هديّة يوم ميلادي..

[كاسكوكيه]

السلام عليكم و رحمة الله و بركاته..

وينكم يا عرب ما تنجافون.. .. وربي اشتقت لكم..

لا تطولون الغيبااااات مره ثانيه..

امس وصلتني هديّة يوم ميلادي.. متأخره طبعن... بس قبلتها اكييييد..

يوم ميلادي كان تاريخ 14\7 .. و استانست يوم وصلتني رساله ع البريد من منتدى توزو..

الهديه من اخوي.. الله يطوّل لي بعمره.. و كان ناوي تكون في يوم ميلادي.. بس للأسف..

الحدّاد تأخر.. << بديتوا تعرفون شو الهديه..



بخليكم مع الصور..



الهديّه مثل ما شفتو.. قفص.. وهذا بوشهاب

والحين.. messi



و صوره ثانيه...



نرجع لبوشهاب..



وبوشهاب.. مره اخرى..



.. ولاّ زمانك يا شامبيه هههه .. اكتشفت اني ما صورته صورة شخصيه..

المهم.. الحين.. باب صحون الاكل و الماي..



حبّيت حركة القلوب..



و هذا الباب..

حبّيت ان فيه اكثر من مكان.. باب كبير و له تسكيرتين.. و في النص.. لو ما احتجت افتح الباب كامل.. << اتفلسف صح؟!



والي حبيته اكثر و اكثر.. الارضيه المكونه.. من 3 الواح..



طبعن.. القفص عباره عن 3 طوابق..



و هاي صورته.. << اقارن طوله بالباب لا يفوتكم ههههههههه



صراحه.. استاااااااااانست من قلبي ع الهديه.. .. لاني اعرف ان ببغاواتي بيكونون مستانسين..

و صرت اجوفهم يسرحون و يمرحون في القفص

يالله.. اخليكم الحين.. بعد ساعه بنظهر صوب الشارجه.. اخيرن بجوف الي يسموه.. متحف الشارقه الطبيعي..

[foo_fee]

ماشااللهًً تبارك الله ومبروووووووك القفص
وكل عام وانتي بالف خير الله يحفظلك طيورك يارب ويخليلك هيا
تقبلي مروري *

[هامستره صغيره]

ماشاء الله قفص خطير

بي فيه كم صليب !!!




شوفي مكان المسمار

[يوفاوي الكويت]

كل عام وانتي بخير

عقبال 100 سنه يارب

مبروووووووك القفص الجديد بصراحه جميل

اجمل ما فيه انه ادوار

ويكسرونه بالعافيه يارب

[m_jood]

ما شاء الله

تستـــآهليين

[ابو محمــد]

اعجبني القفص كثييير,,

ماشاء الله طيور مزاين .

[عاشق الطيور a t]

ماشالله تبارك الله مرررررررة ناااايس بالتوفيق ويجعل ببغاوتك يارب تنبسط




هامستر صغيرة : الى متى ونحن هكذا متمسكون ومتششدون اخوها مفصلو يعني بالعانية وووين الصليب الله يهديك بس لا مافي صليب ولا شئ

ولاتسيرووووون مرررررررة معقدييييين اخوها رايح للحداد ومو بالعانية الله يكبر عقولكم

والله والله والله اسف جداً هامستره بس تقبلي كلامي بصدر رحب

[ProOoF]

الطيب يستاهل كل مايجيه

وأنتي طيبه قلب وتستاهلين كل مايجيك

كل عام وأنتي بألف خير وصحه وسلامه ,, وعقبال الـ 100

القفص حلو بس كبير بزود الله يعين شامبيه اذا هو الاول مابيلاقي مثل الي تحته

00000000

لكم وحشه جميع ,

[fawzi]

الف مليون مبروك على القفص ياختي وكل عام وانتي بصحه وسلامه ان شاء الله تحياتي لك والله يحفظلك طيوركي من كل شر وطيور كل المسلمين ان شاء اللهيارب العالمين

[الشفق الأحمر]

كل عام وانتي بخير ، وطول العمر إن شاء الله .
ومبروك عالقفص الرائع والراقي في نفس الوقت .
الله يحفظ لك بغبغائتك ما شاء الله عليهم .
تقبلي مروري وتحياتي .