ابي اعرف نوعية هذولا الكلبين

[dog-lover]

بسم الله الرحمن الرحيم

السلام عليكم ورحمة الله وبركاته

مم.. اخواني واخوتي انا ابوي شرا لي كلبين من شخص وقال له انو نوعية الكلاب Great dane ولما وديتهم للبيطري يتطعمون قال لي ان الكلب الاسود جيرمن شيبرد والبني great dane وانا انفجعت قلت مستحيل المهم بحط لكم رابط الفلكر فيه صورهم لان ما قدرت انزل الصور هنا واتمنى منكم المساعده وشكرا

[~S3ood~]

آخــوي البني مو قريت دين
وهذولا جراوة القريت دين :-










وآنـشالله تجوف الفرق بين جراوتكـ وجراوة القريت دين

[jassim99]

الاسود فيه من ملامح الجيرمن لكن ماقدر اقيمه لك

ولا نقدر نعطيك انواعهم وهم بهالعمر

انتظر عليهم يكبرون شوي و راح يبين كل شي

او جيب صور لاهاليهم

موفق خير

[dog-lover]

ان شاءالله بحاول اجيب صور لأمهم وآبوهم وإذا ما قدرت بصبر لين يكبرون واحط صورهم مشكورين ما قصرتوا

[jalal18]

سلام عليكم
اخوي الكلاب لالسود فية دم جرمن بس مو بيور ابدا والبني اعتفد من كلاب شوارع

[Musab Pro]

اخي الكريم .. مثل ما قالوا لك الاخوان .. فيه شك بالجرو الاسود .

ولازم تنتضر لين يكبر شوي وتبين ملامحة اكثر .

احب انوه ان وضع روابط الفليكر او الفيسبوك او اي مواقع خارجيه ممنوع .

والافضل وضع الصور مباشرة .. عشان يسهل رؤيتها و عشان ما تودينا مواقع ثانيه .

وهالمره انا سحبت لك الصور و حطيتهم مباشر بس المره الثانيه ما اتوقع اسويها .

الرجاء مراجعة قوانين القسم .



تقبل مروري .

[dog-lover]

السلام عليكم رجعت لكم مع الجواب توني كلمت الرجال اللي شريتهم منه قال لي امهم great dane وابوهم جيرمن شبارد

[Nona999]

اخوي متأكد ان امهم قريت دان وابوهم جيرمن ؟

لاني اشوف فالجيرمن بياض البلدي كذالك الثاني شكله بلدي

عالعموم كذا ولا كذا الكلاب هجينه وبمنتدانا الغالي نقيس الكلاب بوفائها مو بنقائها

واشكالهم حلوه مشاءالله

ونشوفهم لما تدربهم ان شاءالله

موفق

[Abo_fahed]

قريت داين وجيرمن ؟



أنا مع كلام الأستاذة نونا


والله ياصديقي الغالي

الي أشوفه غير الي قاله لك بتاتاً



الجرو الأسود

يمكن يكون فيه شكوك

من ناحية طول الأذنين + اتساع الفم


أما الآخر فبعيد تماماً

لكن الأمر يبقى تحت الإحتمالات

تعرف ليش ؟

لأن صاحبك بما أنه زاوج قريت وجيرمن

أنا متأكد انه بلود لاين الكلبين داخل فيهم فصائل أخرى


لان هذا التهجين غير مدروس

أتوقع كان يبحث عن الضخامة

لكن نسي أن كلتا الفصيلتين

معرضين للإصابة بمشاكل بالورك

مثل الخلع


بصراحة عمل خلطة فوزية للأسف

[dog-lover]

والله يا اخواني هذا اللي الرجال قاله لي والله اعلم يمكن ماهو بصادق بس عالعموم مشكورين وماقصرتوا