القط لا ياكل ولا يشرب ولا يستطيع الحركه لأكثر من يومين اقرأ المزيد هنا: القط لا ياكل

[m7md.rf3t]

نوع القط شيرازى
بدأ بالترجيع من ثلاث ايام وبعدين بطل ياكل او يشرب او حتى يتحرك
واضح عليه اثار التعب والاعياء الشديد
بدأت اديله من امبارح برمبيران عشان الترجيع ومحلول ملح
لكن مفيش جديد حالته زى مهيا
وبحس انه مش قادر يفتح بوقه عشان ياكل او يشرب ببص النهارده على وشه لقيت تقريباً حته من لسانه طالعه كده من بوقه
ارجو السرعه في الرد عشان مش عايز اسيبه عالحاله دي صعبان عليا جداً

[Catlover1]

انا بصراحة ما شفت هذه المرض من قبل حاول في اسرع وقت توديها الطبيب البيطري او انتظر الاعضاء الخيراء مثل الفاتو

[m7md.rf3t]

المشاركة الأصلية كتبت بواسطة Catlover1

انا بصراحة ما شفت هذه المرض من قبل حاول في اسرع وقت توديها الطبيب البيطري او انتظر الاعضاء الخيراء مثل الفاتو

شكراً جداً على الرد
وانا ان شاء الله رايح الصبح لمستشفي الطب البيطري بس قولت انزل الموضوع يمكن القى اي حاجه اسعفها بيها للصبح لإن الحاله بتزداد سوء زى ماهو واضح في الصور
وفي انتظار اي معلومة من باقى الاعضاء
شكراً مره تانيه لسرعه الرد

[بببي]

يمكن عنده التهاب في اللثه ومو قادر تاكل ولازم تاخذ مضادات

ان شاااءالله بيصير بخير وديه عند الدكتور ووقف عنه اي علاج تقدمه الحين

وخلي الاستشاره للطبيب هو بيعطيك الدوا ويارب يشفيه

حاول تاكله بالسرنجه قليل جدا

[m7md.rf3t]

المشاركة الأصلية كتبت بواسطة بببي

يمكن عنده التهاب في اللثه ومو قادر تاكل ولازم تاخذ مضادات

ان شاااءالله بيصير بخير وديه عند الدكتور ووقف عنه اي علاج تقدمه الحين

وخلي الاستشاره للطبيب هو بيعطيك الدوا ويارب يشفيه

حاول تاكله بالسرنجه قليل جدا

انا بالفعل هنزل دلوقتى بيه المستشفي
شكراً للرد والاهتمام

[فاتـــو]

اهلين اخي

اتأسف للتأخير واتمنى يكون قطك بخير

تأكد من امكانيات المستشفى اللي بتروحها وتأكد من سمعه الدكتور

شوف حرارته اذا حارة ادخل الترمومتر في فتحة الشرج لخمس ثواني وشوفها كم

كيف التنفس هل فيه تغير سريع او بطيئ

هل به اسهال وكيف لون البراز وقوامه

مبدأيا هو محتاج مضاد حيوي جيب له ايموكس او اوجمنتين من الصيدليه البشريه

ومحتاج علاج افضل للأستفراغ جيب له موتيليوم

بس لازم نتأكد من الحراره بالاول

في انتظارك ..

[m7md.rf3t]

شكراً على الردود
القط اتوفى من دقايق

[فاتـــو]

لاااااااااااااااااااااا

لاحول ولا قوة الا بالله

ياااربي طيب هل لحقت توديه للطبيب وش كان عنده بالضبط ؟

[m7md.rf3t]

وديته الساعه 9 الصبح درجه حرارته مكانتش جايبه غير شرطه او كمان اقل من الشرطه
الدكتوره قالتلى ده خطر جداً كده ان الحراره تكون بالشكل ده مفيش خالص
وكتبتله على محاليل جلوكوز ومحلول ملح ومحلول رينجر
ومضاد حيوي بريدسول
وقالت لازم تدفوه كويس عشان الحراره تتظبط
وعطيته ده كله الصبح بس طبعاً زى قطعه القماش وانا بشيله مفيش اي حركه ولا اي مقاومه بس كان بيتنفس
دلوقتى قطع النفس خالص

معلش سؤالى الأخير
هيا القطط ممكن تخش في غيبوبه مثلاً او ممكن يكون لسه عايش ولا خلاص كده بدال قطع النفس ومفيش اي حركه نهائي ؟؟
دي صورته دلوقتى

[فاتـــو]

هو اكيد القطط ممكن تدخل في غيبوبه بس لازم يكون في نبض

حاول تتأكد اضغط بالسبابه على العنق من الامام وتحسس اذا فيه نبض او لا

هو كان عنده انخفاض شديد في الحرارة وفعلا كان محتاج اي شي يرفعها له ..