يا أهل جده دخوووووووول

[OUT]

السلام عليكم

.
.
.
.
.
.
.
.

حبيت اعرف مكان سوق الطيور بجده

شكل تفصيلي

جسب ماقرأت انه بجنوب جده لاكن وين بالضبط


يعني ماسك خط مكه ومن يوم ادخل جده اخذ يمين ولا كوبري المينا وابدأو الوصف

وهل السوق فاتح طوال الأسبوع ولا بس خميس وجمعه

لأني بروح ادور فرخ غيني او كاسكو

[OUT]

................

[عاشق املج]

المشاركة الأصلية كتبت بواسطة OUT

................

سلام عليكم اخوي على حسب علمي انه في بحره والسوق يوم الجمعه الصباح لانه فيه واحد من اصحابي يروح كل يوم جمعه بعد الفجر ولكن انا ما قد رحت والقصه للراوي

[حــبــوب]

تعرف كبري فلسطين حلقت الغنم يوم الجمعه ور سوق الحطب اللي

ورا سوق الغنم موجود هناك سوق الطيور


وكان افضل سوق بعد العصر هذا الكلام قبل 3 سنين والان الله واعلم بس راح واح من الشباب يقول الي الان زي ماهو

[OUT]

وينا ووين 3 سنين

سوق الغنم الي عند كوبرري فلسطين شالوهم ونقلوهم وين مادري

وين حقين الوصف

نبغى وصف تفصيلي

[in my dream]

يارجال اقرب تكسي وعطه عشرة ريال والحقة وريح راسك

[مـ الحيوان ـدرب]

قصدك حلقة الطيور؟
في البلد
جمب الهنداوية

لكن تبي مكان ارخص بكثيررررر؟؟؟
سمعت انه بعد سوق الغنم في سوق كله حيوانات
يعني الهامستر الي بـ 70،100،50
صاحبي اشترى من هناك كبير اكبر من كف اليد يعني بحجم الارنب مع القفس والاكل وكل شي بـ40 ريال
لووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول

[رآآآيق]

اممممممممم

بالنسبة للمكان اللي تبيه موجود


اذا عرفت مكان اسمه حراج الصورايخ معناه وصلت


اوصل لحراج الصورايخ وخلهم يدلونك على حلقة الغنم لانها قريبة من هناك مررا


اذا دخلت حلقة الغنم وراها سوق الحطب وورا سوق الحطب سوق الطيور ,,


بس بالنسبة للبغاءات تعال يوم الجمعة بعد العصر تلاقي الخير الوفير ,,,


اتمنى اكون افدتك

[نادر المكاوي]

اصلا يا باشا في سوقين للطيور بجدة الاول قريب من كوبري المينا والثاني قريب من سوق الصواريخ

وخذ وصف كل واحد منهم مع اني مكاوي ومو من اهل جدة

اللي قريب من كوبري المينا ( اذا كنت جاي من مكه ودخلت جدة راح تطلع على كوبري المينا طول شوية الين

يجيك مخرج (لوحة مكتوب عليها الصناعية ) وهي قبل مخرج ( شارع التلفزيون ) اذا نزلت خذ يسار كانك راجع

راح تشوف في سوبر ماركت المهم ادخل من عنده وطول سيده حتشوف نفسك دخلت سوق اخر السوق تلاقي

سوق الطيور )

اما السوق اللي قريب من سوق الصواريخ فهو كما شرحه لك الاخ رآآآيق

وبعد اذنك شايفك هاوي قطط وتبغى طير !! الله يستر بس ايش حتسوي

وموفق

[مجنون الامازون]

عزيزي بالنسبة للحراج هذا وصفه بالضبط:

1- الخط السريع طريق الحرمين.
2- تنزل مع كبري الاستاذ الرياضي الي بعد كبري الجامعة.
3- تطول الى ان تصل الى منطقة حراج السيارات.
4- تدخل يمين بإتجاه الاستاذ الرياضي.
5- راح يصر على يمينك الاستاذ الرياضي وامامك اشارة تروح من الاشارة يسار.
6- تمشي مسافة طويلة جدا وتعدي مصانع واشارات الى ان تصل دوار الصواريخ.
7- تتجه الى الدوار مع المخرج الثالث .
8- تمشي مسافة الى ان تجد لوحة مكتوب عليها (سوق الانعام المركزي والطيور) على يمينك.


بالنسبة للاخ مكاوي .. احب اوضحلك السوق الاول الي وصفته هو (سوق الاهدل) ما راح تلاقي الشي اللي تبغاه ..