مشكله التبول في غير المكان المخصص

[sosah alshitonh]

السلام عليكم

عندي قط ذكر اتعبني ف فتره التزواج بالتبول ف غير مكانه و عملت له عمليه اخصاء قبل شهر تقريبا

و من يومها م صار يتبول الا ف الليتر بوكس و لكن قبل اسبوع غيرت الليتر بوكس بواحد جديد

و رجعت المشكله و صار يتبول على الكنبه و غيرها و رجعت له الليتر بوكس القديم و بعد كم يوم

رحع يتبول ع الكنبه مره ثانيه تعبت معاه مع اني للعلم غسلت الكنبات كويس و حطيت مكان البول

فلفل اسود عشان يقطع الريحه و وقت التبول خليته يشم الريحه و ضربته على انفه بعدها بس يرجع

يسويها نفس كل مره ... حاليا الدكتور قال ان المشكله مو هرومنيه المشكله انه اخذها عاده

و قال احبسيه مع الليتر بوكس اسبوع كعقاب و تأديب و حاليا حابسته لي يوم

هل هذا الحل صحيح و ممكن يحل مشكله التبول ف غير مكانه ؟! ارجوكم ساعدوني انا ما اقدر

استغني عنه و ماما تهدد بطرده كل ما تبول ع الكنبه بس اقولها اخر مره و تعطيني فرصه و اتوقع

هذه اخر فرصه ساعدوني بليز

[بسبس مياو]

كنت عارفة انه حيصير كذا...
هل القط يتبول على كنبة. حدة بعينها ولا على كل الكنب؟
للاسف ريحة البول مهما نظفتي انتي ماتشميها بس هو يشمها لانها دخلت جوا اسفنج الكنب..انتي نظفتي الظاهر..اذا الاسفنجةتطلع شيليها واغسليها وحطيها بالشمس..يقال ان الخل يزيل رائحة البول خففيه بموية ورشيه خليه يتغلغل فيها ولاتخافي الخل ريحته تختفي ماتعلق
وكمان غسول الفم يزيل ريحة البول ويمنع القطو يقرب للمكان
اذا تقدري تغطي الكنب ببلاستك او قصدير لفترة لحد ماينسى..القطط ماتتبول عالاماكن الملسا والاكياس
اذا القط يتبول في كنبة بذاتها حطي اكله على نفس الكنبة لمدة عشر ايام
يوميا تقدميله الطعام على نفس المكان ..القطط ماتتبول عالمكان اللي تاكل فيه..كمان حطي حبات الدراي فود عالكنبة مباشرة وخليه ياكلها عليها بدون صحن
اهتمي بنفسيته...القطط تلجأ للتبول عالاثاث كرد فعل لماتكون متوترة
وسالفة البوكس المغلق ازعجته ...لعبيه كثير وعطيه حنان
اذا تنظفي البوكس مرة باليوم نطفيه ثلاث مرات من الحين..خليه نظيف تماما وطول الوقت...الاشيا البسيطة هذي ممكن تكون السبب وتعمل فرق
حطي بدل البوكس اثنين او ثلاثة في اماكن مختلفة..عطيه خيارات غير الكنبة...
وقبل كل هذا لازم تتأكدي ان اللي فيه مجرد سلوك سيئ او مشكلة بالمسالك البولية؟؟...القط لما يصير عنده التهاب بالبول يبدا يتبول عالاثاث
وانشالله تنحل...بس لاتيأسي واستمري عالنصايح لعشر ايام وحيتبرمج من جديد😊

[sosah alshitonh]

بالنسبه للتبول على الكنبه م فيه كنبه محدده يتبول عليها تبول ع كل الكنبات و ف اماكن جديده م

تبول عليها من قبل ... و كان قبل العمليه يتبول على الاكياس و مره تبول على جريده كانت ع الارض

و حاليا انا حابسته مع الليتر بوكس و يتبول فيه و يقضي حاجته و تعمدت احط اكياس ع الارض و اماكن

مختلفه و صار يتبول ف زوايه معينه من امس و اغير الكيس و احط جديد و يرجع يتبول مره ثانيه !!

