ممكن تدخل..حياك الله اتفضل

[كاسكو البحرين]

السلام عليكم أحبتي في الله كيف حالكم وكيف حال الطيور معاكم

ما يحتاج اتردون على السؤال الحال معاكم زي العسل شي طبيعي

هواية تربية الطيور جميلة ومريحة للنفس حقيقة

يا جماعة الخير عندي كم إستفسااار اذا ما عليكم أمر اجاوبوني من فضلكم

عندي كاسكو اشتريته قبل اسبوعين تقريباً وملاحظ فيه عدة اشيااء وبذكرها والمطلوب منكم

احبتي التعليق عليها وليس مجرد قرأة (مرور الكرام )

بالنسبة الى الفضلات مال الطير الله يعزكم

ساعات اجوف الطير يفرز الفضلات بحجم كبير وساعات بحجم صغير

واذا تبون الصراحة الفضلات اللي ابشكل الكبير مادري احسة مو طبيعي هل هذا شي طبيعي

من ناحية نظركم؟

زين السؤال الثاني وعسى ما طولت بس

الطير وقت ما اغطي القفص ماله يعني حق النوم اسمع صوت غريب كأنة صوت واحد يالس

يسوي إحتكاك بين اضروسة

وان شاء الله كلامي واضح ومفهوم وتمنى اني قدرت اوصل المعلومة

السؤال الاخير والله كريم

الطير اذا اقرب منه اجوف الصدر ماله يرجف هل هذا لانه للحين ماتأقلم معاي ؟ وخايف مني ؟

او شنو وجهة نظركم يا مشرفين ويا اعضاء؟

وسمحوا لي على الاطاله

وتقبلوا مني ومن اهل البحرين (مملكة البحرين)

خالص التحية والإحترام

أخوكم

كاسكو البحرين

والمعذره

[FAWAZ]

حياك الله اخوي وياهلا فيك بيننا ون شالله تستفيد معنا

عزيزي مو كل من دخل وشاهد موضوعك معناته يقدر يفيدك , لان الحكم في الاشياء البيطريه مو سهل ويحتاج دقه وخبره ودرايه ....

سؤالك الأول : تقدر تروح البيطري وتاخذ منه دوا يساعد الطير في تنظيف كل الموجود في جسمه ويرجع برازه طبيعي

سؤالك الثاني : هذا صوت طبيعي اخوي , الطير يبرد منقاره بنفسه ويطلع لك الصوت هذا وتقدر تشوفه بنفسك .

سؤالك الثالث : الصوت مادام انه يطلع منه ونت قريب منه عادي هذا صوته الطبيعي زي ماتفضلت مو متعود عليك .


وأي أسئلة تحب تضيفها اخوي على الرحب والسعه
بالتوفيق للجميع ,,,

[كاسكو البحرين]

شكراً لك عزيزي أخي فواز

وشكراً على التنبية بالنسبة للأشياء البيطرية

كاسكو البحرين