النثيه تخاف

[عذبني غلاك]

السلام عليكم


كيف الحال ي شباب

عندي طيور بادجي حلوين شريهتم شهر عشره. معاهم اربع بيضات وبس للاسف فسدت البيض وما انتجو

ومن يومها ما بيضو عندي الذكر لما اقرب من القفص ما يخاف بس النثيه تطق القفص وما تهدا اذا قربت عند القفص

والحين لون الكير عند النثيه ابيض وانا من فتره لي فتره اعطيهم خس وجرجير



ابي خبرتكم شنو اسويلهم عشان ينتجون

[لمســة خيـــال]

وعليكم السلام
الانثى تبي وقت اكثر هي قلقه دعها لاتقترب الالوضع الاكل والتنظيف
يجب ان تصبر عليهم اخي الفاضل يجب ان يكون المكان الذي فيه القفص
هادئ لايوجد ازعاج اوتحريك القفص اوتبديله
نوع لهم الغذاء بيض وبقصماط وقمح منقوع ورز مسلوق خضاروفواكه تغسل
جيدا قبل الاستخدام وخبز مبلول
وعظمه الحبار مهمه للكالسيوم
والجرجير والتفاح محفز للذكر
والانثى الجاهزه كيرهابني والنثى الي عندك خرجت من الجاهزيه لتغير المكان
وتاكد مايكون فيه سمنه عندالطيور
ان شاء الله قريبا يبيضون

[عذبني غلاك]

ي هلا فيج اخني ام عيسى

بصراحه بيتنه كله ازعاج وللامانه انا غيرت مكانهم اكثر من مره ابيهم يرتاحون بس النثيه كل ما احط الاكل تطق القفص

وفي ناس اعرفهم عندهم ازعاج وينتجون الطيور مشا االله


بس طيوري ماني عارف شنو الحل كانو عند صاحبهم الاول ينتجون بسرعه بس عندي مادري اشفيهم

شنو تنصحيني اسوي

[لمســة خيـــال]

ياهلا فيك اخي
كلامك صحيح فيه طيور رغم الازعاج سبحان الله تنتج
والاخر لا قلق يخاف يحتاج وقت لي يتأقلم مع المكان
وطيورك من هذا النوع اصبر وحاول يكون المكان هادي
ولاتحرك القفص عشان ينتجو
موفق اخوي

[محمد الحوري1]

مثل ما قالت ام عيسى نوعلهم الاكل واهم شي الهدواء وعدم التطفل عليهم وهم في البيضه

[عذبني غلاك]

مشكورين وماقصرتو ع النصايح ومن اليوم ورايح راح اهتم فيهم اكثر

وباذن الله راح اخليكم تشوفون صور انتاجهم

[الجوهرة هنادي]

ما شآء الله على " ام عيسى " كفت و وفت

يجب توفير الهدوء + تنويع الغذآء + الصبر مهمـ جدآآآ

كذلكـ الإزعآج المستمر و تحريكـ القفص يؤخر الإنتآج

و يؤدي إلى توتر و خوف الطيور

لكن فيهـ بعض الطيور تنتج حتى في المحلآت مع وجود إزعآج كبير

في إنتظآر الصور لتحديد الجنس و الجهوزية

موفق