سوية اسئله عن فرخ بلوفرونتد

[Last Rain]

السلام عليكم
اليوم شريت بلو فرونتد
إللي باعني الله يهديه غشني
قال لي ياكل إلحاله حب مو لازم تغرينه

و للأسف ما ياكل إلحاله

حتى عطيته تفاحه ما أكلها عضها عضه خفيفه ولا عرف لما هرستها و أكلته بأصبعي أكلها

المهم بلشت فيه أول مره أتعامل مع فرخ اخاف يموت من الجوع و اخاف أزود عليه الاكل يجيه شي

أول ما أخذته من إللي وصله لي ( مو نفس إللي باعه واحد يوصل حيوانات ) قال لي تراه ما ياكل إلحاله

رحت شريت له فيتامين يخلط بمويه و أوكله بأبره رجعت دقيت على إللي شريته منه قال غريه مره باليوم بس و يحلف أنه ياكل إلحاله
صدقته و عطيته أول ما وصلني الفيتامين العصر

بعد العشا قعد يطلع صوت أحسبه يلعب كان معاي صحن أكل رز هجم على الصحن ( يا عمري من الجوع ) انا بعيده عنه طار من القفصه للصحن
سويته له الفيتاين و هرست له تفاحه


هذي صوره









على كلامه قال أن عمره 4 شهور ( شكله أصغر بما أنه ما ياكل حب )
و حجل ذهبي أصلي << ما أدري لها دخل ولا لا بالموضوع قلت أقول لكم يمكن يفيدكم بشي


المطلوب وش تنصحوني اوكله متوهقه مررره ما أعرف ؟

و بالليل لازم أقومه و أوكله ولا عادي ؟ ولازم أصحى له الصبح بدري أوكله ؟

[CasCo Lover]

سلااام عليكم ,,,

آول شي وبصراااحه ىهنيك عالتصوير آحترافي ,, وطيرك ماشاءالله تبارك الله ممتاز

حلوو تأكلينه من يدك بيتعووود عليك ويتأقلم
بالنسسبه للعمر والله ماقدر آحدده بالضبط آتوقع حوال الـ 4 او 5 آششهر
عندي الحين واحد مثله الحين عمره 7 آشهر

آهممم شي حافظي عليه من البرررد ,,
والغر يكون مرتين او ثلاث باليوم ,, مع اعطاءه ذره مسلوقه او حمص التفاح قشريه له وخليه قطع صغير مثل الذره او الحمص ومو كثير يعني مره مرتين بالاسبوع
هذي تجربتي الشخصيه وطريقتي مع طيري ســآمو
وفالكـ التوفيق

وآتمنى الخبراء يردون عليك

[Last Rain]

طيب الغر كل مره أبره وحده كامله ولا أكثر ؟؟

و مشكور أخوي على تجاوبك

[CasCo Lover]

والله الغر بصرااااحه ماعرف النسبه كم بالضبط

بس بتأكد لك من المواضيع السابقه والمبته

العفوو كلنا لبعض هنا والاخوان مابيتأخرون عليك ان شاءالله

دمتي

[بلاك بيري]

ماشااااااااااااااااااااااءالله تبارك الباري

طير رائع جدا جدا جدا جدا جدا جدا ماشاءالله عليه دلووووووووووووع

الف مبروك عليكي الطير اختي

بالنسبه لموضوع الطير صحته ماشاءالله تبارك الرحمن
عمره اصغر من 4 اشهر من لون عينه
حجمه جدا ممتاز

بالنسبه لموضوع الغر
يفضل يا اختي غر الطير بابره كبيرة 20 الى 30 مل حجمها
نوع الاكل اما ان تكون خلطه جاهزة من محلات الطيور والبيطره
او يكون سيريلاك

الطير عاده ما يغر 4 الى 6 مرات قد يكون اقل وقد يكون اكثر
ربي يعينك على قومة الصباح للغر
بالنسبه للزياده والنقصان نقول انه دام الطير ياكل من نفسه الرز وغيره ممكن تخليه ياكل براحته لانك تفتقدي الخبره الازمه لمعرفه الكميه الازمه للغر والي تعتمد على ساعه قياس لضغط الحوصله عند الطير في اجهزة الغر العلميه والصحيحه

عشان كذا نقول لا ضير من غر الطير 5 مل مقابل انه ياكل من نفسه الحمص والرز والذرة
حافظي على الطير من التيارات الهوائيه ابعديه عن اي مصدر للبرد خليه دافي غطيه بالليل خلي الحب عنده حتى لو ما اكله يبيدا ياكله من دافع الفضول

لا تكثري فيتامينات للطير دام انه اكله طبيعي

الله الله بالتلقين لانه الطير روعه وممكن تبدعي بتلقينه والله الله بالتدريب لانه دام الطير ينغر على يدك هو يعتبرك امه

بالتوفيق

اخوكم \ بلاك بيري

[Last Rain]

دام الطير ياكل من نفسه الرز

اخوي بلاك بيري انا إللي كنت أكل رز وهو شافني اكل من الجوع هجم على الصحن ما خليته ياكل منه سحبته على طول خفت يضره

بتبع نصائحك و الف شكر لك

[CasCo Lover]

http://www.2zoo.com/vb/showthread.php?t=91999

آختي الرآبط هذآ فيه آغلب الامور الي تهممك وسؤالك آجابته هنا

وآخوي بلاك ماشاءالله عليه ماقصر ^_^

وآعتذر عن التأخير

[بلاك بيري]

ممتاز جدا بالتوفيق وان احتجتم شيء نحن على اهبه الاستعداد

[CasCo Lover]

http://www.2zoo.com/vb/showthread.php?t=98031

وهذا سلة فواكه شآمله لكل شيء,,

واتمنى لمن تنامين تتكرين له آكل من ذره مسلوقه او حمص ومافي مانع من الحبوب لجل يتعووود ,,


والسلااام عليكم

[Last Rain]

CasCo Lover

مشكور أخوي أستفدت كثير من الموضوع

أغلاط سويتها اليوم كثيره معه

في ميزان حسناتك أن شاء الله

الساعه 6 الصبح بغره