك وحرصتي على سعادتو وحيويته كل ما عاش معاكي أكتر بإذن الله
وكل ما اهملتيه وماحرصتي على رعايتو هادا ذنبك ولازم تفكري بعد كدا لو حتشتري قطط إنو تكوني قادره نفسيا وجسديا وفكريا لهادي الفكره ..

بعرف ممكن تكوني انصدمتي من موت القطين لكن فكري بكل شي قدمتيه لهم من حب وعطف وغيرو
وشوفي حاسبي نفسك هل إنتي ما اهتميتي فيهم مما سبب لهم انتكاسه ,,
هادا رأيي الشخصي ..