دقيقة من وقتكم

[isa bahar]

يا جماعه انا عندي هامستر ولدت 5 ((الله يخليهم)) واليوم كلت واحد كانت فيه نقطه حمره في وجهه اظن انه مريض وكلته

بس بقى اربعه عندها وكله تنقلهم من مكان الي مكان

شنو نوع الفرش الي احطه لها عشان تحط الصغار عليهم وشلون احطه
لان اذا حطيته بيدي بتشم ريحة يدي وبتاكل الباقي

[isa bahar]

شدعوه يبه سالنا وين الرد على الاقل واحد

[سمكة سوسو]

انت شكلك كثير تطل عليها عشان كل شوي تنقلهم انتبه ترى بعدين تاكلهم
لاتحطلها شي هي مو عندها نشارة بالقفص يكفي ممكن تحطلها مناديل مقطعة انت بس ارميها بالقفص زي ماتحطلها الاكل وهي اذاتبي تاخذها وتسوي فيها العش

[Sugar]

مثل ما قالت الأخت سمكة سوسو ،،

او خلها زي ما هي عليه اذا انت ما حطيت لها مناديل من زمان ، لا تحط لها عشان ما تخاف و بعدين تاكلهم

و انت ابخص ( اعرف ) مني في هذي الأمور ^_^

[isa bahar]

يا اخت سمكة هي اول ولاده لها وقالو لي كل شوي حط صغارها تحتها وهذي الي انا اسويه لا ومات واحد امس بس كان اصغر منهم وكان جاف اضن انها ما ترضعه

[Withered Rose]

اللي كلته يمكن كانت النقطة الحمراء جرح مما يحفز الأم على اكل الصغير ..
شنو حاط لهم الفرش الحين ؟
حاول تعطي الأم قطع من المناديل الورقية او الأقمشة المقطعة بس مو تحطهم بالعش على طول (من بعيد) ..

[isa bahar]

وهذي الي سويته بعد عندي مشكله انها ترضع 2 ولا واحد وتخلي الباقي وكل ما ازحمه لها ترفضه

اخاف يموت بسبب عدم الرضاعه

[سمكة سوسو]

يمكن انك مسكته وصار فيه ريحتك عشان كذا رافضته او فيه شي عيب خلقي