النجدة!!!!! العيادات البيطرية عليها السلام

[e111]

النجدة!!!!! العيادات البيطرية عليها السلام

هدفها الربح وظرب الابر والضحك علينا ما ادري هم شايفينا اغبياء ولى فاضييين وفلوسنا زايدة

مادروا بأنه هناك أمرأة دخلت النار بسبب قطة وفي المقابل إنشاء الله يكون اهتمامنا ورحمتا بهم سبب في رحمنتا ومو شرط اننا نهتم في القطط اننا ماعندنا رحمة في الناس المساكين مثل مايعتقد البعض
المهم
العيادة الأولى : وديت بستي عسل (عسولة) عشان تتزوج وتفرح وافرح معاها بعيالها والدفع مقدم وبعد 3 أيام قال الدكتور انها هربت مع انه كاتب في الكرت فندقة يعني خدمات فندقية ولما دخلت ادور معاه شفت منظر اخس من زريبة ويأكل بعض القطط عظام وجلد الدجاج ومجموعة قطط حاشرها في قفص طيور والمشكلة عليه زحمة وفي حي محترم
والكشف بمبلغ محترم والممرض على أنه ممرض يخاف من القطط والله شكله حارس زريبة.

العيادة الثانية : برضه بحي محترم والعامل هو الي يكشف ويدق ابر والله عوج (طعج) الابرة في ظهر بستي قمر (قمورة) وكل ما أرحلة مافي إلا أبر أبر أبر أبر أبر ............ والله حرام.

ايش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اريد حلاً

[marjojah ana]

ana 3arfah 3an ay 3eadah betetkallam...lanne ba3ane men nafs almoshkelah

asla ana 7alaft mara7 aro7lahom tanee

[e111]

شكرا على مشاركتك مشكلتي
بس مجبور أبصم بالعشريين
لأن قمر لها كم يوم تعبانة من أذنها مسكينة

وعلى فكرة الممرض يقول شكلها عين يعني (حسد)
(مع ايماني بالحسد) ناقص يقول يبغالها زار

[Mo0oMo0o]

؟.

اختي وديها بيطري يفهم مو أيا واحد تشوفي تسلميه بستك
اول شي روحي محل الحيوانات وخودي بستك ولو يعالجها يكون دا الشي قدامك واجلسي اسألي واسألي ليش دا وإيش اضرارو ومضاعفاتو بيني إنك مو جاهله .

وعالتزاوج انا شوفت محل كمان والله محترم لكن لما شفت بعيوني كيف العامل يمسك قطه يجففها مدري يروشها زعلت والله من طريقتهم بالعنايه , مع العلم إنو قطي كان بيدي شايلتو وحلفت عمري ما اتركو لزي كدا ناس

التزاوج ابدا لاتفكري تاني تودي قطتك او قطك محلات شوفي هنا المنتدى في قسم التزاوج والتبادل هادي طريقه
وفي كمان طريقه تسألي صحباتك قريباتك يعني احد بالمجتمع حقك تثقي فيه وطبعا لاتتركي قطك يوم واحد بدون ماتشوفيه لو 10 دقايق

القط مو لعبه يعني لازم تحرصي حرص بجنون على قطك لأنو لما تكون معاكي وعنايتك فيها مو زي لما تكون مع اشخاص ماتعرفيهم وحتى لو تعرفيهم ماتثقي إيش راح يأكلوها ويعتنو بيها .

وترا معلومه كتر الابر مره مره مره موطيب للقط ولازم تكون بين تطعيمه وتعطيمه اقل شي اسبوع واكتر لأنو جسم القط مايتحمل .

ودحين الحل ودي قطتك محل يكون معروف واتناقشي مع البيطري قوليلو كل اللي سار من الاول للأخير وخليه يشوف قطتك يكشف على صحتها ويشوف الألم اللي بتعاني منو وشوفي إيش يقولك ولاتخليه يضحك عليكي
لا ابر ولا شي من وقتو اول شي شوفي التشخيص وإنتي دوري بالنت على دا المرض وأعراضو وشوفي يطابق مع قطتك ولا لآ

الله يعينك ولازم تكوني حريصه أكتر .

