استفسار لذوي الخبرة في السوق

[حزين جده]

يا جماعه عندي استفسار بسيط انا عارف اني طفشتكم بكثر الاسأله بس اعذروني ابغى اخذ شي ما اندم عليه على العموم انا عندي 800 ممكن انها تجيب لي كاسكو اليف ما يعجر ولا يعض؟

[شاهيـن]

ما أظن أخوي ب800 ريال ممكن تلقى طير بالمواصفات*اللي تبيها لكن ممكن تزيد عليها شويتين و تشتريلك فيها طير صغير بالعمر غير أليف و تبدا معاه خطوة بخطوة و أحنا معاك بأي استفسار حتى يتروض و يتكلم إن شاء الله وعلى فكرة لما تروضه على ايدك راح يحبك و يتجاوب معاك بشكل أفضل

[كاسكووووو]

نصيحتي اذا انت اول مره تربي ببغاء لاتشتري الا اليف اصبر لما يكتمل المبلغ

[سماوي الجبه]

تقدر بس مب اليف وتحصله في السعوديه يمكن، ويوم واحد ييصير اليف مايعضك،،

[عبدالعزيز1]

حزين جده فيه واحد اخبره عارض كاسكو اليف ويتكلم لكن واحد او اثنين من اصابعه مقطوعه والسوم وصل 700 على الطير

وراعيه يبي 1000

كلمه وشوف بس مدري هل باع الطير او لا لان الموضوع مغلق للرفع المخالف اعتقد او محد رد عليه مدري عنه بصراحه
ابرسل رابط الموضوع ورقمه على الخاص وانت تفاهم معاه

[عبدالعزيز1]

وهذا رابط الموضوع

قلت اضيفه هنا يمكن ماتنتبه للرسايل

http://www.2zoo.com/vb/showthread.php?t=161922

[vipaltear]

والله يا أخي حزين جده
انا من البحرين حصلت طير بنفس المواصفات ب 70 دينار ( 700 ريال) بس كبير والله أستغربت بهذا السعر
وانا عارف سوق البحرين ما حصلت بهذا السعر وبهذه المواصفات في السوق مايقل عن 150 دينار (1500 ريال)
وانا شريته من واحد من منتديات البحرين عارضنه ب 140 دينار ( 1400 ريال) ساومته حتى عطاني اياه ب 700 ريال
يعني بمصطلح المفيد اصبر و أبحث تجد