لاول مره تقرير كامل ( اضحك مع لوسي و توم ) صور تموت ضحك p:

[SoMeOn3]

السلام عليكم ورحمة الله و بركاته

اهلييين اخباركم ؟

اول شي ابغا اقولكم اني عانيت وعانيت الى ما اجيب بسه بالنهاية الحمدلله اقنعت الاهل وجبتهم

قبل كم يوم قررت انزل صور لوسي و توم اللي كلها لقطات تضحك مررره هابيل

وقلت ابدا اصورهم و احط الصور و اشوف ارئكم

و لاول احط موضوع بهالقسم فيه صور قططي


والحين بحط تقرير كامل عنهم

ترا ما قد كتبت تقرير قولو لي ايش ناقص و اللي مو ناقص واهم شي ارائكم

ان شاء الله تعجبكم

بس لا تنسون تعطوني رايكم ترا بالموت صورتهم لانهم بس ينططون على الكاميرا << اختراع عجيب خخخخخخخخخ

اولا ببدا بالتقرير

الاسم : لوسي

الجنس : انثى

النوع : امه فارسيه و اوبها امريكي

العمر : 11 شهر و اكثر من النص باقي شوي ويتم سنه

الزواج : جاري البحث عن زوج صالح و جذاب

صوره لها



الشخصيه : عكس اخوها مرررره بكل الصفات

1- تحب تنام على بطني او اني احطها بحضني و امسح عليها

2- عندها عيون لا اله الا الله مدوختني فيهم خخخخخخ

3- ما عندها مشكله اببببد انها تقعد تماوي ساعات بس اهم شي افتح لها الباب و تقعد تزعجني وتمشي على اللابتوب و تسكر الصفحات

4- الشي الوحيد اللي يجمعها باخوها انهم ما يحبون يقعدون بلحالهم ابببد يعني اول ما اروح لهم لازم يلاحقوني واذا قعدت يقعدون حولي

5- تحب احد يمسح عليها اكثر من انها تلعب بالخيوط يعني صايره ثقيلة دم وما تحب تلعب الا اذا ترجيتها

6- فضيييييييحه اذا جبتها غرفتي واهلي معيين طبعا و سمعت صوت بره لازم تروح تشوف مين واذا مسكتها عشان ما تروح تماوي وبالذات امي اول ما تسمع صوتها تنجن وتنطط وتروح تشوف

7- ما تزعل على احد ولو زعلت تزعل يوم واحد بالكثير لان كثير اهلي يخوفونها لانهم ما يحبون البسس بعدين باليوم الثاني تجيهم تماوي وما تحب تخلي احد زعلان اول كنت زعلان ومالي خلق بعدين جت هي عندي تطالعني وتقعد بحظني و تمسح راسها على بطني

8- ما تحب تتصور اول ما تشوفني اصورها تنط على الكاميرا

9- متسلقه فنانه كل يوم ترقى السطح بعدين تنط على سيارتنا مرره تحب هالحركه مدري لييه

10- هوايتها المواء والازعاج

يوميات لوسي :

1- امس لوسي تغلت علي و تنحاش مني و ما تلاحقني ولا شي لاني كنت مسافر قبل كم يوم خخخخخخخ واليوم اسمع اهلي يصرخون علي يقولون تعال البسه رقت فووق ويوم طلعت من الغرفة لقيتها قدام غرفتي بعدين على طول جت تمسح علي

2- مره رقيت لوسي غرفتي وكانت نايمه المهم جت اختي (ما تحب البسس) تقول انا شفت توم رقى فوق قلت لها مو عندي دوريه بعيد و كل شوي اصرفها لاني غبيت لوسي تحت البطانيه وماسك البطانيه عشان ما تطلع وتفضحني المهم كانت تتحرك تبي تطلع تشوف مين جا ذي الملقوفه واختي كبيره يعني ما اقدر اشوتها بالمخده اقولها اطلعي خخخخخ المهم قعدت شووي تدور وانا ماسك البطانيه وهي تمخشني ويوم بغت اختي تطلع لوسي تقوم مياااو عاد اختي قعدت تصارخ وانحاشت تحسبها تلاحقها بعدين على طول رجعت تقول وينها و انا اقول ما ادري خلاص روحي وسويت نفسي متفاجئ من البسه اللي بغرفتي ههههههه عاد بعدين ما قدرت امسكها زياده وطلعت من البطانيه لتحت السرير وشافتها اختي قلت يووه لوسي متى دخلتي هههههههههههه بس هالبسه فضااايح بس الحمدلله عدت على خير واختي راحت غرفتها و لوسي على طول جت غرفتي مره ثانيه

