ساعدوني لقيت فرخ بلبل

[الميموني]

السلام عليكم
كيفكم اليوم وانا اتمشى لقيت لقيت عش قدام بيتنا يبي يطيح ورحت ودزيته كان يطيح العش ومسكته ولقيت داخله بلبل فرخ وامه ميته في الارض طايح
ودخلت بيتنا وضبت له عش وقام يفتح حلقه بقو ومسكت تمره بيدي وعطيته واكلها
المهم
ابي اعرف ايش ياكل عشان اسوي له
والسؤال الثاني عطيه ماي ولا لا

[حي ومانسيت]

اخوي نقع له الأكل حقة اللي يباع في المحلات ووكله بإبرة الأدوية بعد ماتغسلها ووجلة موز بس قطع صغيرة عشان يأكلها زين

[الميموني]

طيب انا الان مااقدر اروح السوق ابي اكل ثاني اقدر اوكله

عندي ابره وكل شي وانا اوكله تمر بالابرى

بس ابي اكل ثاني احسن له

ايش

[الميموني]

وين الخبراء ..#

[جورجي]

وعليكم السلام ورحمة الله وبركاته
اخوي الفرخ تقدر تأكله علف البلابل .. تنقع له الحبات بماء لين تصير لينة وتطعمه الفرخ
صورة العلف


وايضا قطع من الصمول او التوست المبلول بماء دافي
او البيض المسلوق - قطع صغيرة - " البيض للبروتين عوضاً عن الديدان والحشرات "
خضار مسلوقة مثل الكوسه او البطاطس او القرع
او سيرلاك الخاص بالطيور ...
يعني تنوع للفرخ بالطعام علشان يكون قوي
لاتغر الفرخ ماء علشان لايختنق .. الطعام المبلول بالماء او السيرلاك راح يكون فيه ماء
اخوي شوف هذا الفيديو للاستفادة
http://www.youtube.com/watch?v=sa0nfpCXUoI

[بلاك بيري]

ماشاء الله تبارك الله ما قصروا الأخوان