اشتريت كاسكو وعندي كم سؤال لو سمحتو

[بيلوموث]

السﻻم عليكم
انا محبة حيوانات و ما اخاف وﻻ ارتبك و سو فار حقتنا الكاسكو يطلع فوق يدي من دون خوف و يتردد
يطلع فوق يد أفراد العيلة.
بس عندي كم استفسار... عمر انيس سبعة شهور.و يواجه شوية صعوبة في التسلق
حتى لمن يتسلق فوق يدي يكون كدا يرجب اطر امسك رجله. دا االيوم الثالث.
بالنسبة انيس ما ينام الليل ما اعرف لمن احطو في القفص الضﻻم يجلس يتشعبط و ما يرضى يدخل.
و اشوفو يتثائب. أحيانا. و يجلس يهز راسو كانو يطير النوم. انا قريت مقالة عنه انو ﻻزم ينحط في غرفة
هادية من دون نور. بس أخاف يخاف ويكرهني. ايش اعمل؟؟
2- قريت انه ﻻزم ينشغل عشان ما يقطع ريشه بس انا اشوفو ينضف وزي القشرة تخرج منه مو حشرات ايش دا
3- أحيانا وانا امسح رقبتو يحاول يعض انا برضو قريت انفخ في وجهه بشويش واقول له نو او ﻻ وامسح عليه صح ولا خطأ؟ وليش يسوي كدا؟
4- ما طلع اصوات كتير و بؤبؤ عينو يكبر ويصغر ايش يعني دا الكﻻم.. واشوفو بعد الاكل يحرك لسانو في فمو ايش معنا؟
وبس مررررا شكرا سوري اسئلة كتير بس ابغا افهمو..

[بيلوموث]

ايوا اممممم اول لمن جا طلع صوت مرا عالي ونط على السفرة وسار ياكل. دحين جالس في محلو ما يتحرك كتير بس يدور حول القفص

[Azoozbaz]

خليه ينام في غرفة هاديه و الجو المتوسط مايل للبروده
2- عشان تشغلين الببغاء لازم العاب اذ جته حكه يحك عادي بس الببغاء اذا ما عنده العاب بيمل وينتف ريشه
3- عادي انفخي عليه بس بشويش
4- يكبر ويصغر معنها انه مركز بس يحرك لسانه عادي مافيها شي ان شاء الله

اول ما جا يمكن انه كان يجعر و خايف الحين هدا

[مدغشقر]

من ناحيه لنوم خليه ينام باليوم ٨ ساعات يعني من الساعه ١١ حطيه بالغرفها وغطيه باي شيء ونور خفيف عشان لو جاع ياكل وكذا وقوميه الصبح وخليه فترت الظهر ينام شوي هذاي افضل طريقه للنوم بالنسبه لي
ومن ناحيه انه يعض طبييييعي جدا اذا انتي اول يوم له عندك انا كان عندي ببغاء يجعر اذا قربت منه مع الايام مكملت اسبوع اذا جيت اطلع يصارخ يبيني اشيله وقبل كم يوم شريت ببغاء اليييف اول يوم عضضني لين دخت من ثاني يوم مصار يعض ابد مشاء الله واذا عضك قوليله مثلا لا وبصبعك اضربي راسه مو ضرب يعني لممسه بسس بس خليه يفهم انه هذا غلط واذا القشر الي تقولي عليه قطنن طبيعي وكل اسبوع روشيه عشان تحفضي عليه من الامراض والحشرات ومعليش على الاطاله ارجو اني افدتك ..

[the_gostman]

وعليكم السلام اختي الفاضله.. تحيه طيبه وبعد:

بالنسبه لموضوع النوم.. حاولي انك تحطي الببغاء في غرفه معتمه نوعاً ما بعيداً عن الضجه والتلفاز عشان ينام براحته لمدة 10 ساعات.. عشان ثاني يوم يكون نشيط.


بالنسبه للقشره التي تطلع منه.. فهذا طبيعي جدا لان الببغاء ينظف ريشه واللي يطلع مثل البودره البيضاء.. الوضع طبيعي
ولا تنسي موضوع الاهتمام في الترويش والتشميس.

احيانا يكون العض خفيف وهو يكون نوعا من اللعب... لكن اذا عضك بقوه قولي له بصوت عالي No أو عيب ورجعيه للقفص عشان يحس انو اللي عمله خطأ.




حركة اللسان طبيعيه انشالله عاادي.. وبالنسبه لصغر وكبر البؤبؤ هذا شئ ممتاز يعني الطائر مركز معك وحاولي تلقنيه كلام في هذه اللحظه..


بالتوفيق
أخوكم رمزي

[بيلوموث]

يالله مرا فرحتوني. شكككرا على مساعدتكم

[the_gostman]

حياكي الله اختي الكريمه..جاهزين دائما لأي استفسار كان.

تقبلي مروري
اخوكي رمزي