الكتن مش عارف يرضع

[dr.manal]

لا هو البراز مفيهوش اى حاجه لكن هى الافرازات دلوقتى بقى لونها احمر هى مش كتير لزجه شويه و يا دوب قدام فتحه خروج الكيتن مش عارفه دا طبيعى ولا لاء

[فاتـــو]

لا طبيعي ياقمر لاتقلقين
هذي افرازات عاديه لما بعد الولاده
بس اذا تعدت الخمس ايام شفي اذا ريحتها عاديه او لا
وبالنسبه للتنظيف مسموح لكن بشرط يكون مسح بفوطه مبلله فقط مو تغسلين القطه الحين ابدا
وش اخبار الكيتين يرضعون ؟

[dr.manal]

اه هما بيرضعوا الحمد لله و هى نقلتهم فى حته تانيه و خبتهم تحت كرسى السفره مش عارفه ليه و معلش فى سؤال تانى الكيتن و هما نايمين سعات يتنفضو يعملوا حركات بديم و رجليهم كانهم بيتخنقوا دا طبيعى ولا ايه ؟

[فاتـــو]

ايوه طبيعي جدا
ينتفضون وهم نايمين لسبب غير معروف غالبا يرون احلام مزعجة

[dr.manal]

طب الحمد لله انا كنت خايفه ليكون فى حاجه طب هى القطه الام كنت وديتها للدكتور اوى امبارح لان ريحه الافرازات كانت سيئه شويه فكشف على بطنها و قالى مفيهاش حاجه و بعدين قاس الحرار لقاها عاليه قالى امسحيلها المكان بدوش مهبلى بيتادين و ادالها حقنه خافض حراره و حقنه فيتامين k و هى من ساعتها و الافرازات مبقاش ليها ريحه خالص بنضفها بالبيتاددين لما تطلع و هى تقعد تلحس بعديها شويه ...... بس امبارح لقيتها رجعت مشيمه من الى كانت واكلاها و مكنتش مهضومه هل دا ممكن يكون سبب السخونيه و انهارده لقيتها بتعطس عطسايه كده مش عارفه بقى اديها مضاد حيوى ولا ايه خايفه ياثر على الكيتن و يقلل اللبن ولا حاجه انا سايباها من غير مروحه حتى و طافيه كل مراوح البيت و قاعدين كلنا فى الحر بسببها و معلش اخر سؤال هل فى طريقه لمعرفه الحراره غير قياسها عن طريق الشرج لانى بصراحه بخاف اجرحها و انا بدخله ؟
معلش انا اسفه على الاطاله يا رب يكرمكم و يجعله فى ميزان حساناتكم المساعدات دى

[شاهستا]

اهلا بيكى ياقمر
دلوقتى انتى عندك دش مهبلى
عشأن تضمنى تنضيف الرحم هتعملى الى هقولك عليه
هتجيبى سرنجه 5 سم مثلا اهم حاجه تبقى اكبر من 3 سم
وهتشيلى الابره مش عايزنهأ
هتاخدى 5 سم من الدش ده
وهتفضيه فى الفتحه التناسليه
هتدخلى الحته الصغيره الى بتكون فى الحقنه دى فى الفتحه التناسليه وهتفضى الحقنه
بس تعملى ده فى التواليت لان البيتادين هيطلع ويبهدل الدنيا
بعد كدة نشفيها
واديها مضأد حيوى اوجمنتين لاطفال 2 سم كل 12 ساعه
وحكايه البيتادين كرتين فى اليوم
وان شأء الله هتلاقى تحسن كبير

[dr.manal]

طب الاوجمنتين مش هياثر على اللبن و الكيتن و هل لو دفيتها و سبتها من غير دوا ممكن تخف و لا لازم دوا ....ز هو يمكن علشان بجبلها اللبن ساقع و احطهولها تشربه ممكن ابقى ادفيه شويه بس هى بتحب تشربه ساقع

[شاهستا]

كتبتلك المضأد عشأن السخنيه وعشأن لو فى اى حاجه فى الرحم
لو لاقتيها بتتحسن بلاش النضأد ودفى ليإأ اللبن
لو لاقيتى لسه فى افرازأت ريحتها وحشه وحرارتها عليت يبقى لازم مضأد
بس استخدمى الدش المهبلى زى ماقولتلك مهم جدا

[dr.manal]

خلاص تمام يا رب اعرف اعمله انا خايفه اعروها ولا حاجه

[dr.manal]

اعورها مش عارفه الكى بورد دى مالها