بسرعة ارجوكم بسرعة

[أوراق الحنين]

من فترة قطتي ما بعرف شو فيها ما بتاكل كتير وما بتخرج كتير بس البول عادي
وحسيت انها مريضة امس اعطيتها دوا التهاب القليل منه فقط ومشي الحال
واليوم كمان عطيتها شوي رشة يمكن دواء التهاب بس بعد كم دقيقة صارت تتنفس بطريقة غريبة
وتنفسها سريع وضربات قلبها سريعة معقولة تكون متسممة
قطتي من نوع الهملايا وبر طويل وعمرها تقريبا حوالي 5 شهور او اكتر شوي
اعطيتها من شوي ابرة لبن زبادي بس ما قادرة اعمل شي لها ونحنا ما بعد نصف الليل
وخايفة عليها ارجوكم احد يفيدني على بال ما يطلع النهار بسرعة ارجوكم

ما عارفة شو اعمل خايفة كتير .... حتى نومها صاير كتير لها كم يوم تنام كتير وطول الوقت
وما كانت كدة قبل .... معقولة مريضة ؟ ولا انا اللي تسببت بالمرض لها


ارجوكم لا تهملو موضوعي

[الخبيرة ناديا]

ليه تعطيا علاج من عندك وبدون درايه؟

بعض العلاجات تكون قاتله للقط

اكتبيلي اسم العلاج او ضعي صوره له حتى افيدك اكثر

[أوراق الحنين]

هو مجرد دواء التهاب بسيط وما عطيتها منو كتير شوي بس ... اسمو اموكسيسيلين

[باغيرا]

طيب
هل من استفراغ ؟؟؟
او هل تسيل لعاب من فمها ؟؟؟

[أوراق الحنين]

لاء ولا شي ما فيها شي غير كدة لا اسهال ولا استفراغ ولا لعاب ولا شي

[باغيرا]

قطتك صغيرة بالعمر والظاهر انه مفعول الدواء اثر عليها
لان القطط ليس اي دواء يستعمل لها
انا افضل لك انه غدا باذن الله تاخذينها للطبيب البيطري
حتى يفحصها وتطمني عليها

[شاهستا]

خديها للدكتور على طول بكره وربنا يستر عليها

[امال شاعر]

اكيد الدواء قوي عليها سلامات وطمنينا بكره

على خير

[MAMAMy]

ايه الي حصل
ان شاء الله تكون اصبحت دبدوبه

[أوراق الحنين]

اخواني واخواتي

انا لي خبرة كبيرة بادوية القطط ومو معقول اغلط في دواء
انا اعطيتها الكمية المناسبة لها متل ما اعطيتها لها من قبل لما كانت سخنة ومريضة
يعني الحمدلله ما تصرفت من عندي لان عندي خبرة سنوات كتيرة مع اكتر من ميتين قطة والحمدلله
ومن لما شفت قطوتي كدة اول ما طلع الصبح رحت فيها لمستشفى البيطري عندنا
اول فحص لها طلع انها سخنة اكتر من زي قبل درجة حرارتها 40 يعني سخنة قوي
وعملها الطبيب صورة اشعة طلع في بطنها كتلة ما وقاللي اني اخليها بالمستشفى
خليتها على اساس انه اول ما تنزل حرارتها ( هو اعطاها ابرة لانزال الحرارة ) بيعطيني خبر

وبعد الظهر امس عطاني خبر فظيع وقاللي قطتي عندها ماء في صدرها والتهاب فيروسي قوي جدا لا شفاء منه
ولا علاج له ابدا مهما حاولنا وهي بتموت لو ما اليوم موتها اكيد بعد كم يوم والعلم عند الله

اسم الفيروس والمرض وهو مختصر لكلمات كبيرة ( fip ) وهو مرض معروق مميت وقاتل

انا سبق ومات عندي قطتين من قبل ويمكن بنفس المرض وما كنت عارفة هيدا من زمان قبل لا جيب هاي القطوة
عمر قطتي حوالي 7 اشهر مو صغيرة كتير
الطبيب قاللي ان لا شفاء ولا علاج والمرض بيزيد عندها حتى لو سحبلها الماء يرجع بعداربع او خمس ايام وهكذا حتى تموت
موت القطط فظيع ... يموتون بطريقة مؤلمة جدا لهم .... ولي .... وقاللي في طريقة واحدة تريحها وانتي
اللي تختاريها بس فكري فيها كويس ... وهي ابرة الرحمة ... الموت الرحيم .... فكرت كتير ... قطتي بتموت من وجعها وتعبها وتعب نفسها بقوة كتير حرام يا عمري عليها .... اخذت القرار ورحت المستشفى ودعتها يمكن شي ساعة وانا احملها وابكي وهي تعبانة بين ايديي

اليوم الصبح قطتي ماتت ... والبقاء لله والحمدلله رب العالمين .... بس ماتت مرتاحة نائمة وم تشعر بشيء

اشكر لكم حضوركم .... والاهم اني لم اؤذيها انا بيدي ولم اقتلها انا والحمدلله .... حتى الدواء اعطتها منه القليل
حتى اذا ما نفع ما بيضر ... سبق لي واعطيت الادوية لقطتي والحمدلله يكونون بخير

على العموم اشكركم ودمتم