النقص الحاد بالطيور في(سوق الحمام-الرياض)

[هيبه اسد]

مرررررحباً بكم جميعاً

اليوم اخذت جوله على سوق الحمام وللاسف نقص في الببغاوات خاصه..

تخيلو دورت في كل السوق وكل المحلات على دره مطوقه مالقيت !!؟

سألت اكثر من واحد وش السبب انه لا يوجد دره مطوقه ابداً؟! قال انه ممنوعه بالسوق!!؟

ياترى مالسبب ..وماادري اذا فيه احد يعرف السبب منعها من السوق؟!؟!

بالنسبه ((للببغاوات الي شفت)) افريقي ,,الكوكاتو حصلت على مليكون جدااااااااا رائع بـ5000 ريال((يستاهل))
في مجموعاااااات توها واصله للسوق مثل((كرواان(الكوكتيل),,بادجي,,زيبرا,,)) هذي توها واصله للسوق مجموعه كبيره.......بس الي للاسف ماحصلته الدره المطوقه+المكاو((ماشفت شي ابداٍ)) امزون بس 1مريض
لكم تحياااااتي

ياجماعه الي عنده درره يراسلني على الخاص

[MrLiOn]

عساك دليت المحل اللي وصفت لك ولا كملت لك توصيفه
السبب مثل مافهمته من الباعة .. هو مرض إنفلونزا الطيور .. اللي بسببها صار فيه منع استيراد طيور من كثير من البلدان خصوصاً الآسيوية ..

فصار بعض المحلات تستورد من بعض الدول الأوروبية مثل هولندا .. وبالتالي صار فيه شح بالسوق وصارت أسعار الطيور نار .. لأن فيه فرق بين سعر الطير اللي يجي من باكستان مثلاً وبين اللي يجي من هولندا

وبانتظارك في الماسنجر .. لتعطيني إنطباعاتك عن السوق

[هيبه اسد]

والله مشكله حقيقه ,,,

ومشكور على مرورك

[Mr. MeMo]

اخي كوكاتو

هي ليست بمشكله و لكنها مصيبه حلت علي عشاق
الطيور و من يهون تربيه الطيور

اسعار الطيور في ارتفاع مستمر و بشكل مضاعف
فالطيور التي وجدتها تدخل عن طريق التهريب
او بتصاريح خاصه جدا و تباع باغلا الاسعار

واتمني ان نري الفرج عما قريب

[هيبه اسد]

مرحبا

الاسعار غاليه جدا((اول اخذ جوز البادجي بــ20 ريال والحين بـــ130 ريال))!!!


شكرا لكم على التعقيب

[D.O.A]

اي والله الأسعار نار
الزيبرا العادي كان الواحد بـ 10 وتاخذه بـ5 ريال
والحين الواحد بـ25ريال في سوق الحمام
ما اقول الا الله يحمينا من هالمرض
وينفك الحظر اللي مسويلي ازمة

[أبوعــــــــامر]

السلام عليكم

بخصوص طيور الدرة المطوقة , ممنوع استيرادها منذ عام 1972 ( على ما اتذكر )

والسبب انها تسبب تهديدا لانتاج التمور بالسعودية

حيث أن المكان المفضل لها لللتعشيش هو أعالي النخيل , وبذلك تتلف محصول التمور

ولكن هذه السنة قامت البلدية بالتشديد على عدم بيعها , ويحدث ذلك من فترة الى فترة حيث يتم التشديد على عدم بيعها تنفيذا للقرار القديم

شخصيا , لدي في المزرعة المجاورة لمرزعتي أكثر من زوج معشش في أعالي النخيل , وأشاهدها تسرح وتمرح يوميا بحثا عن رزقها , حتى ان بعض الاصحاب يطلب مني وضع مصائد لها وانا ارفض ذلك , حيث اني سعيد بمشاهدتها يوميا وهي تطير

على العموم اذا كنت تريد درة مطوقة موجود في الشرقية , ويمكن ارسلها لك الى محل في الرياض تستلمها منه
( الطيور ليست عندي شخصيا لكني اعرف من لديه ) والموجود أناثي فقط ( واحتمال تكون صغيرة في العمر ولم يظهر الطوق الذي يميز الذكر ) , على العموم اعتقد سعر الطير حوالي 120-130 ريال

اذا اردت راسلني على الخاص

تحياتي

[ابوفيصل]

اخوي معلوماتك قديمة انا مريت المحلات امس ولقيت حوالي 5 طيور دره مابين ذكر وانثى
كرر المحاولة ولف وبتلقى انشاء الله

[هيبه اسد]

مرااااااحب بكم....

D.O.A


الاسعار غاليه للاسف..وانشالله بيروح حظر الاستيراد وترجع الطيور مثل اول..شكرا لك


Dexter

اخوي كلامك في محله لانها تعشش في النخيل مثل ماذكرت..((اي والله ابي الي تقول عليهم الدرر وارسلت لك رساله بالخاص))..شكرا لك

ابو فيصل
ماادري بس وين شفتهم انت واي محل؟؟لانه ممنوع بيعها بالسوق حسب ماسمعت..شكرالك

[توازن]

والله انا بجدة مو بالرياض عفوا

شفت محل عنده خمس 5 درر وقالي انه بت1000 ريال

وانا اول مرة ادري انها ممكن تكون طليقة بالسعودية...!

شكرا عالمعلومات

وعندنا بجدة بعد الاسعار غاليةانا اشتريت زيبرا الزوج بـ60 والواحد بـ35

وشكرا