الطريقة الصحيحة لكش أو نش الحمام .درس1

[روز فيشر]

بســــم الله الرحـــمن الرحيــــم

السلام عليكم ورحمة الله وبركاته :. ( درس رقم 1 )

انهاردة هنتكلموا عن الطريقة الصحيحة لكش او نش الحمام الغية

أولا / :_

شراء زغاليل صغيرة تستطيع الاكل والاعتماد على نفسها مفطومة يعنى وياريت تكون الزغاليل كلها لونها أبيض لان الحمام بيربيه الغاوى الصح وياسلام لو غزرات او ابلق وممكن نضيف ليهم زغلولين حمر او سود . مرقعات او مساويد او عنبرة سمر.

ثانيا / :_

أعطاء الزغاليل باب أرضى بالغية بحيث يكونوا بارضية الغية منطلقين بالأرض ليل نهار ولا تغلق عليهم الباب وامدادهم بالطعام مرة صباحا ومرة ساعة العصارى قبل المغرب.

ثالثا / :_

سيبتدى الزغلول بالصعود الى سقف الغية لاستكشاف ماحوله يوم وراء الثانى ستلاحظ طلول زغلول ثم الثانى ثم الثالث ثم جميع الزغاليل ستطلع فوق السقف لاستكشاف العالم الخارجى
:::ونصيحة::: لايجب نشهم او كرشهم من اعلى الغية لانهم لسه فى بداية الامر كالطفل الصغير الذى لايستطيع المشى بسرعة وانته تشده بيدك غصب عنه او تجرى بيه ولسه خطوات رجله قصيرة ولا يستطيع الجرى مثلك اوى المشى.

رابعا / :_

أترك الزغاليل تنزل الى ارضية الغية وتصعد الى اعلى السقف كما يحلو لها ستلاحظ وبدون نشهم أنه يوجد زغلول او اثنان يقومون بالطيران من نفسهم حول البيت لاستكشاف المكان وما حوله
لا تتعجل واترك زغاليلك فى الشمس والهواء براحتهم سينشفون على سطح الغية ويكون عظمهم شد وجمد اتركهم ولا تنشهم.

خامسا / :_

لاحظت اثناء المتابعة ان الزغاليل ابتدت اول ماتشوفك تحاول ان تدرك وتحاول انها تطيل من على سقف الغية وينزلون الارض ويصعدون الى اعلى الغية بسرعة جدا وانك لاحظت ان عظامهم قد نشفت وريشهم شد أصعد اليهم فى الصباح الباكر و بعصاية او خشبه طويلة وحاول تعاكسهم من على الغيه يعنى قولهم طيروا يلا بس براحة جدا وحاول معاكستهم واذا زغلول طار حاول ان تتدارى وتجعله ينزل الى سطح الغية باسرع وقت ممكن وعاكسهم كده 3 مرات فى اليوم مرة صباحا ومرة ظهرا ومرة ساعة المغرب ولا تغلس عليهم جامد حتى لا ينزلون على اى سطح من سطوح الجيران
واذا نزل زغلول على سطح احد جيرانك المجاورة سيضم اليه باقى الزغاليل وسيفشل نشك وتتطيرك للحمام .

سادسا / :_

انت تاكدت مليون فى الميه ان زغاليلك اصبحت قوية وعلى استعداد النش اصعد اليهم صباحا حوالى الساعة 8 قبل الظهر حتى لا يتحرون من الشمس وينقلون على سطح مجاور لك
يبقه صباحا الساعة 8 اصعد الغية ومعك علم وحاول تنشهم بسرعة جميعا ماعدا الزغاليل الضعيفة اتركها على سقف الغية ولا تغلس عليها حاول كش السليم بس مدة 3 ثوانى فقط واختفى من امامهم حتى يستطيعون النزول ولا يخافوا منك وحاول ان تتركهم ولا تاتى جنبهم ابدا سينزلون على سقف الغية . وبعد حوالى ساعتين اديهم واحدة تانية كشة يعنى ستلاحظ انهم طارو واختلفوا فى الجو وكل طائر يطير مع نفسه فى اتجاهات مختلفة وبعيدة وقريبة وبعاد عن بعض حاول ان تنزل من الغية واتراكهم ينزلون ولا تاتى جنبهم فى هذا اليوم اكتفى بذالك كده جميل جدا وده اول درس

سابعا / :_

الدرس الثانى اصعد صباحا للسطح ونفس الطريقة سيطيرون وحاول ان لاتنزلهم لمدة دقيقتين او 3 بالكتير اوى لا تكثر الدقائق حتى لاينقلون على سطح اخر .
وكذلك مرة بعديها بساعتين 3 دقائق برضه ونزلهم ولا تطيرهم تانى ابدا .
ثم تانى يوم زود الدقائق صباحا ليكونوا 4 دقائق وريحهم وبعد ساعتين 4 اخرين وبالمغرب برضه 4 دقائق.

ثامنا / :_

ستلاحظ طيورك اول ما انت تطلع الغية ستفزع منك وستحاول ان تطير لا تتعجل عليهم بس اصبر
يوم واتنين و3 و4 و5 واسبوع واسبوعين بس دربهم على كده ستلاحظهم بيطيروا مع بعض فى مجموعة وينزلون مع بعضهم البعض وسيقومون بالابعاد عن البيت والطيران شرقا وغربا ويختفون من كتر الطيران.

