بداية التدريب للدفاع عن النفس

[Musab Pro]

بسم الله الرحمن الرحيم

استفدت من المدربين الاجانب اشياء كثير من ضمنها موضوع كيفية

الدفاع والحراسه وحبيت اشارككم بهالمعلومات

اولا التدريب على الحراسه او الشراسه من بين كل انواع التدريب يحتاج دقه

والافضل يكون متدرب مختص في حال اجتهدنا اجتهاد خاطئ ممكن

نعفس السالفه ونخرب كلشي ويمكن نعور الكلب او نسبب له عقده

وتصحيح الخطأ يكون صعب .

النقطه الثانيه اثناء التدريب نعتمد على شيئين مهمات لازم نسوي لها

وزنيه بشكل احترافي وهم

1. الدفنس درايف : وهي غريزه الكلب بالدفاع عن ممتلكاته او ممتلكات

صاحبه وهذي موجوده فيه بالفطره وممكن تزيد او تنقص من كلب

الى اخر ..التمرين يطورها ويشكلها بالشكل اللي حنا نبيه .

2.بري درايف (غريزة الكلب في احضار الاشياء): وهي تختلف من كلب

الى اخر بعد ومهم ان الكلب يركز مثلا على السليف

في مفهوم كثير من الناس تعتقد فيه وهو لما انا اتعرض لهجوم كلبي

راح يعرف يتصرف !!

وهذا الشي خطأ ممكن انه يجتهد وممكن يوقف ويطالع ولا يدري ايش يسوي

وممكن يكتفي بس بالنباح

عشان كذا لازم ندرب الكلب عشان يعرف بعدين ايش يسوي بالظبط.

طرق تدريب الكلاب على الهجوم معروفه ومكرره بمنتدانا و الشباب

ما قصروا واضحه جدا ولها اكثر من سيناريو و طريقه وانا شخصياً

جربتها وكلها تمشي

ربطنا كلب وتأكدنا انه مثبت زين وجيت اضرب صاحب الكلب اول شي

جلس يطالع ما استوعب الموضوع ولكن اول ما بدى صاحب الكللب يصرخ

(عضه عضه ) انجن الكلب لكن ما قدر يوقفه وهنا تقع المشكله .

عشان يكون الكلب جاهز للهجوم لازم يكون عنده طاعه قويه ومن اهم

التمارين انك تشوف ايش اكثر شي يعميه ويخليه اوت اوف كنترول

وتحاول تسيطر عليه بالوقت هذا .

مثال انا جربته شخصيا واتمنى تطبيقه بدقه

بالبدايه كانت كلبتي تجنني وقت الاكل وتنط علي وما اقدر اسوي

لها كنترول .. صرت لما اجيب الاكل تنط وارفع عنها الاكل واخليها

تنط عشرين ثلاثين مره لين تفهم انا ما راح اعطيها اكل الا اذا سوت

اللي ابيه

اعطيها امر set.& stay

اروح احط لها الاكل بالصحن تجي مسرعه .. اسحب الاكل مره ثانيه

ما تاكل ولا قطعه

اعطيها امر ست وستي واحط الاكل مره ثانيه واذا جت اشيله واعطيه

امر نووو او باد دوق او عيب للي يبي بالعربي

لين تفهم والنتيجه اني احط الاكل والعب فيه قدامها وهي واقفه

تطالع تحتريني اقولها اوكي كم

نفس الشي اطبقه لما اجيب لها ارنب حي واتركه ينحاش بالحوش

عندي تنجن تبي تصيده وهذي فطرتها زي ما قلت لكم

البري درايف .. انا امسك الكلب واعطيه set & stay و يبين عليه

انه يبي يموت يحتريني اقوله اتاك .

لما احس انه بدى يسمع كلامي بحذافيره اعطيه اتاك ويلحق الارنب .

طبعا هذا الشي حرام شرعا عشان كذا انتبهو تغلطوون انا حطيت

قفص للارنب لما ينحاش يتوجه له.

ولما يدخل للقفص اعطي الكلب ستوب وكم ويجي لين عندي

واكافئه بالاكل والمدح .. استمريت على هذي التمارين فتره طويله

والنتيجه جدا ايجابيه ومرضيه واعتقد كلبي ولله الحمد جاهز للتدريب

على الهجوم والدفاع

معلومه مفيده لما يحطون الكمام للكلب يحمون مساعد المدرب والهدف

الاهم انهم يخلون الكلب يعتمد بالهجوم على جسمه بعد مو بس الفك .

