هل هذا تبديل ريش أم ماذا !!! ( يوجد صور )

[أمجـاد]

السلام عليكم


تقريبًا بنص رمضان الببغاء حقي ( الكاسكو الأفريقي ) بدا ريشه يتساقط وصار شكله مو حلو كنه منتف يعني إذا روشته تصير منطقة البطن والصدر عنده كنه دجاجه

هالسالفه صارت معاه من قبل وجيت سألت هنا وقلتوا احتمال كبير يكون تبديل ريش والحمدلله طلع ريش بداله وصار شكله يهبل بس ذيك المره كان بنهاية فصل الشتاء وحنا ألحين بفصل الصيف وهالشيء وسوس بي هل التبديل له فصل معين مثلاً شتاء أو صيف أو ربيع ؟؟؟

لأن فيه ناس حابين يشترون الكاسكو وأخاف يفكرون فيه مرض بعيد الشر عنه

الكاسكو ولله الحمد نظيف ما بوه قمل ولا حشرات والدليل القفص ما فيه شيء خارج عن المألوف ، وصحته ولله الحمد والمنه كويسه وكان مريض بشهر شعبان عانى من الزكام الشديد وعالجته بأدويه وخلصت ومن ثم كملت معه بالليمون والثوم بناءًا على نصائح الأعضاء اللي هنا

سؤالي / كيف أفرق ما بين تبديل الريش وما بين نتف الكاسكو لريشه ؟؟؟ وهل فيه مرض يسبب تساقط الريش غير القمل والله يبعد عنه شر الأمراض

وتفضلوا الصور اليوم صورتها له ، ماشاء الله لا قوة إلا بالله

[شرارة]

جب له طير ثاني يونسه

واعطه فتامين عشر ايام ورا بعض وبعد كذا ثلاث مرات في الاسبوع

الطير مر بمرحلة تبديل قويه واوقأت تقلب الا نتف

عشان كذا لازم تجيب له طير يونسه من نفس النوع او نوع اخر بس يكون قريب من حجمه

وحاول تلعب معاه وتخليه اغلب الوقت برا القفص



اتمنى لك التوفيق



.

[أمجـاد]

المشاركة الأصلية كتبت بواسطة شرارة

جب له طير ثاني يونسه

واعطه فتامين عشر ايام ورا بعض وبعد كذا ثلاث مرات في الاسبوع

الطير مر بمرحلة تبديل قويه واوقأت تقلب الا نتف

عشان كذا لازم تجيب له طير يونسه من نفس النوع او نوع اخر بس يكون قريب من حجمه

وحاول تلعب معاه وتخليه اغلب الوقت برا القفص



اتمنى لك التوفيق



.

لا حول ولا قوة إلا بالله العظيم يارب يكون فقط تبديل ريش وما توصل لمرحلة النتف لآنو تعبت معاه كثير بالفتره الماضيه وما ودي يصير له شيء فيه ضرر عليه وعلي بنفس الوقت لإني اعتبره مثل ولدي واخاف عليه واللي يضره يضرني أكيد

وما اقدر اشتري له طير ثاني يسليه ؛ لإني من الأساس عارضته للبيع لإنه محتاج عنايه ورعايه وجلوس دائم معاه وأنا بصراحه ما عدت أقدر اقوم بهذي المهمه مثل قبل لكثرة مشاغل الحياه وعنده اصدقاء ( زوج عصافير حُب ) وفي روايه آخرى طيور البادجي الزبده أنهم اصدقائه وما يستغني عنهم لازم يشوفهم قدام وجهه

وبإذن الله بشوف أحد يوديه لآقرب صيدليه بيطريه أو خبير محل طيور الزينه يعطيه فيتامين للتريش ويارب يطلع ريشه مثل قبل وآحلى بكثير

شكرًا لك أخي الكريم على الإفاده

[شرارة]

العفو الله يحييك