النثيه....ونصيحه للترويض

[naasooh]

قبل سفرتي ألي فاتت جاني كاسكوو كبير بالعمر للترويض
وهو ذكر
صاحبه عنده صار له مده
يشتكي من التجعير والعض
.
.
.
ولدي كان يسميه الشرير
وهو أسم على مسمى راسه يابس صج أفريقي
متعب
بعد 3 ايام قدرت امسح على كل جسمه
رابع يوم رد على نفس طبعه كأنه عمله أحد له delete كل ألي سويته راح !!
وقام يجلس بأرضية القفص نفس أول يوم شفته فيه

المهم
طولت معاه 6 أيام بعدين سلمته لصاحبه لسفري
بس
الكاسكوو
قل تجعيره بشكل ملحوظ
تقدر تلمسه بس فيه غدره بعض المرات
بداية ركوب على ألأيد


حاليا شريت كاسكوو أفريقي وحشي كبير بالعمر
(( نثيه ))
أول يوم الحمدالله مسحت على جسمه وركبت على ألأيد مره
ثاني يوم أشيلها بيدي أثنتين نفس مسكت الحمامه
واليوم أدخل أيدي من باب القفص وأمسح عليها
تجعر بتنغيم بس مطنشها وما قامت تعض وفيها خووف ألى الحين

بس مشكلتها وعيبها
التجعير
خف
بس مزعج

فنصيحتي
ألي
يبي ما يتعب بالترويض النثيه أسهل له من الذكر .

- الغالب يركز فقط على العمر بالترويض وأنه صعب
فأنا أقول ما في شئ صعب بس يحتاج منك :
*جهد
*ألغاء الخوف : خلك حريص بمعاملتك معاه بس لا يحس الطير أنك مرعوب منه
*التكرار مع الصبر

وبعد رجوعي من السفر صاحب الكاسكوو الشرير
يقول أنه صار أهدأ من قبل وبطل من العض

[naasooh]

NTFA
طير الدرة
the big
مجنون فلته
PrEsIdEnT
درويش


@الزير@
q8ee

[naasooh]

NTFA
طير الدرة
the big
مجنون فلته
PrEsIdEnT
درويش


@الزير@
q8ee

["مجرد علامة"]

ماشاء الله تبارك الرحمن



وش الطريقة اللي اتبعتها حتى نفيد ونستفيد الله يجزاك الجنة





















يارب عفوك

[د. إحتـراف]

واللـه يا اخوي ما اشوف فيه فرق بين الذكر والانثى كلهم ببغاوات ...

اللي يفرق المعامله مع الطير والهدوء والسيطره على النفس ونزع الخوف

تبقى وجه نظر ياغالي

وشكرا لك ..

[درويش]

اخوي يعطيك العااافيه على الموضوع بس صدقني انا ماااشوف فرقبين الذكر والانثى في الترويض

اذا اتبعت الطرق السليمه في الترويض مع قليل من الصبر مع الطير بالعكس في واحد

من الشباب ترويض الطيور عنده هواااايه وانا اشوفه وتعلمت منه الكثير والطير مهما كان

وحشي وعنيد تجي بعد اسبوع تلاقي اختلف اختلاف كلي عن الاول وتغيرت طبااااعه وصار

الطير اليييف بشكل مااتتخيل وبعدها يبدأ في دروس التلقين واختبار اصوات الببغاء ودرجتها

ويشوف الزين اللي يصلح منها للتربيه واللي صوته ضعيف او ماايتجاوب مع التلقين يبدأ في تصريفه

تقبل مروري واشكرك على اثااارة الموضوع .............................

[سكر]

ما شاء الله تبارك الله

أهم شي يا غالي انك روضته

وهذي نعمة وفضل من الله عز وجل,, نحمده عليها

ربي يوفقك في تربيته والعناية به

أشكرك على المشاركة القيمة

تحياتي