ببغاء دره هنديه مصيود ومكسور جناحه وفيه جرح عند رجله

[تووتـي0510]

السلام عليك ورحمة الله وبركاته

بالمزرعة صديق أخوي صاد ببغاء الدره ذكر بس صاده برصاص لانه ابوهم مخليهم يتدربون بالسلاح بالمزرعه الله يهديهم يارب مع انه عياله كلهم صغار مابعد خلصو مدارس
صاده وانكسر جناحه وفي جرح عند رجله مايبين الا اذا رفعت رجله والحمدالله ماينزف

وعشان جناحه مكسور صديق اخوي تورط فيه شافه انه مايفيده وراح عاطيه لاخوي
وطبعا اخوي يجيب طيور بس مايريبيهم يخليني انا اهتم فيهم

وانا جيتكم اليوم ياأحلى منتدى وأبا نصايحكم الحلوه

وعندي كم سؤال وجبتلكم صور

وفي الصور لون ازرق على الجناح هذا دوا حطه عاملهم على جناح الببغاء مدري شو اهو
وبعد العامل حقهم الغبي راح قص الذيل بمقس او سكين مدري بشو قصه لانه الذيل مكتمل وطويل قصه

وترا الببغاء حبووووووووووب أولا حلووووو عجبني شكله
ثانيا مايخاف كثير الحمدالله ومايجعر الا قليل بس اذا قربت اصبعي لراسه والحمدالله طلع على ايدي ماقاوم حطيت ايدي ورفعتها طلع عليها وماعضني بقوه خفيف بس عشان يطلع على ايدي بس اذا خااف يعض بس مو قوي عضه يتحملها الشخص وطلعته على كتفي عادي جلس ومشى على ايدي لين طلع على كتفي لحاله بس لو لفيت وجهي له يبدا يجعر هههههههه مستانسه فيه هو اول يوم له عندي والحمدالله ماشاء الله شكله ماراح يتعبني معاه
وترا وزنه مرررررررره خفييف وترا اهو ينط يبي يهرب

الحين انا مسكته بمنشفه وشفت الجناح وصورته بس الصوره مو واضحه كثير

ورجله بعد طول الوقت رافعها












وهنا مكسور الجناح نصفين



وهنا جالس ينظف ريشه عادي واهو فوق ايدي ماشاء الله عليه بس لو ماحطيته جم الجدار كان نط








كم عمر الببغاء تقريبا ؟

هل ممكن يشفى جناحه وألا خلاص ماعاد يطير ؟؟

شو تنصحوني أسوي له ؟

[آنآستــآزيآ]

.. لا حــول ولا قــووة إلا باللهـ ..

.. الحمــدللهـ مــا مــات هــذي رصاصــهـ مــوو شــيء هيــن !! ..

.. عمــوماً الطيــر ماشــاءاللهـ ذكــر عمــرهـ فــوق السنتيــن جاهــز لـ التــزاوج ..

.. أنصحــكـ تشوفــي هـ الموضــووع وتعملــي اللــي فيــهـ بـ التفصيــل وان شــأءاللهـ يتعافــى : http://www.2zoo.com/vb/showthread.php?t=210682 ..

.. آنآستــآزيآ ..

[تووتـي0510]

المشاركة الأصلية كتبت بواسطة آنآستــآزيآ

.. لا حــول ولا قــووة إلا باللهـ ..

.. الحمــدللهـ مــا مــات هــذي رصاصــهـ مــوو شــيء هيــن !! ..

.. عمــوماً الطيــر ماشــاءاللهـ ذكــر عمــرهـ فــوق السنتيــن جاهــز لـ التــزاوج ..

.. أنصحــكـ تشوفــي هـ الموضــووع وتعملــي اللــي فيــهـ بـ التفصيــل وان شــأءاللهـ يتعافــى : http://www.2zoo.com/vb/showthread.php?t=210682 ..

.. آنآستــآزيآ ..

شكرررررررررررررررررررررررررررررراً على الرابط

الله يعطيك العافيه

[سالم العتيبي]

السلام عليكم طريقة { .. آنآستــآزيآ }

جيدة لكن الأفـضل أنك توديه للبيطري

[تووتـي0510]

انا لفيت له جناحه بس أخاف مايكون الجناح ثابت على شكله الصحيح يعني يمكن العظمتين اللي انفصلو عن بعض ما ألتصقو مع بعض عشان يجبر لانه كان يتحرك مرتين افك الفافه وأرجع احطها لانها تعوقه عن المشي الحين شوي يمشي وشوي يتعثر

[آنآستــآزيآ]

.. طريقتــكـ ممتــازة ودام أنــوو الجنــاح ثبــت محلــهـ ومــا صــار يتحــركـ ان شــاءاللهـ راح تنجبــر ..

.. الآن خلّيــهـ علــى هـ الحــال مــدة 20 _ 30 يــووم لا تقــل ولا تنقــص والأفضــل تخلّيهــا شهــر ..

.. عنــدي ملاحضــة صغيــرة .. لــوو تفرشــي الأرض نشــارة أفضــل مــن الحصــى وأريــح بـ كثيــر ..

.. والآن قدمــي لــهـ عظــام الحبــار كسريهــا قطــع صغيــرة واخلطيهــا مــع الحبــووب .. وأعطيــهـ فيتاميــنات مقــووية .. أومنــي فيــت أو سبيكتــوولين أو ماكســي فــوورت مرتيــن بـ الأسبــووع .. وممكــن تعطينــهـ كالسيــووم كالســي لــووكس فــي المــاء أيضــأً مرتيــن بـ الأسبــووع ..

.. آنآستــآزيآ ..

[تووتـي0510]

شكرا لك

طيب ألحين رجله موقادر يوقف عليها رجله اللي تعوره مايوقف عليها بسبب الربطه طبعا نا ماربطت رجله لاكن مع اللف صار صعب عليه المشي والوقوف وصار يسند نفسه على حديد القفص وينام

يرفع راسه فوق وصدره متسند على القفص ورجله مرفوعه وواقف على رجل ولو ماتسند كان طاح

اخاف رجله تتجمد على هالحال مع اني ماضغطت عليها بس اهي مخدوووشه خدش كبيير بسبب الرصاصه بس الحمدالله الدم موقف ماينزف وصاير زي الحفره عند بطنه وببدايت رجله اللي تحت الريش