استفسار عن العسف

[ابرق]

يا شباب عندي مهر عمره 7شهور شريه قبل شهرين دربته وصار يلاحقن بكل مكان واذا ناديته باسمه جاء و قليل يجفل يا شباب هل الحين المهر ان عسف ارجو الافادة جزاكم الله خير

[خيال العروبه]

هلا والله اخوي

هذا شئ طيب انك تناديه باسمه ويجيك

ويلاحقك ولا يجفل كثير شي طيب

لاكن هذا الشي ما يسمى عساف هذا يسمى الفه بينك وبينه وشي ممتاز جدا


>> العساف شئ ثاااني مرره العساف معناها امتطائه (( ركووبه ))

ومايصير العساف بهذا العمر للانه صغيير مررره ولا يتحمل

وتوه العمود الفقري ما صار قوي اي ان المهر في بداية المطاف

يكون العساف في عمر الثلاث سنوات .. قد ان الحصان صار قوي ويتحمل

وفقك الله يالغالي .. اي سؤال واستفسار اخر انا بالخدمة

تحياتي لك

[ابرق]

مشكور اخوي خيال العروبة بس الحصان ركبت عليه اخوي الصغير شوي ولا قال شي انا اقول المهر اذا بدينا بعسفه وركبنوه اول مره يبي يقول شي ولا لا وشكرا

[خيال العروبه]

لا يالغالي انتبه تركب عليه احد !!!!

والله يالغالي هذه الحالة ما تقدر تحددها الان

على حسب الحصان لما يكبر كيف يكون طبعه ..

لكن تقدر تخلي الحصان طبعه زي الفل بطريقة تعاملك معه

التحسيس عليه (( التلميس )) على الرقبة والوجه والظهر

لان الخيل يفهم لغة الجسد وهذه الاشياء يعتبرها الفه بينك وبينه

>> علشان يكون تعلم الهدوء ومايخاف . وتكافئه .

وترفع ايده . ورجلينه علشان يتعود ومايتعبك لما تجي تقلم حوافره في المستقبل ...

ومع الاستمرار بيكون الحصان هادئ ومتعود ((وهذه الاشيــاء راح تنفعك بقووه بالمستقبل ))

ومن الممكن انه ما يتعبك حتى بالعســاف لما يجي وقته

ارجو ان المعلومة وصلت لك يالغالي واي شى ثاني انا بالخدمة

>> اخوك خيال العروبة

[ابرق]

مشكور اخوي خيال العروبة بس اكثر الامهر الي انت شفتها اول مره تركب قالت شي ولا لا وشكرا

[خيال العروبه]

والله يالغالي >> تقصد الخيول البالغه وليس الامهار او من عمر سنتين وست شهور فما فوق (( بمعنى اصح ))

والله يالغالي في خيوول سوت الدواهي .. وفي خيوول تم تدريبها بشكل سريع

والسبب هدوئها وقابليتها ....

(( وبعض الاحيان يعتمد على اسلوب المدرب ))

وانا شفت الشكلين ..

لاكن لابد من يوجد بعض المشاكل بالبداية ... وليس كل الخيل

وفقك الله ويسر امرك ..

اي خدمة انا حاظر ..

[مون فيس]

تحممممممممل تركب احد على مهر او مهره مو معسوووفه

ممكن تجيب فيكم العيييييييييد


يووومه من قلب .. العسااف اساسا يبي له وااااحد خيال ع شان يعسف ف مو اي احد يركبه وهو صغير ..



سوري ع المداخله :$ هههههه

[OmarKH]

"يا شباب عندي مهر عمره 7شهور شريه قبل شهرين دربته وصار يلاحقن بكل مكان واذا ناديته باسمه جاء و قليل يجفل يا شباب هل الحين المهر ان عسف ارجو الافادة جزاكم الله خير"
ما شاء الله، المهر والف عليك بشكل ممتاز.
سؤال، الطريقة التي طبقتها في تعويده هل هي Join-up (طريقة مونتي)؟

[ابرق]

الله يجزاك خير خيال العروبة طيب بالنسبة لحصاني اذا كبر ان شالله والحين كل يوم يصير احسن معي حتى انه اذا بدى يطامر ويرافس يبعد عن واذا فقدن وانا بالمزرعة يقعد يصهل ويدورا واذا خاف مايجي الا لمي وهذا وهو صغير وتتوقع انه اذا كبر يتحسن اكثر على ترا معندي الا بس هذا الخيل

[ابرق]

شكرا على مرورك مون فيس اخوي عمر اذا كان عندك فيس بوك عطن اسمك واهارجك