مع ذلك احبها اكثر من تومي لسبب بتعرفونه بعد ما تخلصون قرايه عن تومي

يلا نبدا بتوم

الاسم : توم ودلعه تومي

الجنس : ذكر

العمر : 11 شهر و اكثر من النص باقي شوي ويتم سنه

النوع : امه فارسيه وابوه امريكي

الزواج : جاري البحث عن زوجة ثالحه وجذابه له

هذي صوره له



الصفات :

1- خواااف بس الحين الحمدلله تعود عالوضع و صار زي لوسي يمون ويرقى غرفتي

2- اقوى صيااد بالارض كلهااا و سريع جدا ما شاء الله و صاد قبل امس حمامه عرمشها هو و لوسي خخخخخخخخخخ

3- حوطي شوي لان اذا كنا انا وياه بنتسابق اركض يركض قدامي وباللفات اذا سبقته يصقعني بقوه و يمشي بين رجولي يعني ياحول يحسب نفسه بسباق خيول

4- يكرررررررره احد يحطه على حضنه اول ما احطه بحضنه ينط ويجلس جنبي بس يموت باللي يمسحون على راسه و ذقنه مررررررره واحيانا احسه زي الكلب اذا رميت عصا ينط يعضضها واحيانا يجيبها جنبي

5- مدوخ قطوة الشوارع ههههههههه لانها كل مره تجي تتهاوش مع لوسي اكيد غيرانه منها عشان توم :P مع اني ساعدت بسة الشوارع يوم ولدت عندنا و اكلت اولادها بس طلعت ناكرة جميل و قاعدة تتهاوش مع حبيبتي لوسي بوريكم صورة قطة الشوارع اخر شي ان شاء الله هي و اولادها الاثنين

6- يعشق ركوب السياره معي ومهاوشات على ما اطلعه

7- هوايته الصيد

يوميات تومي :

1- امس بنفس اليوم اللي كانت لوسي زعلانه مني كان تومي مستلج مررره يعني مصرقع او منهبل المهم كان يفحط بالبيت يركض يركض يركض بعدين يرجع ويتزحلق عالارض ويركض عندي ههههههه و بصراحه حسيت ان لوسي و توم تبادلوا شخصيات امس هههههههههههه لان توم اذا قعدته على حضنه ينام بعدين يلف ويزين قعدته عكس اول كان يقتلني ولا يقعد علي اما لوسي اذا قعدتها علي تتضارب معي وتروح بس الحمدلله تعدلت اليوم

2- امس ركبت السياره وخليته يركب معي ابغا اشوف وش بيسوي المهم بعد ما ركب قعدنا اقل من 5 دقايق وانا ادور سماعات جوالي بعدها امطرت و كان شعور يجنن لعبنا بالمطر وهو يلاحقني ويفحط بس ما طولنا عشان البرد

اييه ونسيت اقول لكم ليش احب لوسي اكثر

1- نحيفه عكس توم الثقل ما شاء الله

2- عادي احطها بحضني بس الحين توم عادي

3- عيونها مرره تجنن ما شاء الله خخخخخخ اما توم عاديه


يلا الحين بوريكم بعض الصور المضحكه لهم




هذا فستان لوسي من تصميمي انا و اخوي قصيناه بعدين قمنا نشخمط عليه خخخخخخ

هذا كان فستان زواجها بس بعدين انلغى الزواج لان قط صديقي خان لوسي و تزوج قطوة شوارع ههههههههه عشان كذا كملنا خرابيط


وش رايكم فيه ان شاء الله ادور زوج لها بالمنتدى و اسوي اكبر زواج لهم و احط الصور بموضوع ثاني تشوفونهم








هذي صور اعجبتني جدا للوسي وش رايكم فيها انتوا ؟


و نكمل باقي الصور ...




