أرجوكم ساعدوني في ببغائي ؟؟

[DoVe]

السلام عليكم ورحمة الله وبركاته

أخواني الكرام

أنا قبل شهر من الأن كنت ناوي أشتري ببغاء رمادي إفريقي

وشفت عروض البيع لاكن فيه واحد عنده ببغاء كرهه الحياه

أنا شريت الببغاء رأفتاً به والله يحزن

الرجال حاط الببغاء بغرفة بالسطح
الأكل عباد الشمس فقط
الموية ما أتوقع أنه نضفها قبل كذا
القفص وصخ لإبعد الحدود

بالنسبة للطير
الرجال حلف أنه أول ما شراه ما يجعر ولا يعض واليف لأبعد الحدود وعنده بدايات كلام

لاكن لما أخذته لقيته مسكين الصغار لاعبين في حسبته هو مسكين نزل راسه عشان يحكونه راحو الصغار نتفو ريشه فصار يخاف

وصار يعض أغلب الوقت

وصار يجعر يكسر راسك

المهم أنا شريته

رحت البيت نظفت الموية وشريت له أكل زين ونظفت القفص

وبعد فتره بديت التدريب مع الطير

النتائج

الطير ما يجعر إلى نادراً
ما يعض
ويخليك تحك راسه
ويطلع على يدك

طيب السؤال ؟؟؟

بعد ما عرفتم قصة شراء الطير ابغاكم تفيدوني

الطير زي ما شفتم تم توليفه تماماً ولله الحمد ووديته للبيطري وقالي الطير لا يعاني من أي مرض ولاكن المشكله الطير ما يصفر !!!!!!

يالله يالله الأيام الأخيرة صار تصفيرة أو تصفيرتين في اليوم

والطير دائماً هادئ وقليل الحركة ولا يصفر إلى نادراً

طيب وش سبب عدم التصفير مع أنه سليم تماماً ؟؟؟

((( أسف على الاطالة )))

أرجوكم ساعدوني

& ولكم خالص شكري وتقديري &

[the big]

وعليكم السلام ورحمه الله وبركاته


مايصفر لانه ما تأقلم عالبيت


ضعه في مكان يكون فيه الأهل يعني مكان فيه ازعاج


بالتوفيق


.

[DoVe]

المشاركة الأصلية كتبت بواسطة the big

وعليكم السلام ورحمه الله وبركاته


مايصفر لانه ما تأقلم عالبيت


ضعه في مكان يكون فيه الأهل يعني مكان فيه ازعاج


بالتوفيق


.

أيه أخوي انا دائماً أحطه في الصالة فترة الصباح

وإذا جاء وقت النوم أرجعه للغرفة عشان يكون بعيد عن الأزعاج

[ProOoF]

حطه الصبح بالشباك ( الطاقه ) وبيختلط مع الجو الخارجي وبأذن الله بيرجع يصفر

ذا لو تكلم كان صرخ من المعاناه الي لقاها مسكين , لاتلومه انه مايصفر الي مثله مابقى فيه ريشه

الله يقويك سويت الصعب بقى السهل

0000000000

بالتوفيق ,

[DoVe]

أخي الكريم ProOoF

بارك الله فيك

أخوي الطريقة هذي جربتها قبل كذا ونفعت

لاكن المسكين يصفر ويتحمس الربع ساعة الأولى وبعدين ينفش ريشة ويشوفله زاوية عشان البرد في الرياض شديد هذه الأيام


لاكن أنا أتوقع إن شاء الله أنتظر الصيف يجي ويجي الفرج معه إن شاء الله

والف شكر لكل من رد الله يجزاكم خير

[DoVe]

أخواني بالله إلي عنده حل يرد
بلييييييييييز

[mr . bahman]

السلام عليكم
مبروك عليك الطير

يا أخوي الكاسكو من أحرص الطيور وأذكاها وتأقلمه مع المكان الجديد ياخذ وقت يعتمد على الطير وذكائه
لاحظ انه إذا فتحت القفص أول مرة ما يطلع منه إلا بعد ما يطمن انه المكان آمن وما فيه خطر
عادي انه الطير ما يصفر كثير أول الأيام خاصة انه كان يتلقى معاملة سيئة وفي اعتقاده انه البشر شريرين ومؤذين
وحتى لو كان أليف مية بالمية مازالت الذكريات المؤلمة عالقة في باله
حاول انك تنسيه الذكريات المؤلمة وصدقني
اللي يحب الكاسكو من جد الكاسكو يحبه ويسير معاه زي الحلاوة

راعيه و لاتؤديه وانشالله مايزيد عن شهر إلا وهو فاقع راسك من الصراخ

وعلى فكرة ابعده عن البرد وحطه في مكان دااااااااااافي وغطيه وخاصة في الليل وحطله ليمون وعسل في المويه كل أسبوع تقريبا
وانتبه ترا البرد يموت الكاسكو على طووووول