م ادري ايش المشكله !! او كيف اعاقبه ! لاني وقت م اكون موجوده عنده م تبول بس اذا طلعت

و رجعت اشوفه احصله مسويها والله م ابخل عليه باللعب و الحنان ابدا و اغلب وقتي عنده حتى

وهو معاقب اجلس معاه بالساعتين و الثلاث و اكثر يعورني قلبي اتركه لوحده

و الانثى عنده من اربع شهور او اكثر و كان الوضع طبيعي بس قبل اسبوعين ولدت و جابت خمسه

قطط هل هذا له دخل بالمشكله او لا ؟!

[Octopus]

سلوك التبول طبيعي ليس له علاقة اذا ولدت القطة

[بسبس مياو]

حابسته في غرفة ولا قفص؟
قبل العملية كان يتبول ولا يرش؟ في فرق
اذا كان يتبول بالوضعية الطبيعية احتمال كبير عنده مشكلة التهاب بالبول لازم تسوي تحليل للبول

لاتحطيله اكياس ولا جرايد جيبي كذا بوكس وحطيهم بالاماكن
نظفي المكان بالخل
وممكن فعلا تكون نفسيته متأثرة بوجود الكتنز ..بعض الذكور ممكن حتى تهاجم الصغار
لاتعاقبيه ولاشي العقاب ماينفع بالعكس راح يخليه يزيد
راقبيه اول ماتشوفيه راح لمكان بيتبول احمليه وحطيه بالبوكس
وزعي البوكسات بكل مكان ...لاتحطي عالارض اكياس ولاجرايد
بخي الخل في الاماكن اللي متعود يبول فيها
ايش ياكل؟ ويشرب مويه كثير؟ في اعراض غريبة عليه؟ كيف لون البول؟

[sosah alshitonh]

صراحه ما شفته ولا مره وهو يتبول دائما اجي و احصل مكان البول بقعه كبيره نوعا ما يعني اتوقع انه يتبول بالوضعيه الطبيعيه و حابسته ف غرفه لوحده

اخر الاعراض الي لاحظتها عليه الفتره الاخيره شهيته مو مثل قبل و م صار ياكل الدجاج او يشم ريحته بالصحن و يبعد عنه او احيانا ياكل قطعه وحده او قطعتين بالكثير و خلاص صار ياكل دراي فود اكثر شي و شعره من اسبوع ونص صار يتساقط بس اليومين الاخيره موقف التساقط

و المويه يشرب كثير بكل مكان موجود مويه و اغيرها باستمرار لانه م يحب المويه تكون جالسه من وقت طويل

و بالنسبه للاكياس و الجرايد انا حاطتها بس عشان اشوف اذا تبول بغير مكانه فقط لا غير و البوكس موجود من البدايه اذا جيت احصله قاضي حاجته فيه عادي بس م ادري ليش مرات يتبول برا احس راح يجلطني

و لون البول اصفر

[بسبس مياو]

امنعي الدراي فود لانه من اكبر اسباب مشاكل المسالك البولية
واتمنى تعمليله تحليل للبول بأسرع وقت
انتي بوضعك لاشياء عالارض كأنك تستدرجيه انه يتبول عليها
سوي اللي قلتلك عليه جيبي كذا بوكس وحطيهم بكل مكان
نظفي البوكس واغسليه
اللي فهمته منك ان المشكلة معه من قبل لاتجيبي البوكس المغلق
وقبل لاتولد القطوة وانها مش حكاية رش عالجدران بل تبول طبيعي عالارض
انا شبه متأكدة ان عنده مشكلة بالبول وكل ماستعجلتي واكتشفتيها. عالجتيها حتوقف
كثرة شرب الماء مؤشر غير جيد ابدا...
الغريب انه في نفس الغرفة مع البوكس لكنه يختار يتبول في اماكن ثانية
القط المصاب بالتهاب بالبول يشعر بألم وقت التبول ويربط هالألم بالصندوق فيبحث عن اماكن ثانية لاتسبب الم حسب تفكيره
خلينا نتأكد ان السبب غير عضوي
انتي من اي منطقة؟
توني انتبه من الرياض...ممتاز...روحي النخبة

[sosah alshitonh]

شكرا جدا لك .. ان شاء الله اوديه ف اقرب وقت