سؤال بسيط ولكن ضرووووري !!!!!؟؟؟

[عاشقة قططي]

السلام عليكم
انا عندي قط ذكر عمره 7او 8 شهور مني متأكده المهم هو بلغ الحين ويبغى يتزاوج
هو لسه صغير ومايعرف حتى كيف يتزاوج بس عرفت لانو عندي قطه انثى صغيرة لسه
وياحرام كل شوي يبغى يتزاوج معاها وهي مهي داريه اصلا ايش هو بيعمل وهو الين دحين مابيرشرش
فقلت اوديه يتزوج قبل ما يوسخ البيت المهم لقيتلو انثى بس عندي كم سؤال ؟؟؟؟
1- لما يتزوج ويخلص حيجلس كم على بال ما يطلب مرة ثانيه ؟؟؟؟
2- كيف اقدر ابعدو عن الانثى اللي عندي عشان مايتزوجها ؟؟؟؟
3- كيف اقدر اخلي ريحت بوله تروح لانو انا حاطه ترابو بالحمام وريحت الحمام جدا سيئه من بوله ما ادري هو رش فيه او من التراب مع اني غسلته 3مرات الحمام؟؟؟؟


وشكرا لكم اعرف كثرت هرج بس استحملوني طبيعتي لازم اشرح كل شي

[mony my lovely cat]

وعليكم السلام

القط الذكر يتجوز عند سن سنة وقبل كده خطر علي نموه (بناء علي كلام دكتورة بيطرية )
هو في مرحلة بلوغ فقط زيها زي المراهقة

حاولي تبعديه قدر الامكان عن القطة الانثي او تلاحظيهم وعموما موسم التزاوج خلص بينتهي في نص ابريل اعتقد

وبلاش تحطي تراب او رملة بالليتر بوكس ممكن تحطي الرملة البلورية بتشتريها من عند طبيب بيطري او من محلات لبيع الحيوانات الاليفه لانها بتمتص الريحة وانضف او ممكن تفرشي ورقة جرنان بالليتر بوكس وتتشال بعد ماينتهي من الحمام

اتمني اكون افدتك .. والله اعلم

[فاتـــو]

اهلين اختي
انتظريه على الاقل لين يكمل سنه
واذا تاعبك مره سوي له عملي تعقيم علشان ترتاحين وهو كمان يرتاح
لان القطط الذكور تظل تطلب زواج باستمرار حتى بعد اتمام التزواج

[Octopus]

الاخت موني ما قصرت و لكن ب اضيف اشياء بالنسبة ل سوال الاخت الثاني و الثالث و الاول

اول شي اختي الكريمة عاشقة قططي حولي ان تمنعيه مثل قولي له لا او تبعدي الانثى عنه لان قطك صغير بعده في العمر و كذلك بالنسبة ل الانثى الصغيرة و لازم على الاقل سنة حتى تقدر تتحمل من الحمل

بالنسبة ل الليتربوكس ف افضل ان تضعي بالقرب من الحمام و لكن حاولي ان تستخدمي منظف الجوء الذي يباع في الاسواق عندكم

و بالنسبة ل القط الذكر قد تلاحظين فيه محولات ل الهرب او رش البول في اماكن لا تتوقعيها و المفروض انك لا تطلعينه و تمنعيه من الزواج في هذا العمر بالظبط

و في شغلة هو جسم الانثى هي التي بتتعب بسب فترات الحمل و الولادة حتى لو كانت صغيرة

[عاشقة قططي]

الله يعطيكم العافية وربي ماتقصروا استفدت كثير من نصايحكم شكرا لكم
بالنسبه للذكر من نصايحكم حبطل ازوجوا واخليه الله يعين على الريحه بس اهم شي صحته
وححاول افصله عن الانثى بغرفه ثانيه وهو الحمد الله بيخاف لما اقولو لا لانو معودتهم عليها وانا عارفه خطر اذا الانثى حملت في هاذا العمر عشان كدا بس ابعدوا عنها وهو يمكن اكثر من 5 مراات باليوم يحاول معاها بس مو عارف وانا ما اخليه وهو له الحين يومين من طلب الزواج .
بس اذا بدا يرشرش بالبيت اهلي مستحيل يخلوه باعو قطي السابق بسبب دي المشكله فينفع ازوجوا لما يبدا يرش ؟؟؟
كمان عندي سؤال اذا خليته يتزاوج بدا العمر ايش ممكن يصيرلو؟؟؟؟ لانو فيه معلومه قريتها انو القطط البلدي والمهجن بيبلغو بدري مو زي الباقين
وهو نوعه رومي فهل دا الكلام صحيح ؟؟؟؟؟

[شاهستا]

اهلا بيكى

مادام اهلك هيرفضو رش القط وازعاجه لطلبه التزاوج

يبقى الافضل انك تخصيه لان الرش فى البول مش بيتوقف

حتى لو زوجتيه كل فتره بردو هيرش

وعلى فكره مش كل القطط الذكور بيرشو فى منهم مش بيعمل كدة

لكن الاغلب بيرش فا انتى الافضل انك تخصيه

[عاشقة قططي]

شكرااا شاهستا الله يسعدك يارب
ايوا هاذا اللي خايفه منو بس برضو احس حرام اخصيه
صراحه انا كل شوي بقول بروح اخصيه بعدين ارجع اقول حرااام واقول احسن ابيعو لاحد يقدر يهتم فيه اكثر مني بعدين ارجع اقول كيف اتركوا وماشوفوا كل يوم
ههه كل شويه تسير صراعات في نفسي ايش اسوي بس الين الحين ماقررت
بس فيه السؤال اللي قبل
ازا زوجتوا الحين ايش ممكن يسيرلو يعني بصحتوا ولا اعراض تجيلو ولا امراض ؟؟؟؟؟!!

[شاهستا]

مينفعش تجوزيه دلوقتى ولو هتخصيه يبقى تخصيه بسرعه قبل ما رغبه التزاوج تتمكن منه

و بخصوص الحرام والحلال تقدرى تسألى اى شيخ

بس الى احب اقولهولك انتى متعرفيش الى هتبعيه ليهم هيعاملوه ازاى

ولا هيكون مصيره ايه !

يارب تعملى الصح

[عاشقة قططي]

شكرا ليكي شاهستا بجد مرة افدتيني
ومابقي الا انا اقرر ايش حعمل :-)
شكرا لكل الاعضاء اللي ساعدوني لكم احترامي

[Octopus]

اذا كان القطة الاسود الذي في موضوعك السابق فقلناكي نوعها

و لكن حطي صورة للذكر حتى نفيدك بنوعه