الكاسيكو حقي وحبه للأندومي!!!!

[putchi]

السلام عليكم

كيف حالكم ان شاء الله بخير؟

اخواني انا لدي فرخ كاسيكو عمره يقارب الشهرين ,يوم شريته من راعيه قالي انه محجل بس ماشفت اي حجل برجولة؟! هو وين المفروض يكون ؟؟

ايضا شي اخر كيف اعرف البراز الصحي للكاسكو؟؟

انا اعطيه اكل تفاح جزر مسلوق حمص مسلوق والحب المشكل الي هو شمسي وسبال , لاحظت شهيته ماشاء الله تنتفتح بالليل وبالقفص يعني على الثنتين بالليل ..

لكن الي مستغرب منه احد العيال حطله اندومي امس بس مغسول من طعم البهارات وكثيررر حبة يمكن عشانه لين ونفس شكل الدودة والله مادري!!

اليوم بعد عطيته حاب اعرف هذا الي اسويه غلط؟!! ويظره او عادي اعطيه!!!!

[Bohamad_93]

الحجل فيه انواع ذهبي وفضي وفيه نوع يكون كبس .. تلقاه برجوله .. ان مالقيت معناه مو محجل وتقدر تحطله حجل
الحجل علشان تميزه من مكان تفريخه .. الي عندي اياه محجل ذهبي معناه تفريخ من هولندا ..

على كل هو كله ببغاء كاسكو افريقي الحجل هو مكان تفريخه لا اكثر .. او علشان تعرف صاحبه ..

.. لكن بالعادة يكون الهولندي اغلى سعر .. وهذا الشي على حسب المشتري والتاجر .. كنت لازم تفحصه قبل ما تشتريه ..

الاندومي , يسبب اسهال للكاسكو , من باب الحيطة اهتم بالمغذيات الثانية .

الحبوب , فيتامينات الفواكه والخضار ونشويات مثل بطاط وبيض لكن يكون مسلوق .

وان شاء الله خير ... << ويفيدونك الاخوان اكثر

[Bohamad_93]

كاسيكو عمره يقارب الشهرين

ماشاء الله اهتم فيه ترا بهالعمر حساس , ويتربى ابعزك !

[يـوســـف 2020]

الفرخ عمره شهرين المفروض للحين ينغر بـ سريلاك المخصص للفروخ فقط ويفيدونك باقي الاعضاء

[putchi]

هلا والله اخوي اولا اشكر على ردك ومساعدتك بارك الله فيك

ثانيا بالنسبة لطير فاتت عليي سالفة اني اكشف عليه بس بحاول اكش عليه اليوم..

اوك ماراح اعطيه اندموي بجرب البطاطا والبيض المسلوق بس البيض البياض ولا الصفار؟؟

انا عندي الطير لما اطلعة من القفص صعب يطله يود بمنقاره وبريوله بالقفص وبعدين اذا طلع يصير يلحقني ويطلع صوت مو جعير لا كانه يبكي مادري شلون اشرح ولا فاهم شنو يعني هالصوت

فأقوم احك راسه وهو ينزله لي ويسكت واذا اقعد على القنف يجي تحت ويطلع نفس الصوت اشيله واحطه بحظني وامسك راسه ويسكت وينام هذا وش تفسيره؟

سامحوني على كثر الاسئلة اخاف اسوي شي غلط ويصير بذمتي هالطير

وبارك الله فيكم مقدما

[putchi]

المشاركة الأصلية كتبت بواسطة kokaaa

الفرخ عمره شهرين المفروض للحين ينغر بـ سريلاك المخصص للفروخ فقط ويفيدونك باقي الاعضاء

والله ياخوي احترت في ناس تقول السيرلاك مو زين..

وفي ناس تقول السيرلاك بس حزة ماكو عند الطير شهية تغره عشان لايموت فاحترت ننتظر باقي الاخوان ان شاء الله يفيدونا

ومشكوور لمرورك

[Bohamad_93]

البيض المسلوق بس البيض البياض ولا الصفار؟؟

البياض والصفار لكن لا تكثر

انا عندي الطير لما اطلعة من القفص صعب يطله يود بمنقاره وبريوله بالقفص وبعدين اذا طلع يصير يلحقني ويطلع صوت مو جعير لا كانه يبكي مادري شلون اشرح ولا فاهم شنو يعني هالصوت
فأقوم احك راسه وهو ينزله لي ويسكت واذا اقعد على القنف يجي تحت ويطلع نفس الصوت اشيله واحطه بحظني وامسك راسه ويسكت وينام هذا وش تفسيره؟

عندي فرخ نفس اللي عندك ولو اللي عندي اكبر منه بشهرين .. لكن عادي هو يتعود عليك تدريجي , بخصوص حك الراس يحبون احد يحك راسهم خصوصا جوانب منقاره .. شيء طبيعي

والله ياخوي احترت في ناس تقول السيرلاك مو زين..

وفي ناس تقول السيرلاك بس حزة ماكو عند الطير شهية تغره عشان لايموت فاحترت

السيريلاك نصيحة مجرب يا خوي ابرة باليوم كافي , لي معرفة من مجرب ان كثرة السيريلاك تجيب له السهال .. لي بغيت تعطيه عن نفسه ... بالصبح وحده او بليل وحده

[Bohamad_93]

مثل ما ذكر الاخ , تقدر تغذيه على السيريلاك الخاص .. وهذا يفيدونك فيه الاعضاء

[يـوســـف 2020]

يا اخوان هذا فرخ صغير شهرين حرام لازم ينغر سيرلاك الفروخ ركز معي اخوي سيرلاك الفروخ المخصص للطيور

والاسهال الي لونه بني هذا الي تقصده طبيعي نتيجة السيرلاك تبع الفروخ ونصيحه لك اخوي قبل تفقد الطير لاسمح الله

انا فرخي عمرة 7 شهور وللحين اغره من وقت لثاني كدعم له بالاضافه الى نظامه الغذائي المعتاد

[يـوســـف 2020]

الصوت هذا الي يطلعه وهو يلحقك هذا صوت الفروخ لا صارت جوعانه وتبي تغر

لا وصيك تراه امانه وفرله احتياجاته والله يوفقك