استفسار عن مرض الكاسكو

[ام ايمن]

السلام عليكم
اخواني هذي اول مشاركه لي وارجو ان اجد عندكم الحل المناسب لببغائي وياريت تتحملوني وتاخذوني بسعة صدركم
انا عندي ببغاء كاسكو في الفتره الاخيره لاحظت ان عنده اسهال ابيض ( طبعا انا ما ارف السبب لكني اعتقد انه احد الاسباب التاليه :
1- انا اشتريت له كيس جديد مختوم من مخلط كنج king ويمكن يكون ملوث ؟
2- يمكن لان المخلط يحتوي على علوب الفلفل الاحمر واهو مو متعود عليه
3- يمكن لاني اعطيته خلطة الثوم بالليمون لمدة 3 ايام )

في البدايه وقفت عنه الخضار والفواكه وصرت اعطيه حبوب فقط لاكن بدون فائده


المهم اخذته للصيدلي واعطاه avitryl بمعدل 1 مل لكل لتر لمدة 5 ايام انا اعطيته 4 ايام ومالاحظت تحسن ملحوظ

فقررت ابحث في الانترنت
المهم انا اعطيته فلازول بمعدل 1 مل لكل ربع لتر + نيومايسين بمعدل 1 غرام لكل لتر اخلط الاثنين في المشربيه الطير الحمد لله تحسن لاكن ماشفي بالكامل بمعنى انه يظرق عدة مرات طبيعي ومتماسك وبعدين يرجع يظرق مرتين او ثلاث سائل ابيض كثير وفيه بعض اللزوجه مع خيط اخضر وصار له 5 ايام على هذا العلاج وانشاء الله اليوم بوقفه

ملاحظه : الحمدلله الطير يتكلم ويلعب ولاكن اقل من قبل شوي

الله يخليكم انصحوني ايش اعمل قبل لا يخرج الطير عن الصيطره ( هل ممكن يكون عنده دود او كنكر ؟ مع اني طليت في فمه ومالقيت شي


ايضا استفسار ثاني انا بعد ما اوقف المضادات هل صيح ان الطير محتاج اعطيه نيستاتين nystatin علشان ما تتكون عنده فطريات وكنكر بسبب ان المضاد اضعف مناعته

الف شكر

[عبدالله سعيد]

اختي ماعندي خبره اتمنى الخبراء يفيدونك مايقصرون

[ام ايمن]

ولا احد رد علي ؟؟؟
شيء غريب مع اني من المتابعين القدامى للمنتدى وتعودت اني اشوف الاعضاء متعاونين ومثل الاخوان ....... بس يمكن لاني اول مره اشارك ؟؟

[eaglesa38]

عليكم السلام
أولا اعتذر منك لتأخر بالرد لانشغالي وعدم تصفح المنتدى
وانا الان رديت بمجرد شفت موضوعك

علاج الاسهال الفعال الي انا استخدمه
الكبسولات البنفسجية
لمدة خمسة ايام
كل يوم تفرغين محتوى الكبسولة في كمية ماء الي تكفي الطير 24 ساعة
لان زيادة الماء تقلل من فائدة الدواء
واذا تستطيعين تفريغ محتوى الكبسولة في ابرة 5 سم
وتسحبين عليها ماء 1 سم
وترجيها حتى يذوب المحلول وتغرين الطير بفمه تظمنين الطير اخذ الجرعة كاملة

تحياتي
ابورضا

[ام ايمن]

اخي الكريم ابو رضا الف الف الف شكر لك ماقصرت وكل عام وانت بخير
بس عندي ثلاث استفسارات اذا ممكن ؟
1/ ممكن تكتب لي اسم الدواء لو سمحت
2/ الطير الى الآن اخذ اكثر من نوع مضاد ( avitryl - فلازول - نيومايسين ) هل هناك ظرر من اني اعطيه نوع آخر من المضاد ؟ او اني احتاج اريحه بعض الوقت ؟
3/ هل يحتاج الطير اعطيه ( نيستاتين nystatin ) لاني قرأت في المنتديات ان الطير اذا اخذ مضاد قوي تضعف مناعته فيظهر عنده فطريات او كنكر

واكرر لك شكري

[ام ايمن]

اخي ابو رضا هل تقصد الامبيسيلين ؟

[eaglesa38]

اختي ام ايمن اولا عيدك مبارك وكل عام وانتي بخير

بالنسبة للعلاجات الي عطيتي الطير اتمنى انها ما أثرت على الطير
وتقدين تعطينه العلاج الي قلت لك عنه
هذا رابط فيه صورة العلاج
http://www.2zoo.com/vb/showthread.php?p=3172685
اقرئي رد الاخ TOZO
لرد رقم 6
وان شاء الله طيرك يتعافى

وهذا رابط العلاج
http://www.chevita.com/en/products/ampicillin-t.php

تحياتي
ابورضا

[ام ايمن]

اخي ابو رضا مشكور وماقصرت رحم الله والديك انشاء الله الشفاء على يديك
اوقف كل شيء من الادويه ماعدا الكبسولات البنفسجية ؟ صحيح ؟

[eaglesa38]

نعم اوقفي كل الادوية السابقة
وبعد إعطاء الطير الكبسولات البنفسجية لمدة خمسة أيام ووجدتي الطير توقف معه الاسهال ان شاء الله
بالإمكان إعطاء الطير المضاد لمدة سبعة ايام
بعد الانتهاء من المضاد اعطيه كورس فيتامين
http://www.chevita.com/en/products/m...tamin-eb12.php
لمدة عشرة أيام

[ام ايمن]

عذرا منك اخي ممكن توضح لي مره ثانيه
اعطيه المضاد خمسة ايام ولو احتاج امدد واخليهم سبعة ايام
هاذا قصدك ؟

بالنسبة للفيتامين عندي امينو فيت سائل ينفع كبديل ؟