خبراء البلوفرونتد

[ابوخاالد]

اذا شاك لاتشتريه وانا اخوك

عشان ماتقعد تهوجس طول الوقت

[fawzi]

اخوي هذا بلوفرنتد توه فرخ لاحظ منقاره الطير توه صغير الاورنج وينج حجمه اصغر وللتاكيد هذه فروخ البلوفرنتد نفس الي عندك وعلى فكره البلوفرنتد انواع والي عندك الحجم الزين

[طيري وياكل من يد غيري]

السلام عليكم انا مع الاخ فوزي لانه صح البلوفرنتد الفرخ مايتضح لونه وخصوصا بعض الانواع الي اتجي العلامه الصفراء مختفيه او مشككه انه هو اورنج وينج بس اعتقد الاورنج وينج يبين الصفار اكثر صح ممكن نضيع في اشكالهم وهم صغار بس اعتقد انه فرخ بلوفرنتد ولو تلاحظ اخوي انه اليلونابد فرخ يجي اخضر كامل وبعدين تتضح فيه العلامه الصفراء وتقبل تحياتي

[vipaltear]

شكرا جزيلا لكم يا أخواني على تفاعلكم مع الموضوع
ويا أخواني الذين قالوا ان الطير بلوفرونتد ، اتقولون ان الطير تتغير الوانه بكل مرحله كلام صحيح
وما عليه غبار، ولكن تغير الألوان تكون في الريش وليس في المنقار وبينما المنقار لونه يكون
ثابت في جميع الببغاوات ، وكان عندي أورنج وينجز فرخ يشبه هذا الطير في مسامات الوجه
والجسد ، ولو تقارن اتشوف ان هذا الطير أقرب بكثير الى الأورنج

وماذا تقولون يا أخوان؟

[ابوخاالد]

المشاركة الأصلية كتبت بواسطة vipaltear

وماذا تقولون يا أخوان؟

نقول يمدحون الكاسكو

ارخص واظمن ومعروف ومافيه شكك وجودة كلام افضل

[vipaltear]

اهلا أهلا أخي ابو خالد
وطبعا طبيعي الأفضل الكاسيكو والحمدلله عندي كاسيكو وماشاء الله عليه .
ولكن حبيت أقتني أحدى الأمازونات وصار عندي مايلي أمازون وأورنج وينجز ولاحظة ان فيهم بعض الغباء ههههههه
والأخوان ماقصروا في تفصيلات عن طيور الأمازون وأفضلهم
ولكن للأسف على اسعار الطيور اليلوناب والدبل يلو اسعارهم واجد فوق
ولكن البلو فرونتد ارخص اشوي والأخوان حببوني فيه وحبيت أقتنيه

وعلى العموم خلنا في صلب الموضوع

وشكرا لكم

[fawzi]

المشاركة الأصلية كتبت بواسطة vipaltear

شكرا جزيلا لكم يا أخواني على تفاعلكم مع الموضوع
ويا أخواني الذين قالوا ان الطير بلوفرونتد ، اتقولون ان الطير تتغير الوانه بكل مرحله كلام صحيح
وما عليه غبار، ولكن تغير الألوان تكون في الريش وليس في المنقار وبينما المنقار لونه يكون
ثابت في جميع الببغاوات ، وكان عندي أورنج وينجز فرخ يشبه هذا الطير في مسامات الوجه
والجسد ، ولو تقارن اتشوف ان هذا الطير أقرب بكثير الى الأورنج

وماذا تقولون يا أخوان؟

اخوي انا اقول ان الطير بلوفرنتد والمنقار ماله اي علاقه يكون المنقار لونه داكن اذا كان البغبغاء صغير في السن وتدريجي يفتح لونه وهذ معروف وعلى فكره ابرويك صوره بغبغاء بلوفرنتد وانت وانت احكم

[vipaltear]

أهلا أخي فواز وشكرا لك
ولكن انا أختلف معاك لأن قريت في أحدى المواقع الأجنبية يحددون نوع الطير وعمره من المنقار

وانتظر صورة الطير يا أخي فواز والسموحه يا أخي تعبتك معاي

[طير الهوى]

،،

هذا اورنج وينج ولا يختلف عليه اثنين

شي واضح جدا .. ولا يحتاج الى نقاش ..

فرخ البلوفرونتد من يوم يطلع من البيضه لين يموت ومنقاره اسود بالكامل .. ولا يشوبه اي بياض .. بالاضافه الى طريقة القناع الاصفر والازرق .. يجي من تحت وفوق ويلتقون عند المنقار بالوسط .. وكذلك غياب الدقه الصفراء على الجنحان .. وأيضا ً ألوان الطير شاحبه والبلوفرونتد مو كذا ..

وهذي صور فروخ بلوفرونتد .. تدل على انه مافيه مرحله عمريه يمر فيها .. يكون منقاره فيه لون ابيض ..











وبالتوفيق يالغالي

،،

[سكر]

يا شباب صلوو على النبي

الببغاء هذا بلو فرونتد,, وفيه أنواع للبلو فرونتد ومواصفات لكل نوع,, في الشكل وفي درجات الألوان وحتى في شكل المنقار والرأس والأعين والجسم,,, الخ

واللون الأزرق في الأورنج وينج يكون لون أصيل وثابت,, ومثل النظارات على العين ,,

أما البلو فرونتد فاللون غير ثابت ومتغير بمراحل العمر,, ويختلف تشكيله من طائر الى طائر,, ومن فترة الى فترة

حتى ميزو ببغائي الحين مافيه ولا نقطة زرقاء كله أصفر بس,, وأول ما شريته كان كل راسه ازرق ولا نقطة صفراء,,

صاحب الموضوع لا تشيل هم هذا بلو فرونتد مو أورنج وينج,,,

وكلامي هذا مو رأي ,, هذي معلومة يا غالي

أما أخواني اللي قالو انه اورنج وينج,, التبس عليهم الموضوع لأنهم متخصصين تقريباً في الكاسكو أكثر من الأمازونيات,,

أو في نوع آخر,,

وكلهم أرادو لك الخير بس ما حالفهم الحظ,, الله يجزاك ويجزاهم خير

تحياتي