اشترك في نشرتنا البريدية ليصلك كل جديد

alqasmi · 05-09-2011, 01:30 AM

بصراحه موضووووع روعه وصاج في كل كلمه قلتها
والقهر اذا جابو هالاغراض يصير الطمع يبيع الشي ثلاث اضعاف سعره
كمثال انت شريت الكلكرين غلى 40 ريال وانا شريت من النت 12 كلكر على 80 ريال
شوف شلون فرق السعر واذا في حد منكم بقطر يكلمني وانا اعطيه من الكلكر هديه مني

واخوي انت شريت ديفيديات تعليم انا اقول اتنزلهم على النت وانزلهم منك

medozoom · 05-09-2011, 01:35 AM

اقتباس:

المشاركة الأصلية كتبت بواسطة ريان22

كلامك حلو وسليم 100%

انصحكم يا اخوان بأمازون وايباي

بصراحه عندهم كل شي تقريبا

وتقدر تطلب والشحن ما بيكلف اذا ما فيه وزن

هلا هلا اخوي ريان

امازون كويس بس انا فكرتي عندنا في السوق

يعني اطلع السوق واشتري الي ابغاه مو اطلب من النت

قيمه الشحن تفرق في الوزن

لكن اسال الله ان يغير الحال الى الاحسن

اقتباس:

المشاركة الأصلية كتبت بواسطة آهات ملك

ذكرتني ياخي بموقف حصل لي قبل كم شهر , رحت لمحل أطلب منه سيريلاك للفروخ وكان مليان ناس لو تشوف ان الكل ساب اللي في يده ويطالع فيني كأني قلت شي ممنوع ولا حرام !
ويجيك واحد يقول خذ السيريلاك من الصيدلية !! ( يعني بالعقل شايفني غبي لدرجة اني ما اعرف وين ينباع السيريلاك ! )
والله كنت احاول أفهم فيه ان المطلوب سيريلاك لفروخ الببغاوات يقول لي مافي شي أسمه سيريلاك فروخ وكمان يقول ان طيور الكاسكو الفروخ عنده ماتاكل غير سيريلاك الأطفال !!
(( حاولت أفهمه أوعيه وللأسف لاحياة لمن تنادي ))
وبسبب هالشي صرت أخترع خلطات للفروخ من راسي وأحاول بقدر الأمكان البحث عن مكملات أضيفها لها حتى تكون بنفس جودة سيريلاك الفروخ
العذر والسموحه منك على الإطاله أخي الكريم بس موضوع قلب علينا المواجع ههههه
وكل عام وأنت بخير

هلا والله اخوي اهات ملك

هههههههههه دايم تصير معي ان العالم تطالع بإستغراب حتى بين اصحابي

وحلو انك اخترعت شي حلو بجد

انا كنت اطحن عضم الحبار وضيفه للسيريلاك فكره صح ؟

احترامي لك

كل عام وانت طيب يالطيب

medozoom · 05-09-2011, 01:38 AM

اقتباس:

المشاركة الأصلية كتبت بواسطة .,aboody.,

الشكوى لله اخوي ابو محمد
حتى في المحلات الكبيرة عندنا متحصل هذي الاشاء فما بالك بالمحلات الصغيره
مشكوور على الموضووع الرائع

ونعم بالله اخوي عبودي

المحلات الكبيره تلاقي عندهم اقفاص القفص بـ 5000 ليه وش هالقفص يقولي صناعه مدري وشو

الطير كله بـ أقل بمن 3 الاف والقفص بـ 5 عز الله فلست سنه قدام خخخخخخخخخخ

العفو حبيبنا على المرور الحلو

تحياتي

medozoom · 05-09-2011, 01:40 AM

اقتباس:

المشاركة الأصلية كتبت بواسطة HUSSAIN 4

لا الحمد والشكر لك يارب احنا في البحرين اشياء اكثيره متوفره لينا للطيور

مثلآ لكليكر على 500فلس والطيور ارخص من عندكم

انا زرت البحرين يوم واحد فقط ماشاء الله تبارك الله

عبيت لي شنطه كامله

ونزلت موضوع لزيارتي للبحرين

احييكم على التنظيم والترتيب الي عندكم

احترامي لك

بصمات الزمن · 05-09-2011, 01:41 AM

والله شي بجد يحزن ويقهر بس يالله شدو الهمه وحد يقوم بها المشروع ويرحمنا من معاناتنا مع المطالب العجيبه الغير متوفره سواء علاج او حتى غذاء او العاب وا ادوات تدريب وترويض

medozoom · 05-09-2011, 01:41 AM

اقتباس:

المشاركة الأصلية كتبت بواسطة سنايديه

إحنا مايهمنا السعر
القصد من الموضوع هي متى توفر الادوات والاكسسورات النادره والغريبه

لرفاهية الطيور وراحتهم

حياك الله يا سنايديه

مثل ما تفضلتي خلي السعر اخر شي وفر لي المطلوب والله يحلها بس خخخخخخخخ

تحياتي لك ولحرصك

medozoom · 05-09-2011, 01:44 AM

اقتباس:

المشاركة الأصلية كتبت بواسطة أبو سفيان

والله يا أخي موضوعك جميل
بس يخليك تيأس من وضعنا كعرب
الله يفرج شو بدك تصلح لتصلح ... خربانه خربانة

حياك الله اخوي ابو سفيان

والجميل تواجدك الحلو

بس لا مكان للياس هنا

احنا هنا نبغى نعرف وش فاقدين

احنا هنا بس عندنا طيور بس لكن اهتمام واستمتاع ما فيه عشان كذا لازم نستمتع واحنا نربي هالكأئن

لا ان شاء الله مو خربانه

المشكله فينا احنا

medozoom · 05-09-2011, 01:49 AM

اقتباس:

المشاركة الأصلية كتبت بواسطة مدرب البادجي

والله من جد قهر
اكثر اصحاب المحلات عندهم 10 اجواز بادجي و6 اجواز كناري واقفصاص يشترونها بالجمله وسمك
وهامسترات وسلاحف ويبيعون انتاجهم والاسعار ناار . هذا الي همه بع بع بع . بس يدخل المحل وسيدا الدرج
لاوالببغاوات لازم تكون فيها خمول او كسر في الجناح او عين بيضا مشتريهم لأنهم رخاص
ويلعب على الاطفال والنساء . ومافيه ترجيع تبدل حياك الله
ناس متخلفه همهم جمع الفلوس في البنك + ضرب في الكبسه واللبن + ملبورو احمر + تشفير + نوم
والي يرفع ضغطك بعض كبار السن يقول طيور الزينه مضيعه للوقت والمال < شعنده الي سلاحه على كتفه بيروح يجاهد
ياخي لازم نسوي شي
ليه ياخي واحد من التجار مايسوي مشروع كبييير انتاج أمزونيات ويكون له فروع محلات في المملكه
بس ياخي المشكله بيكون تفكيرهم في الفلوس فقط .. طز في الصحه والتغذيه في عقله المتحجر
لأن الرسول صلى الله عليه وسلم قال { لكل أمة فتنة ، وفتنة أمتي المال }

هلا احوي مدرب البادجي هههههههههههههههه حلوه بع بع بع خخخخخخ الله يسعدك

شكلك تنام في المحلات دامك شايف هالحالات صح ؟اعترف ؟

ياما رحت محلات واشوف صاحب المحل يعرض طير على زبون تكون زوجته واولاده معاه ويقولهم سعر وربي خلاني ودي اصيح بكل صوتي في المحل بس سكتت وخرجت برا طوالي عشان خفت اخربها في المحل

بالنسبه للإنتاج ماشاء الله شايف بعض الاخوان يعرضون فروخ انتاج محلي يعني بدا الموضوع يتطور وان شاء الله من الاحسن للأحسن

عليه افضل الصلاه واتم التسليم

اشكرك اخي على مرورك وردك الطيب

medozoom · 05-09-2011, 01:52 AM

اقتباس:

المشاركة الأصلية كتبت بواسطة ملآكـ

جبتها على الجرح ياخوي
وانا مايفقع مرارتي
الا لما يكذب علي ويقولي فرخ
اليوتيوب مره حلو بس اللي يعور القلب وين تلقى هالأشياء
والأقفاص حدث ولا حرج ماشااء الله كل واحد يقول الزود عندي
الله يعطيك الف عافيه يااخوي
وبالفعل لازم نصير ايد وحده واللي عنده فكره يحطها هنا
جزيت خيرا وفي ميزان حسناتك
اختك
ملآكـ

حياك الله يا ملاك

سلامه المراره ان شاء الله

هذي مساله فرخ اغلب الملحات يقولون فرخ شي طبيعي صار

بالنسبه للسوأل لا اجابه ؟

الله يعافيك يا رب

وان شاء الله كلنا يد وحده ونتطور ونصير احسن

تحياتي لك

المكاو الأسترالي. · 05-09-2011, 07:07 AM

موضوعك سليم 100%

وياليت كل من يحب الببغاوات واللي عندهم محلات طيور يسمعونه

ليش كل المحلات بس تبي

التجارة

بس

وانشاء الله انشاء الله

ادعوا ربي

نكون مثلهم