رد: سؤال لاهل الخبرة؟
بالنسبه للافراخ كل ماصغر الفرخ كل ماكان افضل ولكن كل ماصغر الفرخ كل ماكان اصعب الاهتمام فيه لانه يحتاج عنياه واهتمام كثير وهو الافضل للتدريب. ممكن تاسحب الفرخ بعمر يومين وممكن بعمر سبوع الى سبوعين. اما عن التدريب على حسب خبرتي المتواضعه اول شي تغر الطيور بخلطة الغر للفروخ وتحاول قد ماتقدر تغر الفروخ على اصبعك اول مايوقفون شوي ويثبتون ويكون طالع لهم ريش بحيث انهم خلاص اول مايشوفون ابرة الغر على طول يوقفون على اصبعك يعرفون انه هذا المكان الصحيح واذا بدو يطيرون شوي انت توقف وتاشر لهم بالابره حقت الغر وتاشر لهم بايدك تعال تعال او تصفيره خاصه فيك بحيث انهم يعرفونك انك تناديهم ويطيرون ويجون على اصبعك وتغرهم وبعدين بعد شهر ونص شهرين يعني وقت الفطام خلاص عودهم ياكلون حبوب من ايدك وخلك قريب منهم لا تخوفهم امسح عليهم لا تخليهم بالقفص كثير عشان ماتخرب كل شي سويته ويضيع تعبك لان الطيور المدربه اذا طولت في القفص تزعل من صاحبها وتنسى تدريباته وتبدا تعاند وتكون فوضويه وتبدا تعض وبالنسبه للعض لو كبرو شوي وصارو يعضون لاتسحب ايدك بقوه منهم عشان مايعرفون نقطة ضعفك لانه اذا عرفو انه عضتهم لك بتعورك وبتبعدك عنهم راح يكررونها لكن انت قلهم لا لا عيب عيب بعدين يتعلمون لانهم نفس الاطفال يفهمون انه هذا غلط هذا صح والصح تشجعهم عليه وفيه مقاطع كثيره في اليوتيوب ومعلومات مفيده هنا. حبيت اوضح لك القليل باختصار وبشكل سريع والموضوع اكبر بكثير من اللي قلته لك. اتمنى لك التوفيق
|