هذي الصورة بالملحق كانت متحمسه باللعب ورقت فوق التلفزيون




هذي لوسي قلت لكم ملقوفه اصيييييييييله




و هنا توم ياكل بملعقة ولوسي تناظره مستغربه




بس بعدين اقتنعت وشاتت تومي عند الصحن ياكل منه وهي من الملعقه خخخخخ




قلت لكم انه لوسي مرره مرجوجه والحين من الحماس الزايد نطت بالصحن اللي فيه جبن وجاء حول عيونها










و اخيييييييييرا صورت صور لهم الاثنين مع بعض امس كنت مرره مبسوط بهذا الانجاز






وهنا طالعه خطييره مع السلسال خخخخخخ





وهذي صورة حلوة لتومي





هذي الصوره اللي وعدتكم احطها حقت بسة الشوارع المعجبه بتومي حرام اكبر منه بعشر مرات خخخخ

هذا ولدها والام ورا

اما ولدها الثاني مدري وينه مفقود




الحمدلله خلصت

تراني تعبت مررره عالموضوع ابغا ردود تشجيع عشان انزل صور عيد ميلادهم السنه

قولو لي رايكم فيهم و مين عجبكم اكثر

استنى ارائكم

[sisi_moon]

هههههههههها والله انبسطت عالمـوضوع ..

ماشاءالله حلوين قطووااتك

بس أحسها نحيفه كثيرررر لووسي .. جسم تومي أحلـى ..

عكسي انت .. انا أموت عالقطوه المليـاانه

ماشاءالله قطواتك خـفـاف دم ومرحين ربي يخليــهم لك ان شاءالله وتفـــــرررح فيـــهم

وماشاءالله التقرير كامل مكمل .. ماقصــرررت اخوي

ويعطيـــــك ربي العافيه

[SoMeOn3]

يسلمووو

مشكوووووره والله كنت بتحطم لاني من اليوم احمل الصور بعدين نصها ما طلعت لان الموقع خرب و رحت ادور موقع ثاني بعدين عيت تطلع الصور فيه و سويت موضوع ثاني اللي هو هذا و صارت خربطه شوي و تحطممممممت قلت اكيد محد بيرد

بس والله انك رفعتي معنوياتي يسلموو


اجل عجبك تومي اكثر


الحمدلله اني ما نسيت شي بعد

كان ودي مرره احط فيديو عن صيد توم و النشبه لوسي اللي ما تتركني فديتها

بس للاسف ما اعرف كيف


ان شاء الله اتعلم و انزله

[Mo0oMo0o]

بجد موضوع ممتع واللهي ولوسي زي السكر ^_^ حبيتها

تقرير حلو اختي ^_^

[SoMeOn3]

يسلموو مومي على مرورك الرائع


فعلا لوسي مرره تضحك و كل ما صار شي احاول افتح الكاميرا بسرعه اصورها احيانا ما يمديني واحيانا ما عندي كاميرا بس تومي فنان بالصيد اكثر شي و ما يحب اللقافه مؤدب هههههههه عشان كذا ما تطلع اشياء تضحك خخخخخخ

ملاحظه : انا ذكر :P




و يسلموو على مرورك خيتو

[أمورهـ]

السلام عليكم


ماشاءالله رووووعـه القطط لوسي وتومي ..

ومررره خطيره الوانهم واشكالهم

ايه لوسي علشانها انثى تجي خفيفه ^.^ اما الذكر سبحان الله دايم ثقال ورؤسهم كبيره شوي خخ

شكرا لموضوعك الرااااائع والصور الاروع ..
تقرير مميز ..
لاتحرمنا الجديد

[SoMeOn3]

يسلمووو اموره على مرورك الرائع

ههههههههه اما عاد روسهم كبيره :P

تسلميين

و شكرا على مرورك الخطيييييييييير

[marjojah ana]

يااااااناااااسو ع المرجوجة <<<اكتر شي شدني في الموضوع

يتربوا في عزك ان شاء الله
وربي يوفقك وتلاقيلها عريس

[SoMeOn3]

يسلمو يا (مرجوجه) على المرور امين


امين ويرفقك ان شاء الله


ايه ان شاء الله القى عريس مناسب :P

يسلموو على المرور

[مربية قطط]

هلا وغلا
صراحة موضووع جووناااااااااااان ماكان ودي انه يخلص الله يخليهم لك ويرزقهم بالأزواج الصالحين <<<خخخخخخخخ
وفي صورة للوسي مرة حلوة
[IMG]التحميل من هنا[/IMG]
الله يخليهم لك
تقبل تحياتي