لخبراء الكاسكو الأرفيقي , الرجاء الدخول

[invierno]

أهلين
عندي كاسكو أفريقي عمره تقريبا سنة و نص
جا عندي و كان عمره 13 شهر , و الآن عمره 17 شهر
نوعه مش أليف , أول ما جا و كطبيعة الببغاوات يجعر و يخاف و بعدها صار الوضع عادي
إلى الآن ما عودناه انه يطلع من القفص , جت فترة و صرنا نخلي باب القفص مفتوح و بالغلط طلع و صار على الأرض و أنا على طول هروووووووب خايفة منه و أثاريه هو اللي خايف و راح يختش تحت الكنب

من ناحية التجعير ما يجعر إلا إذا قربت من عنده مرة فيخاف مني
بس لما يكون معي أكل يروح الخوف و يصير يصفر لي , صدق انه ذكر
جميع أنواع التصفير عنده , و يقلد زوجي بالتصفير و يطلع تصفيرات مثل : أووو أووو و أنواع كثيرة
و توه هالأيام بادي بالكلام , ما تكلم زين بس يحاول يتكلم

المشكلة هو انه مزعجني كثيييييييييير من ناحية النظافة
أنا وصلت لدرجة اني أكرهه , طبعا الببغاء هو لزوجي بس بحكم اني الأكثر جلوس بالبيت فأنا اللي أهتم فيه فترة النهار , و غير كذا النظافة بالمكان اللي هو فيه متعبة كثير .
مكانه بالصالة ولا أقدر أنقله برا بالممرات لأن الجو حار , المشكلة بالريش اللي ينتفه
أكرهه كثييييير لأنه مش ريش عادي يطيح على الأرض , لا أشوفه يطير الريش فوق و ممكن أشوف ريش بشعري
هذا غير ان الآثاث اللي حوله كلها عليها ريش , ما سلمت من الغبار يجي ذا الريش
الغبار أهون امسحي و خلاص , هذا لا ينشب
هل من حل ؟

و المشكلة الثانية القفص , أكره فقرة عندي فقرة تنظيف القفص
الأحواض اللي فيها الماي و الحبوب يخليها مش نظيفه , مش من داخل
لا على أطرافها و كذا , و هل فيه نوعية قفص غير اني أسحب القاعدة و أنظفها ؟
يعني فيه نوعية غير و يكون تنظيفه سهل ؟

و هل تتوقعون يناسبه القفص هذا ؟



جميل مرة و يمكن لو حطيته فيه تنفتح نفسي شوي عليه

و الشيئ الثالث , هل الريش يسبب مرض ؟ و هل يضر الحامل ؟

و الشيئ الرابع , هل أكل البطاطا المقلية كثير يتعبه ؟ لأنه يحبها كثيييير
و حتى الكولا و البيرة يحبهم كثير , يضره ؟

و مشكورين ..

[$المتزحلق$]

الكاسيكوجميل[

[M-BuU-M]

اختي ممكن اعرف الكاسكو ينتف ريشه يعني ريشات بيضة وصغيرة
ولا ريشه كامله؟

ثانيا حتى انا مبتلش بوصاخة قفصه

مع الاسف مافي نوع غير
كلهم نفس الشي

بس في نوع تحطين حواجز عالاطراف
عشان الحب الي يطيح مايرتد للخارج

والسؤال الثالث والله ماعرفت ^^ انشالله الاعضاء يفيدونج

اختي اهو عادي خليه ياكل بطاط بس مو وايد
اي شي اذا عطيتيه بكثرة يمرض او يصير فيه اسهال الله لايقول

اما بالنسبه للكولا وغيره
اذا بعض الناس يتضررون منه
شلون طير مايتضرر

امنعج منعا باتا انج تشربينه كولا ^^

انشالله اكون افددتج

[الملجلج]

الريش مالو حل لنه هذاا طبيعي في الطير النيجيري
امابنسبه للتنظيف انصحك بشراء ورق عايدي ينباع بلكيلوو وحطيه تحته يكون اسهليك في التنظيف
وموفقين

[sunset]

السلام عليكم

بل نسبه للريش الصغير عادي فهو بمنقاره ينظف جسمه

بل نسبه للبطاطس اتوقع انو مو اوكي عشان فيه زيوت يعني مره بل اسبوع بكميه قليله مره ما يضر

بل نسبه للتنضيف اسهل منه مافي

جيبي اوراق الدعايات حقون الملات وحطيهم بل ارضيه حقت القفص وكل يوم غيري الورقه وكل يوم غسلي حقت الماء ما رح يتعبك انا عندي ثنين بل بيت ومتعتي بتنظيف القفص وترويش البغبغاء


حاولي تشكلي بل اكل ما تخليه على الحبوب بس يعني فواكه شكليله

واخواني ما قصرو منزلين مواضيع كثيره الواحد يستفيد منها

بنسبه للقفص ما ينفع صغير عليه خليه بقفصه وحاولي لا تخليه قدام المكيف او اي تيار هوا رح يضره

