عيون الكيتنز وافرازاتها ..

[MoOoOoOn]

السلام عليكم ورحمة الله وبركاته ..

عندي سؤال مدري هل هو مشكلة ولا ..

الكيتنز فتحوا اثنين من عمر 10 ايام ومافي اي مشكلة عندهم .. وعندي اثنين فتحوا من 14 يوم .. بس بعد 14 صرت امسح عيونهم هذول الاثنين الاخرانين بقطنه ماء دافي لانها كل يوم تسكر .. والمشكلة بعين وحده بس في كل واحد منهم ؟
ولاحظت في افرازات صفراء ... واحيان امسكهم لامهم .. عشان تلحس وجهم .. وتنظفهم .. كمساعده .. لانها تتوهق مسكينة ..بس الحين عمرهم 18 يوم .. بس مشكله العين هذي مضايقتني لان ماحب اشوفهم .. عيونهم مقفله ..

وفي سؤال هو غريب شوي بس هذا الي لاحظته.. ايميلي .. ماتعرف تشيل عيالها ؟؟؟ مره واحد منهم طلع من السرير الخاص فيهم ..ماشاء الله تسلق وطاح برا على وكنت بعيدة بس اسمعها تماووووي وتناظرني .. قمت لها تحوم حول ولدها .. وتماوي قمت شلته .. ورجعته مكانه.. هل في طريقه اعملها شلون تشيلهم .. ولا هي من نفسها .. لان امس بصراحة شلت واحد منهم وحطيته برا السرير ابيها تشيله .. لحسته .. وماوووووووت .. وحاومت حوله .. بس ..

الله يعطيكم العافية .. ويجزاكم خير ..

[artos]

هلا بالغالية

ج1/

امسحي عينهم بقطنة طبية مبلله بماء دافي

ودي واحد لبيطري يمكن يعطيكي قطرة عين

ج2/

الام تعرف من نفسها تشيل عيالها مع جلد الرقبة

خليهم وهي تشيلهم اول مايطلع الاول من مكانه راح تدور عنده ثم تشيله

[#مايا#]

ج2\

حطي رقبة الكيتن عند فم امه عشان تشيله

[MoOoOoOn]

الله يعطيكم العافية .. هي لانها اول كيتنز لها .. فأحس انها خايفة مررررره عليهم .. بس لاحظت ان الكيتنز الاول لما ولدتها كان طالع من ذيله .. ومن غير غشاء حوله .. وطووووولت على بال ماولدته حتى شكيت ان ميت .. هو الي في افرازات وكل مامسحت عيونه الاقيها بعد فتره .. لازقة ..
واما البقية ولادتهم كانت سهله .. بس اخر واحد في نفس الاول افرازت ..
وكل يوم امسح عيونهم بماء دافي وانشفها .. ولما اكمل مسح الاقي افرازات صفراء .. المشكلة كل واحد فيهم عنده عين وحده بس؟
صعبه اودي واحد للبيطري لان اذا تغيرت ريحته تعافه امه .. اذكر قال لي البيطري اذا في مشكله حتى لو الام بس .. لازم اوديها مع عيالها .. عشان الريحة ماتتغير عليها ..

[الخبيرة ناديا]

اهلين بالغاليه

القطه واضح عندها التهاب في عينها بسبب انفجار الكيس الامينوسي اثناء ولادته من امه

مماسبب انتقال الجراثيم لعينه من فرج الام.

حاليا اشتري قطره توبرادكس من الصيدليه البشريه وهي عباره عن مضاد حيوي وقاتل للبكتيريا

استخدميها مرتين يوميا ..لمده لاتزيد عن خمس ايام.

اما بقيه الكيتنز ضعي نقطه واحده بكل عين مره يوميا ..حتى لاتنتقل العدوى لهم ..لانه معدي.

ولاتنسين التنظيف اليومي مره واحده ..بقطنه نظيفه وماء دافي لكل عين قطنه خاصه .

اما بخصوص عدم قدرتها على حمل الكيتنز ..

راح يستمر معاها حتى مع الولادات القادمه لها وهو طبع في القطط المدللــه..

ولايمكن تدريبها او اجبارها على حمل الكيتنز ابدا .

انتي ساعديها بكل شي والله يعينك

[MoOoOoOn]

الله يعطيك العافية .. اضيع من غيرك .. و من غير تو زو واعضائه ابد ماقصروا معي الله يعطيهم العافية ..


وربي يجزاك خير .. شكرا من جد قليلة بحقك .. لانو حسيت لما اسأل اسئلتي سخيفه .. بس ابي اعرف .. اللقافه وماتسوي .. الله يوفقكم كلكم .. ماتقصرووون ..

[الخبيرة ناديا]

ربي يسعدك ان شاء الله

واي سؤال لاتترددين بطرح مهما كان ..

ربي يعافيك ويطرح فيك البركه ان شاء الله

[MoOoOoOn]

المشاركة الأصلية كتبت بواسطة الخبيرة ناديا

ربي يسعدك ان شاء الله

واي سؤال لاتترددين بطرح مهما كان ..

ربي يعافيك ويطرح فيك البركه ان شاء الله

لو تشوفيني الحين اسوي مثل الانمي الي بتوقيعك .. هههههه مع انو بكره امتحان بس رجتني هي وعيالها ماذاكرت زين هههه.. هي من جهه وهم من جهه ..

والله فيك الخير والبركة .. الله يجزاك خير وفي موازين اعمالك يارب ..

[الخبيرة ناديا]

هههههههههههه

الله يوفقك يارب بالامتحانات وتبشرينا بالنتيجه الحلوه

حتى نعملك حفله مرتبه

وتاكدي كل شي تعمليه للقطه يحسبلك عليه الاجر من رب العالمين

اسعدتيني وفرحتي قلبي بدعوتك

الله لايحرمنا منك