نتائج فحص الببغاء .. أتمنى منكم التفاعل

[Walter505]

مساء الخير جميعا

أمس وديت الببغاء البيطري -توني شاريه عمره سنتين- عشان يفحصه .. المهم ..يقول البيطري ان معاه دود في الامعاء !! ...دود كثير !!
طبعا الطير وضعه عادي .. ساكت أكثر الوقت .. حركته قليله .. يمكن لانه جديد على البيت .. بس بدأ يتأقلم مع الوضع شوي

بس بالنسبه لموضوع الدود .. أحد منكم صادف هالمشكله من قبل ؟.. هل هي مشكله خطيره ؟
أتمنى ان اسمع نصايحكم ... طبعا البيطري عطاني له دواء

بانتظار تعليقاتكم

[رهفة إحساس]

أخوي ماعندي فكره بس حط في المشربيه نقط من الليمون لأنه يقتل البكتيريا

أو اعطيه ثومه ياكلها في يده لان مفعولها قتل البكتيريا

والأخوان يفيدونك ان شاء الله

وسلامته مايشوف شر

[Walter505]

المشكلة ياا خت رهفه .. انه ما ياكل غير الفصفص حالياً .. ويرفض اي شئ جديد .. ولا اقدر احط له ليمون او ثوم في المويه لاني احط له الدواء في المويه.

بس انا كنت ابي اخذ فكره عن هالمرض ..و هل هذه المرض خطير مره او لا .. وغير كذا .. أحد صادف هالشئ مع طيره (لاسمح الله) .. وش الاشياء الي ممكن تساعد على الشفاء العاجل ؟

[هاي توز و]

هلا اخوي هاذا المرض اكثر الطيور موجود عندهم الدود بس مايدرون الين يموت

وانا عند ي طير كان فية دود والحمد لله عالجتة وهي تعطية علاج يسمى طارد الدود تعطية مرتين بس

تعطية مرة وهمن تصبر اسبوعين وتعطية

وبالنسبة للحركة الطير عادي لانة توة جديد واي سوائل انا جاهز




.

[هاي توز و]

وبالنسبة لخطورتة فهو خطير جدا

وانا دورتلك العلاج وها ذا العلاج يجي كبسولة او حبوب

ولافضل الحبوب واسمهن

Ascapilla: طارد للدود وهذ يستخدم عندما ترى عظمه الصدر ظاهره ويستخدم مره كل 15 يوم والسبب الديدان عندما تموت يوجد بيض للديدان تفقس من جديد ولذلك لابد اكمال العلاج.

او هاذاWormex tab: ايضا طارد للدود ونفس الوصفه.




ولاتنسني من دعواتك بالتوفيق في الاختبارات

[eaglesa38]

حياك الله عزيزي
بالنسبة للدود في المعدة ليس خطير جدا
ولكن يجب علاجه
طبعا من علامات هذا المرض هو ضعف في جسم الطير
لا يؤثر على حركته او كلامه او حتى نشاطه
ولكن اذا لم يعالج سوف يفقد الطير الثكير من وزنه
وربما ستلاحظ بروز عظمة الصدر
علاجه بسيط جدا
نوع من الحبوب يعطى الطير مرتين فقط
يعني حبة باليوم لمدة يومين
طريقتي انا اقوم بتفتيت الحبة او طحنها بوضعها في ورقة قوية مع كفس الورقة وضربها باي شيء صلب حتى تتفتت
ثم اضع المسحوق في ابرة مقاس واحد مل مع اضافة ماء
واقوم بغر الطير مباشر في فمه
نوع الحبوب
wormex tab
وبعد اسوبع تعطيه حبة وبعد اسبوعين حبة لضمان القضاء على الدود



ايضا تحتاج فيتامين لمدة عشرة ايام
اسم الكبسولات Multivitamin EB12
تفرغ محتويات كبسولة في المشربية وكل 24 ساعة تغير الماء

وان شاء الله تتحسن حالته

تقبل تحياتي

[Walter505]

أخواني " هاي توز و " و "eaglesa38" ... مشكورين والله .. وبيض الله وجيهكم .. هذه الاجابه شافيه و واضحه

عموما البيطري أعطاني نوعين دواء للطير .. كلها كبسولات ... النوع الاول يومياً لمدة اسبوع .. و النوع الثاني حبه وحده كل اسبوع لمدة 3 اسابيع ... ما يحظرني اسم الدواء ..

وكلامكم صحيح .. انا ملاحظ ضعف الطير و فاقد كثير من وزنه .. صاير بحجم الحمامه .. بس الحمدالله ان عظمة الصدر مو بارزه
ان شالله يعدي هالمرض على خير .. والله يحمي طيوركم من هالامراض
مشكورين مره ثانيه

[ابو محمــد]

ماشاء الله تبارك الله

بصراحة انا سعيد جدا بهذه الإجابات المفيده والشافية

وصح الله لسانكم جميعا ،،

ملاحظة بسيطة:دواء طارد الدود قوي جدا وقد يأثر على الطائر

اذا أخذ جرعات ولذلك يستخدم مرتين فقط

بالتوفيق

[..{ Ė๓ǻ]

..{

ممكـن اعراض هالمـرض ؟!
الله يجزاكم الخيــر
واعتذر من اختي صاحبه الموضوع على التدخل