زعترو شنع وبدع... هالاثول وده ينطرد بالبيت بس مو عارف شلون

[kuwaitia]

السلام عليكم

طبعا سوالف زعترو ما تخلص... ويايبه لكم اخر مغامراته>>> شكلي بس ببطل موضوع بقسم السوالف بسميه مغامرات زعتر افندي خخخخخخخ

المهم امس واحنا قاعدين ما نشوف الا طرااااااااااااااااخطرطااااخ

شالسالفه؟؟

نزلنا ولا واحد من بلابل ابوي قفصه طايح وزعترو يم القفص يلحس ايده>>> هذي علامه شر بالنسبة له.. يعني لازم اعرف مسوي مصيبه من هالحركه

طبعا انا ما ظلمته وقلت وليدي حبيبي مو راعي حركات ارعه>>> اقص على روحي شسوي

المهم قعدت ادور طير ابوي لان اذا درا انه طار بيعفسنا فوق حدر
المهم الانسه بيكي شافت الطير وركضت وراه وزعترو قبالها ما يحتاج اشرح

احنا بالبيت عندنا بنيان واخر دريشه مفتوحه وانطلق الطير وراح

حاولت اداري الجريمه... او اوصوص بدالها خخخخخخ

شوي ولا تطلع اختي وتقولي ان زعترو كان ناقز على القفص وطيحه >>> شفتو انه راعي مصايب

المهم قلتلها مو تقولين حق ابوي والله ان درا كش زعترو وكشني وراه بروجه ابوي مو متحمله كلش خخخخخخخخ

المهم كنت طالعه عندي مشوار ومداني امر السوق اشتري له واحد ثاني واداري جريمة هالدفاشه زعيتير

رديت البيت ولا ابوي يطالعني بنص عين قالي زعتروووووووووووووووو شمسوي ببلابلي انا سكت وطالعت القاع ودمعتي بطرف عيني وقلته يبا عبالي القفص طاح بروحه >>> وانا اقول بقلبي هين حق اختي وهذي وانا موصيتها
طبعا ابوي رد علي رد ما اقدر اكتبه عشان الرقابه لووووووووووووووووووووول


و اكلت زفه يديده من وراه وهو مو هامه الاخ يتمشى ولا جنه مسوي شي
ولا واليوم مو راضي ياكل ريوقه الا يم القفص شينه وقوات عينه خخخخخخخخ

طبعا وثقت لكم الحدث بالصور

صورة القفص المسكين



وصورة البريء اللي ما سوا شي