استفسار عن عمر الكاسكو ( أفكر بالانتاج )

[r 3 d]

السلام عليكم ورحمه الله وبركاته


لي فتره افكر بانتاج الكاسكو وقريت عنها بالنت كثير
وشجعني اكثر تجارب بعض الاعضاء في المنتدى
ودعم المشرفين وكبار المنتجين للفكره

قررت وفكرت و شفت الاسعار لقيت ان الاجواز
اسعارها عادةً من 3500 إلى 4000 ريال
وهي اقوى شوي من ميزانيتي

واليوم رحت السوق اتفرج وطرت لي فكره جريئه
إني اشتري فردين واركبهم أنا
ووجدت ان سعرهم بهالطريقه بيكون معقول
على أن الفرد لقيته بسعر 1200 ريال
يعني بيطلع علي فردين بسعر 2400 ريال
واسوي لهم فحص DNA سعره 150 ريال
بتكون كلفته اقل بكثير من اني اشتريه جاهز ويكون بحدود ميزانيتي

( تأيدوني بالفكره او لا )

وصورت عيون كاسكو وابغى استفسر عن عمره هل هو جاهز يعني بعمر الانتاج
او باقي له ( هذا سؤال للخبراء ) لإني على حسب علمي العيون الصفراء دليل على الجهوزية
وايضا اتمنى منكم تحديد عمره التقريبي

واعطائي إي نصائح ممكن استفيد منها

وشكرا لكم وآسف على الإطاله

اترككم مع الصور

[أحمد الحـربي]

نفسي تفكيري !

واذا حصلت مجموعة طيور طيبة اعطني خبر !

[r 3 d]

المشاركة الأصلية كتبت بواسطة أحمد الحـربي

نفسي تفكيري !

واذا حصلت مجموعة طيور طيبة اعطني خبر !

أبشر طال عمرك

جميل ان فيه احد فكر نفس فكرتي

بالسوق اليوم مالقيت اجواز ولقيت واحد بمحل

وسألته عن الاجواز وقالي فيه جوز عند صاحبي سعره 4500 ريال !!!

احس السعر مبالغ فيه وهذا الي خلاني اتحمس للفكره الاصليه اني اركب انا جوز على عيني

[r 3 d]

اتمنى من جميع من يمر

يشاركنا برأيه

او يشاركنا بتجربته

[AVOCADO]

اعتقد والله العالم
ومن وجهت نظري البسيطه
تحليل جنس الطير مافي اسهل منه

لكن المشكله في اعمار الكاسكو
صعب جدا تحصل بالسوق كاسكو اعمارهم فوق خمس سنوات
لذلك الي يبيعون الازواج يرفعون اسعارهم 4000 و 5000
لانهم عارفين ان كل الي بالسوق اعمارهم بالكثير سنتين

حتى او حصلت ذكر وانثى اعمارهم فوق خمس سنوات
بتدخل في متاهة الولافه
وكيف تخليهم يولفون لبعض
وهذه محتاج وقت طويل لا يقل عن ست شهور
هذا غير ان في احتماليه ما يتوالفون وتضطر تشتري ذكر اخر او انثى اخر حسب تقييمك للوضع
وطبعا راح تحتاج كاميرا مراقبه لتقييم درجه الولافه في الطيور وهل هناك انسجام بينهم او لا

لانك اكيد تعرف في مرحلة الانتاج يحتاج الزوج الى هدوء وعزله
موفق
وجهة نظري

[r 3 d]

المشاركة الأصلية كتبت بواسطة ss6ss9ss

اعتقد والله العالم
ومن وجهت نظري البسيطه
تحليل جنس الطير مافي اسهل منه

لكن المشكله في اعمار الكاسكو
صعب جدا تحصل بالسوق كاسكو اعمارهم فوق خمس سنوات
لذلك الي يبيعون الازواج يرفعون اسعارهم 4000 و 5000
لانهم عارفين ان كل الي بالسوق اعمارهم بالكثير سنتين

حتى او حصلت ذكر وانثى اعمارهم فوق خمس سنوات
بتدخل في متاهة الولافه
وكيف تخليهم يولفون لبعض
وهذه محتاج وقت طويل لا يقل عن ست شهور
هذا غير ان في احتماليه ما يتوالفون وتضطر تشتري ذكر اخر او انثى اخر حسب تقييمك للوضع
وطبعا راح تحتاج كاميرا مراقبه لتقييم درجه الولافه في الطيور وهل هناك انسجام بينهم او لا

لانك اكيد تعرف في مرحلة الانتاج يحتاج الزوج الى هدوء وعزله
موفق
وجهة نظري

بالنسبه للتحليل العامل في المحل قال لي أنه ممكن يطلع لي ذكر وانثى بعلامات يعرفها بسبب خبرته واقتنعت بكلامه لانه ظمن لي هالشي
وتحليل ال dna لزياده الظمان


انا النقطه اللي شاك فيها العمر عشان كذا صورت عينه وقلت استفسر من الخبراء

اما بالنسبه للتوالف ان شاء الله يتوالفون والوقت مو مشكله

وبالنسبه للهدوء عندي مكان جيد ان شاء الله أنه يؤدي الغرض

[يـوســـف 2020]

بعد ما تتاكد من العمر مبدئياً اشترلك واحد بس

حلله DNA وبتعرف جنسه وبينصب تفكيرك في الجنس الاخر

وبعدين روح دور على الثاني باسخدام العلامات المعروفة

حجم الرأس السواد في زاوية عين الذكر وباقي العلامات من ريش ... الخ

في مواضيع كثير عن الفروقات الشكلية

انا سويت كذا وطلع الاول انثى ورحت دورت واخذت على الفروقات الشكلية

وحللت وطلع ذكر .. بس ما الله كتب انتاج

الله يوفقك بتجربتك

[r 3 d]

المشاركة الأصلية كتبت بواسطة يـوســـف 2020

بعد ما تتاكد من العمر مبدئياً اشترلك واحد بس

حلله DNA وبتعرف جنسه وبينصب تفكيرك في الجنس الاخر

وبعدين روح دور على الثاني باسخدام العلامات المعروفة

حجم الرأس السواد في زاوية عين الذكر وباقي العلامات من ريش ... الخ

في مواضيع كثير عن الفروقات الشكلية

انا سويت كذا وطلع الاول انثى ورحت دورت واخذت على الفروقات الشكلية

وحللت وطلع ذكر .. بس ما الله كتب انتاج

الله يوفقك بتجربتك

فعلا نظريتك جميله جدا

الصراحه اني اتحمس جدا جدا اذا شفت انتاج الكاسكو


والله يرزقك ويرزقنا الانتاج

وأن شاء الله نتشارك مع الاعضاء تجاربنا

[بكاتشو]

الله يوفقك
لكن ما ادري كم عمر الانتاج اعتقد فوق 5 سنوات وهنا مشكله لا يمكن تتاكد من العمر
عشان كذا حاول تأخذ من شخص ثقه لكسب الوقت
لان لون العين يكون اصفر من عمر سنتين وطالع
هذي وجهة نظري
اما تنتظر مده 3 سنوات حتى عمر الببغاء يكون جاهز للانتاج فيها مضيعه للوقت
هذا حسب معلوماتي

[4messi4]

اخي اعتقد أنك بحاجة لشخص ذو خبرة و ثقة يكون معاك بالاختيار بالاضافة للتحليل طبعا

وربي يوفقك