اتمنى اني افدت واعذروني عالاطاله واحب اهديكم هذي

المقاطع عشان ما يكون الموضوع ممل

http://www.youtube.com/watch?v=Jb0cxrawMXc

هذا المقطع فيه الطريقه لتهييج الكلب .

http://www.youtube.com/watch?v=NcgdNEOJ40g&feature=channel

[الـــــــرازم]

السلام عليكم يالغالي ماشاء الله يسعدني

انظمامك معنا في هذه القافله

موضوعك جداً جميل وفيه الفائده

واشكرك كثيراً على هذا الطرح وماقصرت لأدارجك هذا

الموضوع الذي هو بالفعل لابد من الجميع الأطلاع عليه

لأن الكثير من الناس لايدركون اهميه الهاستري ( تاريخ الكلب )

وخاصه عند شرائهم للكلاب فالواجب هو السؤال عن التاريخ

العائد للأب والأم وماكان ماضي اجداد هذه الفصيله

حتى ولو تم السؤال عند الجد الأول او الثاني او الثالث

لإختيار السلالاله النقيه

التي تحمل جميع المواصفات التي طرحت

في موضوعك

سلف دفنس

( جينات دفاعيه وهي وراثيه وتكون مدعمه من الجينات )

بري درايف

( شديد في التركيز والثقه وهذا ايضاً يعتمد على الجينات )

والسبب لكي تحصل على كلب فايت درايف

( كلب قتالي وحارس أمين لك )

وانا ما اقصد قتالي لمعارك الكلاب

لا انا

اقصد انه قتالي في عدم التردد اثناء

الهجوم الموكل إليه والسبب الثقه العاليه

ومثل ماتفضلت الطاعه المتقدمه هي الأهم

اثناء التطبيق

اشكرك وتقبل مروري بـ 4 نجوم تقديراً

للجهود + ختم التميز للموضوع

وكن بالقرب دائماً

اخوك ابوخليفة

[الموسوي]

مشكوووووووور اخوي على المووضوع الحلوووو والمفيد

تحياتي

[البحتري]

شي جميل ومشكور على الموضوع الرائع

[Musab Pro]

هذا اقل شي اسويه لهالمنتدى والناس الطيبه اللي فيه

مرور اساتذه وثنائهم على موضوعي شرف كبير

وحلاه اكثر الوسام والنجوم الف شكر لكم اخواني انتو اللي شجعتوني وانتو اللي نورتوني .
وهذي نتيجة اتعابكم

[mahmoud_fat7y]

الموضوع بجد ممتع جدا و مفيد جدا
وكمان الفديوهات اللى مع الموضوع جميلة جدا
بجد شكرا ليك

[الكلاسيكي]

موضوع جداً جميل ومفيد .

تسلم الأيــادي طـال عمرك .

تحياتي

وتقبل مرورري

اخـ ابومحمد ـوك

[josy]

hi

جد موضوع كتيير مفيد ..الله يعطيك العافية .

. لما احس انه بدى يسمع كلامي بحذافيره اعطيه اتاك ويلحق الارنب .

طبعا هذا الشي حرام شرعا عشان كذا انتبهو تغلطوون انا حطيت

قفص للارنب لما ينحاش يتوجه له.

ولما يدخل للقفص اعطي الكلب ستوب وكم ويجي لين عندي

واكافئه بالاكل والمدح ..


الله يعطيك العافية انه تفكر كيف تتعامل مع الحيوانات وكيف انك تدور على الحلال والحرام بتعاملك..

كتيير عالم ماتفكر بهيك طريقة وتتعامل معهم انهم حيوانات بدون روح ولا احساس.

يسلموو على هيك موضوع..

الله يعطيك العافية

[انجل مان]

ما شاء الله تبارك الرحمن ..

موضوع شد انتباهي فعلا ..

وشاكر لك على اسلوبك في الطرح .. جدا كان يحمس وممتع ..

وتقبل مروري ..

اخوك انجل مان

[Musab Pro]

الموضوع بجد ممتع جدا و مفيد جدا
وكمان الفديوهات اللى مع الموضوع جميلة جدا
بجد شكرا ليك
__________________

تسلم يالغالي هذا من ذوقك

موضوع جداً جميل ومفيد .

تسلم الأيــادي طـال عمرك .

تحياتي

وتقبل مرورري

اخـ ابومحمد ـوك

على راسي يابو محمد

hi

جد موضوع كتيير مفيد ..الله يعطيك العافية .

. لما احس انه بدى يسمع كلامي بحذافيره اعطيه اتاك ويلحق الارنب .

طبعا هذا الشي حرام شرعا عشان كذا انتبهو تغلطوون انا حطيت

قفص للارنب لما ينحاش يتوجه له.

ولما يدخل للقفص اعطي الكلب ستوب وكم ويجي لين عندي

واكافئه بالاكل والمدح ..


الله يعطيك العافية انه تفكر كيف تتعامل مع الحيوانات وكيف انك تدور على الحلال والحرام بتعاملك..

كتيير عالم ماتفكر بهيك طريقة وتتعامل معهم انهم حيوانات بدون روح ولا احساس.

يسلموو على هيك موضوع..

الله يعطيك العافية

الله يعافيك اختي

لسى الدنيا بخير مسموزيل

ما شاء الله تبارك الرحمن ..

موضوع شد انتباهي فعلا ..

وشاكر لك على اسلوبك في الطرح .. جدا كان يحمس وممتع ..

وتقبل مروري ..

اخوك انجل مان

كلك ذوق يا صاحبي
اشكر مرورك يالغالي