ارجو المساعده مع الفرخ الامازوني

[keko7obi]

السلام عليكم ورحمة الله وبركاته



امس شريت فرخ امازوني بلو فرونتد عمره 4 شهور ، امس ماكان فيه الا العافيه ، بس لما صحيت الصبح لقيته يتنفس بشكل غريب ، يطلع صوت مع تنفسه ويعطس ، كانه شخص مزكوم ، شسوي معاه هل يستدعي اني اوديه للطبيب والا شسوي معاه بالضبط

وسؤال عن الفرخ الامازوني ، كيف اعطيه الاكل نفس الطيور الكبيره والا لا ، وشنو اكله الي يناسبه بهالمرحله العمريه؟


وشكرا لكم

[skymagna]

عليكم السلام .

اذا تسمع صوت خشخشه (زي البلغم ) يعني التهاب فالجهاز التنفسي بسبب تغير الجو .. او البرد او الي مشتريه من عندو مروشو قبل ماتشتري .

وديه البيطري بيعطيك مضاد حيوي . وان شاء الله بسيطه تروح على طول . بس المشكله انه فرخ صغير ..

وبالنسبه للأكل الشباب ان شاء الله يفيدوك .. بس لا تتاخر على البيطري . اطلع الان . واسالو على الاكل

بالتوفيق

[ابو على2]

وعليكم السلام اخوي روح للبيطري وراح يعطيك مضاد حيوي بالتوفيق

[keko7obi]

الله يعطيييكم العاقيه يا شباب ،، وبانتضار باقي الشباب بخصوص الاكل

[the_gostman]

بالنسبه للأكل..

هي الطائر يأكل بنفسه؟؟ أم غر؟؟

ان كان يأكل بنفسه قدم له خلطة الحبوب التي تباع في محلات مستلزمات الطيور..وقدم له الأكل اللين ايضا مثل التفاح والرمان إلخ..

لكن ضروري تروح البيطري..


بالتوفيق

[mmnoor5]

ما قصروا الشباب

موفق انشالله

[ابو على2]

الله يعافيك

[keko7obi]

مشكورين شباب وما قصرتوا . وديته للبيطري وعطاني مضاد حيوي , واللحين قاعد ابدي معاه الترويض دعواتكم ما اتعرض لحوادث اليمه معاه )

[ابو على2]

الله يوفقك وانشاء الله تروضه بالتوفيق