ارجو الاستشاره فورا

[koko69]

السلام عليكم ورحمه الله وبركاته
اخواني الكرام
نجحت بحمد الله في اقتناء امازون بلوفرنتد منذ 10 ايام عمره 8 شهور وانا خبرتي في البغباوات الصغيره مثل الكوكتيل اما الكبير فهذه اول مره. واود ان اقص عليكم هذه العشره ايام باختصار ثم اخذ بنصيحتكم.
في اليوم الاول طبعا البغبغاء كان مصدع و مدووش من الطريق حيث جاء من الرياض الي جده بري وطبعا تلاقيه كان يبدل مع السواق
المهم اني حطيت له الاكل والماء وكان بيمشي علي البطيئ مثل افلام زمان يعني بيتحرك بمنتهي الحرص والخوف والحذر وعينه علي وانا كمان لم ارحمه كنت جالس بجانب القفص بمسافه واحد متر فقط لاني كنت اراقبه لخوفي الشديد من الفشل معه المهم اكل اخينا وشرب ونام بدون مشاكل.
نيجي لتاني يوم بعد ما صحي نظفت القفص بكل هدوء ووضعت الماء والاكل الجديد وبرده اخينا عينه علي في كل خطوه وبعد ما خلص اكل قعد يروح ويجي في القفص ويتعلق في القفص ويعمل صوت ضعيف كاني اسمع كلمه هأه واصفر له وتزيد حده الصوت فقلت يمكن عاوز يطلع من القفص خصوصا انه شايف الكروانات علي كتفي ابوسها والعب في راسها المهم فتحت سقف القفص والا اشوف وحش غبي بيطير في الغرفه بدون هدف وعلي ارتفاع منخفض ليصتدم بطاوله الطعام ثم بحاول الطيران مره اخري فيصتدم بي وانا جالس مكاني ولكن قلبي نزل في رجلي والله ومش عارف اعمل ايه ينهار ابيض ايه اللي رماني الرميه ديه الببغاء صار علي رجلي وانا جالس خايف يعضني ولا يعمل فيا حاجه المهم عدت علي خير ونزل علي الارض لوحده قعد ساعه يلف ويدور وفي الاخر احضرت فوطه وتحليت بالشجاعه ورميتها عليه من بعيد فقلت تمام انقض عليه امسكه وسمعت صرخه منه خلتني ارفع الفوطه عنه بعديها ذهب الي طاوله صغيره وجلس تحتها قمت رفعت الطاوله الي باب القفص والحمد لله دخل القفص وعدي تاني يوم.
تالت يوم وضعت لهرما لذ وطاب من الطعام وهو ما شاء الله ياكل معظم اللي اديهوله واحس انه فرحان بالطعام المهم بعد ما اكل اعاد نفس الحركات بتاعه اليوم التاني قلتله لا وانا مش حافتح الباب الحمد لله امس عدي علي خير المهم قعد يتمسكن لغايه ما صعب علي ففتحت القفص الساعه واحده بعد منتصف الليل والحمد لله لم يطير هذه المره لكن فضل ذاللني جنبه لغايه 9 صباحا مش عاوز يخش القفص رغم الاغراءات التي قدمتها له ورحت انا انام وبعد ساعه استيقظت وجته تحت الطاوله شلته بالطاوله وقربته للقفص.
ومن يومها الي امس احاول ان استرضيه ومخليه علي راحته وجبت له لعب في القفص وامس ولله الحمد بدأ ياكل من يدي بدون لمس لكنه استعبط ومسك صباعي بقوه لدرجه اني كنت بطلع نار من وداني وطبعا سحبت يدي ووضعت بها عسل وقدمتها الا انه مش عاجبه العسل المهم يا اخواني الاسئله اللي عاوز اجابتكم عليها الان هي
1- هل اطلع البغاء. خارج القفص اجنحته غير مقصوصه ولا اصبر شوي
2- هل اطلعه واربطه بسلسله بس اخاف رجله تنكسر لو حاول يطير
3- ما هي الخطوه التاليه للتاكيل من اليد هل احاول لمس رجله او منقاره او راسه وكيف ومتي افعل ذلك وانا اطعمه علما با لمست رجله اثناء ما هو يمشي داخل القفص ارجوكم عاوز الاجابه تكون بالتفصيل الممل حتي لا تقع اخطاء مني خصوصا اني جبان وللعلم انا مش عاوز اقص جناحه.
وشكرا مقدما

[أسيــــر]

ينقل الى
سؤال وجواب