تاسعا / :_

طبعا كل التدريبات دى ومفيش حد من جيرانك او اصحابك او غاوى مطير حمامه كلها صباحا ولا تطير الحمام اثناء تطيير حمام احد الحمام الفلاحى المركون على السطوحات ده عادى انا لا اتكلم عليه
انا اتكلم عن الحمام الغية الذى يطير بمجموعات اوكى تمام ...لاتطيرهم واحد مطير حمامه
....تعالى بقه يامعلم فى الصباح الباكر الساعة 8 او 9 وحط فى ارضية الغية ديك رومى او فرخة او فروة خروف او كيسة سوداء ستفزع الزغاليل وستطير وستلف الكرة الارضية بحالها سيبهم براحتهم وكده مرة واتنين وتلاتة .... طبعا مش فى نفس اليوم احنا اتفقنا ان فى اليوم ليهم 3 مرات كش نش اتنين الصبح وواحدة بسيطة جدا اخر النهار حتى لا يدخلوا بحمام احد ويمسك منهم زغاليل وتبقه ضريبة
.. اعمل الخطوات دى وبعد شهر واحد بس دخلهم فى حمام اطخن طخين ماتخفش عمر ما حد هيمسك منك زغلول بس برضه لا تغلس الزغاليل ولا تكرهم فى عيشتهم المرة نش او كش وخلاص وساعت نزولهم لا تضيق عليهم بعدم النزول بل حببهم فى كده وستلاحظ انهم اجمد حمام فى منطقتك ....
وده درس بسيط لحين الكتابة عن الدرس الاخر بخصوص الزغاليل وكش الزغاليل.

[علي طه البصري]

عاشت إيدك موضوع جيد
وأضيف يجب أن يكون الطيران أو النش قبل تقديم الطعام

[روز فيشر]

حبيبى واستاذى الأستاذ الكبير على طه :_
مساعد مشرف قسم هواة الحمام واليمام بموقع 2zoo توزوو

انا شرحتلهم نبزة بسيطة بس عن الزغلول فى الغية و لسه هتديله باب وتديله ميعاد للنش والكرش وتحطهم كلهم فى سلاكة وتظبط ميعاد الكلفة اكلهم وتعزل البنات عن الولاد وتحط الولاد كل شاب فى باب لوحده وميشوفش اللى جنبه وبعد كده الاولة .. طبعا ناس يامه اوى هنا عارفة يعنى ايه النش والاولة وجــــر الحمام ...

[علي طه البصري]

شكرا حبيبي
لستُ استاذ ولا كبير
أنا أخوك وزميلك بالهواية
ودعنا نترك الألقاب والتفخيم جانبا
فلستُ من طلابها
همَّنا الوحيد طرح المعلومات الصحيحة ضمن الهواية بارك الله بيك

[ابو عبداللطيف]

موضوع جميل ومعلومات رائعه اخي كريم
ولكن لي ملاحظه بسيطه ارجو ان تتقبلها بصدر رحب على بعض اخواننا المصريين في الشرح
فالبعض يتكلم باللهجه العامية الخالصة....... وليست العاميه البيضاء المفهومه لاغلب الناس
بل يعطي مفردات وكلمات لا يعرفها الا غاويين الحمام .....والنشاشين في مصر
فالقارئ قد يكون مبتدئ ...او غير المصري ......فتصعب عليه فهم هذه المفردات.....
مثال على ذلك
غيه مسطبه كلفه

[روز فيشر]

اها غية يعنـــى عشة الحمام او لوفت الحمام او المكان الذى يعيش فيه الحمام المكان الكبير

مسطبة يعنى عيون الحمام التى يبات بها الحمام داخل الغية بس كذا عين للحمام مفتوحين بالعرض بجانب بعضهم البعض و يطلق عليها ايضا اسم سلاكة الزغاليل والتى يبات فيها الزغاليل بس جواها بيحطولهم كنجر يقفوا عليه والكنجر يعنى حاجة عالية حوالى 10 كناجر او يقلبوا الاكالة على ظهرها لكى يقف الزغلول عليها لكى يحس بالفخامة والكبرياء وعدم توسيخ ايضا ريش الزغاليل من الزرق او البيبيه او الفضلات .


الكلفة يعنى وجبة الحمام وقت المغارب يقولك انا هكلف الحمام يعنى هاكله وجبته وهقشط يعنى هلمها تانى بعد الاكل ( هقشط الكلفة )

[النسر عمر محمد]

مشكور أخي وبإنتظار جديدك

[WORLD OF ANIMAL]

بارك الله فيك
على الموضوع
واتمنى فعلا ملاحظة اللغة حتى يكون موضوعك مفهوم
واتمنى المتابعه فى الشروحات لانه انا صراحة كنت سوف اتطرأ لهذا الموضوع
ولكن للاسف الوقت لم يساعدنى واذا احتجت اى معلومة لاستكمال الموضوع ممكن انك تسئلنى وما راح اتاخر عنك
شكرا جزيلا على الشرح

[روز فيشر]

عشت ياباشا انا والله عاوز اكتب مواضيع كتيرة عن حمام النش حمام الغية ولكن لم يساعدنى الوقت