واسف عل اطاله وتقبلي مروري

اختي لا تستخدي الجرائد للقفص عشان فيها كلام مثلا السلام عليكم ورحمة الله وبركاته و الله و محمد و ايات قرأنيه

[مجنون فلته]

السلام عليكم

اختي الطير يحتاج لترويش على الأقل مرتين في الأسبوع ووضعه بمكان مافيه اي تيارات هوائيه لمى ينشف

وبالنسبه للقفص تقدرين تخلينه بالقفص الثاني اذا كان يتسع لحجمه وحركته بداخله

وبالنسبه للحامل فأنه مضر لها وايضا مضر لطفل المولود حديثا بس بالترويش راح يخف الريش كثيرا

واذا الزوج ليش بأستطاعته تنظيف القفص وغيره وانتي ايضا تحسي بعدم الراحه مع الطير فبيعه افضل لكم

بالتوفيق

[مجنون الامازون]

اختي العزيزة ..

بالنسبة للقفص الموجود في الصورة نهائيا لا يناسب الببغاء النيجيري .. والاستفسار الاخر والذي يخص نتف الريش فهو طبيعي لانه ينظف نفسه .. عموما المادة الي مثل الغبار الابيض هذه بودرة من جسم الطائر .. لا تضر الحامل ابدا لكن اذا كنتي تعانين من مرض (حساسية الصدر) او (الربو) فهذا الريش والبودرة مضرة عليكي.

بالنسبة لسحب اسفل القفص وتنظيفه .. حاولي تحطي كيس او ورق على هذه القاعدة يتم تغيرها بشكل يومي بدون ما تنظفيها وتتعب نفسك


وربنا ما يجيب الشر ان شاء الله

[invierno]

الله يجزاكم خير جميعا .

المشاركة الأصلية كتبت بواسطة M-BuU-M

اختي ممكن اعرف الكاسكو ينتف ريشه يعني ريشات بيضة وصغيرة
ولا ريشه كامله؟

أقصد الريش الصغير الأبيض اللي يطير و يلصق
و إي أحيانا ألقى ريشة كبيرة رصاصية بأسفل القفص بس مش كثير
يعني حبة كل أسبوعين تقريبا , هالشيئ يدل على مرض أو شيئ لا سمح الله ؟

المشاركة الأصلية كتبت بواسطة مجنون فلته

وبالنسبه للحامل فأنه مضر لها وايضا مضر لطفل المولود حديثا بس بالترويش راح يخف الريش كثيرا

بما ان الترويش يخفف الريش , هل يخف برضو لو بخيت عليه ماي من البخاخ العادي ؟
ولا لازم أغرقه بالماي ؟

[ابوخاالد]

الريشه اللي تلقينها باسفل القفص عاديه


ومشكلة الريش هي السبب لبيعي الكاسكو او بالاحرى اربع كاسكوات على مدي سنين طويله وكل مره اقول توبه لكن ماش العشق معشعش براسي

بس الحين اتعالج من ادمان الكاسكوات باشغال نفسي بامور افود وامور بيتي وابنائي


بيني وبينك تعب

تنظيف قفص وريش بالارض وعلى الاثاث

وانا كنت اروشه تقريبا مرتين ترويش تام بالدش وازيد عليها لو استدعى الامر باستخدام البخاخ كيوم اضافي


ومع ذلك ريييييييييييييييييش


الله يجزا الخدامه خير اللي ما انحاشت من قلق الكنس

لكن يظل الكاسكو له طابع خاص ومميز وممتع والله يعينك على التنظيف

[القلم الجريء]

أولاً : أسأل الله أن يرزقك الذرية الصالحة .
ثانياً : بعد تجربة مع طيري ( لولو ) مافي حل للريش غير الترويش وغمره بالماء أقصد بالشطاف بشرط يكون الدفع خفيف والماء معتدل وان لا يلمس الماء رأسه - ويمكن ترويشه إذا كان غير أليف بفك قاعدة القفص ونقل القفص إلى دورة المياه - أكرمكم الله - ورش الطير وهو واقف على الاستاند داخل القفص من كل الاتجاهات وتغريق ريشه تماماً ثم تركه قبل تركيب قاعدة القفص حتى يجف الطير وحبذا لو تم تجفيف القفص بالمنشفة مباشرة إذا لحقه الماء حماية له من الصدأ وحذاري من التكييف للطير بعد الترويش وتركه في داخل دورة المياه والباب مفتوح حتى يجف.

ثالثاً : نظافة القفص فعلاً هي شيء ممل ولكن الحل موجود وبسيط جداً وهو يكمن فيما يلي /

بعد فك قاعدة القفص وتنظيفها جيداً بالمنظفات يوضع عليها سفرة طعام كاملة ( من أرخص الأنواع ) دون أي قطع أو خرق لها وتركيب القفص وإنزال الباقي خارج القفص ومن ثم مرتين إلى ثلاث مرات في الأسبوع يرفع القفص وتنشال السفرة بكل سهولة وتبدل بأخرى.
اتمنى أن أكون أفدتك وهاذي صورة لقفص( لولو ) ماشاء الله لاقوة إلا بالله .
( وقريباً راح يكون لي موضوع في هذا إن شاء الله )