عمود خدش لا يتكلف 10 جنيه

[نوديوس]

بعد ما شفت طريقة عمل عمود الخدش هنا فى المنتدى عجبتنى
المهم الصدفة هى اللى جابتلى فكرة محاولة جعله لا يأخذ وقت فى صنعه
ماشية جنب محل موكيت كدة و مشايات، لقيت بيبع بواقى موكيت أو سجاد مقصوص بسعر وهمى المهم أخدت قطعة ، و قلت أغطى بيها العمود بدل م أقعد ألف خيط، و بصراحة ما لقيتش نوع الخيط اللى كنت عاوزاه
رحت للنجار ووصفتله الخشب اللى عاوزاه قاعدة 30*30 ، و العمود 45 سم، هو عشان أنا بتعامل معاه كتير عمللى العمود و ثبته كويس بمساند خشب(بصراحة كنت نفسى أقعد أدق الخشب بنفسى)، و رفض ياخد فلوس قاللى ما إتكلفتش حاجة هو بصراحة قص الخشب و ركبه عشان المقاس ما كانش موجود عنده المهم إداهالى بعد 5 دقايق
المهم الطريقة:
1- الأدوات كما فى الصورة



2-الكرة لفيتها بشريط ساتان لونين بعد دهانها باللاصق

3-و بعد ما خلصت لف حطيت طرفين شريط مع بعض فبقى عندى 3 أطراف عملتهم ضفيرة

4- قيست القطعة المطلوب لفها غلى العمودو قصيتها، و غطيت ضهرها باللاصق

5- لصقتها مع مراعااة تثبيت الكرة على العمود ، و لف الموكيت عليها فتثبت باللاصق
6- قصيت مربعات صغيرة للقاعدة، و تلصق بنفس الطريقة، و ده الشكل النهائى

7- لفيت شريط الساتان حوالين القاعدة من تحت عشان ما يعورش حد مكان قص الخشب، و تترك لتجف

والقطط عجبنهم فعلا و إبتدوا يلعبوا بيها النهاردة بعد ما نشفت

و فكرت لو باظ فى أى وقت ( أعتقد بعد فترة، ممكن أغطيه من أول وجديد بخامة تانية)

[عبدالله بالعيد]

طريقه جميله وسهله ولا تكلف شئ بارك الله فيك

[نوديوس]

و الله عبد الله فكرتك هى اللى شجعتنى إنى أحاول أنفذ العمود على الواقع لأنى مش عارفة ألاقيه فى أى مكان جنبى، و مش عاوزة ماما تزعل من القطط و هما بيخربشوا فى الفرش و فى كل حتة فى البيت، حتى شنطة اللاب توب

[نوديوس]

و بحساب التكاليف
العمود الخشب: _____( النجار رفض ياخد فلوس)
الموكيت أو السجاد: 2 جنيه( هى قطعة بواقى)
اللاصق: 3 جنيه
الكرة: 2.5 جنيه
الشريط الساتان: من البيت
المقص، و الفرشاه لدهان اللاصق: من البيت
يعنى 7.5 جنيه بس
و الله ده الكور بتاعتهم اللى فيها جرس ب 15 جنيه و فيها إتنين مش بيعملوا صوت أصلا، يعنى ده أرخص بكتير

[شاهستا]

نوديوس تسسلم ايدكـ ياقمر على العمود حقيقى سهل جدا

ومش مكلف وكمان شكله حلو

تستااهلى التقييم والختم واضافته لـ أبتكارى واخترآعى

اشكر تفاعلك فى القسم ومنتظره جديدكـ

[S h a i 5 a ..]

روووعه العموود

بانتظار يديدچ

-

[Egyptian Eagle]

ما شاء الله موضوع جميل و مفيد
تسلم الايادي اختي
تقبلي مروري

[meqdad]

موضوعك بجد رائع تسلم انا قطي في الحوش يستحدم الاشجار

مشكور اخي

[نوديوس]

شاهستا:
شكرا على التقييم، و إن شاء الله هحاول أنفذ أفكار جديدة و أضيفها

[نوديوس]

meqdad & Shai5a
شكرا على شكرا على تشجيعى فى أول مشروعاتى
محمد على: شكرا على مرورك، أسعدتنى مشاركتك