انكسرت قطعه من منقار الروز وطلع دم عطوني حل تكفون

[aljaafari]

السلام عليكم

اخواني عندي الروز الله يهديه راح وتحرش بالكسكو وانكسرت قطعه من منقاره العلوي طلع دم ما ادري وش اسويله اخاف يموت لان ثمه صار كله دم تكفون اذا في حل ساعدوني

[بوعقاب]

ياريت اخوي تحط لنا صوره عشان نقدر نساعدك بسرعه

[بنت الحمادي]

بووووووووو اخوي وده حق بيطري هاي افضل حل !!

وعليه يعني احين هو صار ماعنده منقار علوي ؟؟ =(

[aljaafari]

المشاركة الأصلية كتبت بواسطة بوعقاب

ياريت اخوي تحط لنا صوره عشان نقدر نساعدك بسرعه

مشكور على ردك يخوي ابشر راح احط لكم صوره وفديو اذا قدرت

طبعاً صارت هذي المشكله اليوم الصبح الساعه 6 وانا بصراحه شفت الدم وخفت ما عرفت وش اسوي والبيطري مسكر فقلت اسئلكم طبعاً حطيته انا بالقفص وهو يتئلم خفت اسويله شي يضره ما ينفعه

المهم يخوي الحمد لله وديته للبيطري الساعه 9 اول ما فتح طبعاً الدم وقف لاكن صار عنده انتفاخ تحت المنقار صارت الجلده نازله كانها كيس دهني المهم كشف عليه الدكتور والحمد لله طلع لسانه مافيه شي لان انا خفت ان لسانه بعد انجرح طلع المنقار العلوي هو الي مكسوره منه قطعه طمني الدكتور قالي انها راح تنمو مع الوقت ونضف لي المنقار وعطاني مضاد حيوي على كلامه انه حق التنفس يساعده على ازالة الانتفاخ الي صار عنده تحت المنقار وفيه فيتامينات قالي احط منه في الماي لمدة عشر ايام وسئلته عن الاكل شلون ياكل قالي انت اكله هو توه فرخ عمره تقريباً شهرين بس ياكل حبوب وياكل سيريلاك فشكلي مالي الى اقعد ااكله سيريلاك اسهل واحسن له ولا وش رايكم لان فقد كثير من الدم اذا تنصحوني بشي بس لايكون حبوب لان منقاره ما يساعده اكيد

بالنسبه حق الدواء ماني متاكد من اسمه لان بصراحه ما اعرف اقرى انجليزي فيه كلام كثير مكتوب بس هذا الي مكتوب بالخط العريض oxytetracycline hcl injection وآسف اخواني عارف اني طولت عليكم بالكتابه بس فيما لاسمح الله حد صارتله نفس المشكله ان شاء الله يستفيد من تجربتي علشان كذا تعمدت اكتب كل شي بالتفصيل ومشكور اخوي مره ثانيه على ردك وان شاء الله راح احط لكم صور للطير بس هو الحين نايم بس يجلس اصوره

[aljaafari]

المشاركة الأصلية كتبت بواسطة بنت الحمادي

بووووووووو اخوي وده حق بيطري هاي افضل حل !!

وعليه يعني احين هو صار ماعنده منقار علوي ؟؟ =(

مشكوره على ردك اختي

الله ستر والله ولا الكاسكو كان بامكانه انه يكسر منقاره كله لاكن الله ستر الحمد لله سلم على المنقار الي انكسرة منه قطعه ماهي والله صغيره يعني تقريباً اكثر من ربع منقاره راح بس انا الي مخوفني الدم الي طلع منه كثير

وبعد الانتفاخ الي صار تحت منقاره والله خايف ما ادري وش تنصحوني اسوي بالنسبه للاكل وش اعطيه غير السيرلاك شي يكون سائل شوي علشان منقاره واذا فيه احد من الاعضاء مرت عليه نفس الحالة ياليت يخبرني هل عاش معاه الطير وش سوا ومشكورين مره ثانيه

[بوعقاب]

الانتفاخ يمكن ناتج عن كدمه او ظربه اكيد صار تشابك بينهم

والحمدلله على سلامه الروز والله يشفيه بالقريب العاجل ان شاءالله
واحسن شي تعطيه سرلاك وتفااح مهرووس يكون والحمص المهروس ايضا انا كنت اعطيه لصغار الدره مادري اذا ينفع للروز ايضا وانتظر الخبراء يفيدونك اكثر

[aljaafari]

المشاركة الأصلية كتبت بواسطة بوعقاب

الانتفاخ يمكن ناتج عن كدمه او ظربه اكيد صار تشابك بينهم

والحمدلله على سلامه الروز والله يشفيه بالقريب العاجل ان شاءالله
واحسن شي تعطيه سرلاك وتفااح مهرووس يكون والحمص المهروس ايضا انا كنت اعطيه لصغار الدره مادري اذا ينفع للروز ايضا وانتظر الخبراء يفيدونك اكثر

الله يسلمك يخوي بس بالنسبه للاكل مو راضي يهرب مني اذا جيت ااكله ما رضى الى يشرب ماي بس طبعاً انا حطيتله الدواء بالماي والحمد لله شرب بس الاكل ماهو راضي وش الحل اخاف يموت من الجوع الماي ما يسويله شي

[بوعقاب]

بدون اكل بيروح عليك الطير
حاول تغصبه بالسبنقه تعطيه سرلاك تم معاه يومين ثلاث بالسرلاك عقب نوع له حط له تفاح مهروس او حمص معلب انت تهرسه له
بس ياخوي لازم لازم تغصبه

[aljaafari]

المشاركة الأصلية كتبت بواسطة بوعقاب

بدون اكل بيروح عليك الطير
حاول تغصبه بالسبنقه تعطيه سرلاك تم معاه يومين ثلاث بالسرلاك عقب نوع له حط له تفاح مهروس او حمص معلب انت تهرسه له
بس ياخوي لازم لازم تغصبه

والله يخوي توني قبل شوي عطيته بالابره سرلاك وفتح ثمه ودخلت الاكل بس وانا خوك احس انه ماهو قادر ياكله يتم في ثمه السيرلاك وش اسوي ياليت يخوي اذا فيه حل هل ادخل السرلاك بالقوه افتح ثمه واحط الابره وافضيها كلها في فمه هل هذا حل اخاف يموت كذا

[aljaafari]

هذي الصور اخواني ومعليش على ردائة التصوير

http://www.2zoo.org/get-3-2010-2zoo_org_dlpfjj9u.jpg
http://www.2zoo.org/get-3-2010-2zoo_org_zok75l3n.jpg
http://www.2zoo.org/get-3-2010-2zoo_org_9ygg8s98.jpg
http://www.2zoo.org/get-3-2010-2zoo_org_s6d48y2t.jpg

وهذي صور الفضلات وانتو بكرامه
http://www.2zoo.org/get-3-2010-2zoo_org_g2tkueuy.jpg

http://www.2zoo.org/get-3-2010-2zoo_org_6fw9u7fv.jpg

ما ادري ليه تغيرت لون فضلاته صار لونها بني على احمر ما ادري وشلون اول مره اشوف هالون ما ادري يمكن بسبة الدم الي طلع منه