[ع آشـــ ق آلح يوآنأت]

السلام عليكم.....
الحل زي ما قال(ت) مومو؟؟؟
لان شكل خبير(ة) في تربية القطط....
وشكرا....

[e111]

شكرا على مشاركتك مشكلتي
وجزاكم الله خير
يا احلى ناس

بس على فكرة العيادات الي رحتها عيادات معروفة وعليها زباين مثل النحل مربين قطط,طيور, كلاب (اعزكم الله) ......الخ
مسكينة (قمورة) حرارتها 40 ماصدقت الين شفت الترمومتر بنفسي وديتها امس واعطاها ابرة واليوم شكلها تحسنت شوي بس لها اسبوع ما قالت ميو اكثر شي تقوله م بس م واحيان ماتقول شي تحزن والمشكلة كلها من اذنها حتى ما اقدر انظفها انشاء الله بكرة لما تفتح العيادات بوديها فيفا ومدري عندهم سالفة ولا مافيفا سالفة والله يستر

[marjojah ana]

لو رحت فيفا حيقلك ابر وحبوب دود ع طول وانا متاكدة ماعندو غير كدا
ف انا اقلك فين احسن شي انا وصلتلو الين دحين
وديها عيادة جدة البيطرية في دكتور افريقي لانو دكتور مارك في اجازة دحين واذا كان موجود احسن دخلها لمارك
وشوف بنفسك الفرق بينهم وبين اي عيادة تانية في جده
بجدد
ودي العيادة كلها E و فيه مترجم يعني اذا مافهمت شي

يعني انا انصحك روح وششوف
انا اي شي ضروري وموضوع كبيير اخدهم عليها
واذا شي بسيط فيه صيدليات بيطرية وفيها دكاترة سووري ماني فاكرة اسم الشارع
بس حسأللك

في محل مررررة مانصحكم ترووه لاني بجد اتعززبت معاهم !!ماعتقد اقدر اذكر اسامي!!!بس بجد لو يقفلولهم هوه يسووا خييير في الناس بجد حراام

[e111]

بجد شكراً شكراً شكراً على مشاركتك مشكلتي
جزاكم الله خير ويسخر لكم الناس الطيبين شرواكم
يا احلى ناس
اليوم حررتها 39

والله ارتحت نفسياً
وانشاء الله انزل صورة قمورة وتكون شكر وهدية متواضعة مني ومن قمر لكم
لدعمكم واهتمامكم

[e111]

بالرغم من انخفاض الحرارة إلا إنها عادها تعبانة
وإنشاء الله أعمل بنصيحتك اختي الكريمة اليوم العصر بأتصل عليهم وآخذ العنوان
أمس وديتها الطوارء مرة ثانية حطلها حاجات (مرهم,قطرة) في أذنها وأبرة وكان بيعطيها الثانية ماخليته حتى هو استغرب مني كل ما اسئله عن الابرة يقول مضاد او فيتامين
شفتها تصيح من الأبر وتتألم

على العموم العيادة الي تقولين يبغالها قفل شكلها العيادة الأولى اللي ضيعولي عسل (عسولة) بحجة إنها عضته وهربت.

معليش يمكن اكون رجيتكم بالموضوع لاكن والله تعبت أنا كمان
الحمد لله قدر وماشاء فعل

[Mo0oMo0o]

اختي مرجوجه بالعكس إحنا نحتاج نعرف مين العيادات الكويسه من اللي سيئه عشان نتجنب الاضرار
انا لما طعمت قطي وديتو واحة الحيوان هناكا اخد تطعيمتين مع إنو ماكان نفسي ياخد الاتنتين بوقت واحد لكن البيطري قالي مافي مشكله مايضرو إن شاء الله لأنها اول التطعيمات

..

اختي ودي قطتك لفيفا وشوفي إيش حيقولو ويارب تتعافى .