ما هو سعر ببغاء الكوكاتو في السعودية ؟

[Hamza KH]

السلام عليكم

سؤال واحد لا غير

ما هو سعر ببغاء الكوكاتو في السعودية ؟

الكوكاتو العادي .. ( الي لونه أبيض و وراسه عليه أصفر )

كوكاتو ما يتكلم وما يعرف شيء ويكون صغير بالعمر

[LiLi]

سعر الكوكاتوه العادي

الأليف يبدأ سعره من 3000 إلى ما فوق

غير الأليف ممكن تحصل ب 2000 ريال

بس الفروخ الصغير ما أدري بكم بالضبط

[كاسكـــو]

على حسب المكان اللي تشتري منه عندك مثلاً المحلات الخاصه هذي غاليه ومبالغين في الاسعار ابو 2000 تحصله عندهم بـ 3000 لكن الحراج يختلف ودايم اسعارهم معقوله
والكوكاتو منه انواع كثيره وكل نوع وله سعره

الكوكاتو العادي .. ( الي لونه أبيض و وراسه عليه أصفر )

فيه ثلاث انواع تحمل نفس اللون ابيض وراسه اصفر
وانا اقصد بالانواع لانها تختلف في الحجم والطول ومنها حجم كبير ووسط وصغير
فيه الجامبو اذا كان الليف من 3000 وفوق واذا عنده كم كلمه يرتفع سعره
والوسط الليف 2500 تقريبا واذا عنده كلام يوصل الى 2700
الصغير الاليف من 1200 الى 1500 واذا عنده كلام يوصل لحد 2000
لكن بقي الكوكاتو الجميل من نوع مليكون كوكاتو اكبر الانواع السابقه من ناحيه الحجم
ويتميز لون ريشه باللون الوردي الخفيف
الاليف بس من 5000 الى 6000 واذا عنده كم كلمه طبعاً يرتفع السعر
هذا غير الانواع النادره على سبيل المثال كوكاتو جالا تكون اسعارها جداً مرتفعه
طبعاً هذا الكلام من تجربتي في الاسواق عرفت كم الاسعار لأني شبه يومي اتواجد في اماكن
بيع الطيور
بالنسبه للصغير بالعمر طبعاً يرتفع سعره قليلاً لانه مرغوب
وهو كذلك لايختلف عن البقيه يكون سعره على حسب نوعه