اشترك في نشرتنا البريدية ليصلك كل جديد

kane_h · 20-03-2009, 04:44 PM

اقتباس:

المشاركة الأصلية كتبت بواسطة عاشقة الطيور

وعليكم السلام ورحمة الله وبركاته

اخوي انا اعتقد ان ببغائك عمره في حدود السنه الى السنتين ادري انك ماحطيت صور بس هذي الي اتوقعه لان اذا كان فرخ كان بخليك تسوي الي تبيه بس اخوي لتتعجل فتره 4 شهور مب كافيه عشان الطير يوثق فيك وعليك بتعزيز الثقه مثل ماقالو الاخوان خل حركة هادئه لان الطير مب مطمأن تمام لدرجه انه يخليك تمسح عليه واكله من يدك عشان يوثق فيك ويطمأن وطبعا عليك اخراجه عشان يكتشف محيطه اكثر هذي اولا وثانيا عشان يمرن جناحيه

وعن سؤالك للفواكه والخضار يوجد في "مواضيع هامة جدا لأي شخص يريد تربية ببغاء "

والصبر مفتاح الفرج

والله يوفقك

انا بحط الصـور

وشكرا حبيبي عالإفاده الطيبه منك

بس انت تقول اطلعه من القفص كيف اطلعه وهو مو واثق فيني اكيد بيهرب ؟!

جزاك الله خيرا

مع العلم ان ببغائي ياكل من يدي

kane_h · 20-03-2009, 05:14 PM

وهدي صورته

kane_h · 21-03-2009, 09:23 AM

حياكم الله ... أتمنى التفاعل يا حبايبي

افريكانو · 21-03-2009, 01:31 PM

حياك اخوي

بالنسبة ياخوي للصورة غير واضحة يا طيب لكن حدد لنا لون عين الببغاء او صور عينه يكفي

نعم قص جناح الببغاء و طلعه من القفص خله يتعود على المنطقة الى حوله ومع الوقت راح يعتاد عليك و انت قطعت شوط كبير ما بقى الا القليل ان شاء الله

kane_h · 21-03-2009, 04:21 PM

ان شاء الله حبيبي

يسلمو ع مرورك يا عسـل

بحط صـور بس دقـايق

شكرا لك

kane_h · 30-03-2009, 10:32 PM

سكر · 30-03-2009, 11:22 PM

الصور كأنها مغسولة بفيمتو

نبغى صورة واضحة مثل صورته في الطبيعه, وقريبة من عينه يا قمر ويا ليت تكون في ضوء النهار أفضل.

أو مثل ما قال اخوي افريكانو, جاوب على أسألته واعمل اللي قالك عليه من قص الجناح.

تحياتي

Q8 Sailer · 30-03-2009, 11:40 PM

هلا اخوي ..

انا عندي لك طريقه مجربها بنفسي على الكاسكو .. علشان يخليك تلمس على راسه ... ونجحت معاي ...

اول شي طلع الكاسكو من القفص .. وجيب عصايه صغيره وتكون ضعيفه ...
واذا ما حصلت جيب لك عواده ملوت العصير .. وحده تكون بايدك اليمين والثانيه بايدك اليسار .. وقربهم على راسه وكل ما يبي يعضهم وخرهم عن منقاره ورد حطهم على راسه مره ثانيه .. وكرر هالعمليه تقريبا مابين 5 الى 10 دقائق ووقف وعطه اكل وبعدها اب نص ساعه أو ساعه كرر العمليه ... الين ما تحس ان الببغاء قام يرفع جناحه وما قام ينحاش ويعض العود .. بعدها شوي شوي قرب ايدك فوق راسه ومسح عليه على الخفيف وان شفته قام يوخر ويبي يعضك .. كرر الحركه لمدة يومين الى 4 ايام .. وان شاءالله بتنجح معاك لأن هالطريقه نجحت معاي ...

واسف على الاطاله ..

)

kane_h · 04-04-2009, 09:14 AM

منورين

شكرا عالافاده اخواني

سايلر جزاك الله خيرا

سر حبي · 04-04-2009, 10:15 AM

لمن يقولو لك هدوء
اللى انا فهمتو من تربيتي لللدرر
ان الهدوء عباره عن<<<حركه يدك او جسمك وانت قرريب من الطائر تكون بهدوء.
اذا فتحت باب القفص عشان يخرج من حاله ماحيخرج لان الكاسو موسوس دائما
طللعه بيدك بمنشفه او شي فوق القفص واكله بيدك وكللمه
واجلس معاه ومع الايام ماحيعض
واذا عضك قووله لا عشان يفهم ودائما خليك مبسوط قدامه ابتسم دائما قداامه
وفي طرريقه عندي بحاول اصورها وانزلها بموضوع خاص
والله يوفقك انتا وطيرك
كثرلو خضروات وفواكه وبلح
ولمن تحط المويه حط شويه عسل مع المويه واهخلطها