• اهداء الي كل المنتدي •

[سعودي تايم]

﷽
السلام عليكم ورحمه الله تعالي وبركاته

______________________________

حبيت اقدم هالقصيده مني الي هذا الصرح أعضاء- عضوات - مشرفين ومشرفات - مراقبين ًمراقباتي

كتبتها بـ قلمي الخاص اهداء لكم

القصيده:





الموقف اللي صدو عنك وخلوك
وضاقت بك الدنيا ولا فيه فزاع
ابشر بعزك لعنبو من عادوك
تأمر علي وانا أجيك بياع
لاتشتكي الدنيا وان حي ياخوك
يفداك راسي وكلي لك انصاع





الجود شيخ تملكه عدة اطراف..بس المراجل حالفه انك ولدها
عريب واجد وحاوين كل الأعراف..دنياك جنه بس فعلك رغدها
كن العلوم الطيبه عندك اهداف..صارت فريسه وانت كنك اسدها



قم يانديبي بالعجل واحمل النص..وصل اكتابي والأمانه على شاص
شاص خليجي للنشاما مخصص..شد البلد مضمون عن كل الأنقاص
مرسله للي يفعل الطيب مخلص..طبيعته دايم على الطيب حراص






وجودي على اللي خوته للمريض علاج..يداوي صويبن في صميم الحشى لاج
رفيق الرفيق ورفقته فوق راسي تاج..ياعله فداه اللي يخيب رجى الراجي






يشتاق قلبي للمطاليق..شوق الحبيب اللي تمنى حبيبه
كنز الرجال ولا كنوز الصناديق..المال يفنى والنشاما تجيبه
رعاك ربي من عيون المخاليق..والله يصيب اللي يبي لك مصيبه






فيني شموخ غارسه شايبي غرس..ومهما يجور الوقت مالن راسي
ابوي علمني وانا حافظ الدرس..ماأخـــــــــــــــالف سلم جدي وساسي
انا حمست العز في داخلي حمس..وهيلت فنجــــــــانه وقندت راسي






أنت الذي يرمى بك الظن ويصيب..والا الردي ماله على الظن طاقه
ساسك عريب وراسك اطيب من الطيب..وابوك يرخي للثقيله شقاقه
والأبل ليا أقفت ماتجي بالمناديب..وحنا على ماقيل ربع ورفاقه






رز الوعد ياصاحب العرف رزه..وانا خويك في نهار الطلايب
ان ضقت خذ قلبي فضاك وتنزه..نوخ بقلبي معضلات الركايب
ومثلك ليامن ضاق يبشر بعزه..ناتي بمايرضيك لو هي غصايب






قلي وش المطلوب ياأبن الكريمين..قلي وش الصعبات وانا جملها


ازهم على صاحيين نحضر مجانين..اما كذا والا الرخامه لآهلها
لاضاق صدرك لاتخاوي مساكين..خلك مع اللي نيته مايبدلها






مانيب في طرد المقفين ملزوم..مالي بهم ياطيب الفال حاجه
المسك مسك وبينه ريحة الثوم..والورد عطره ماتحبسه قزازه
المال عمره مابنى المجد للرخوم..والنذل مايقضي للأجواد حاجه







قم يانديبي زود النار بإشعال..يجذب سناها راكبين المناكيف
إدن الدلال وصك نجر على جال..خله يجر عواه يطرب هل الكيف
نبغى مع الأجواد سجه وفنجال..قبل يجي للعمر بعض الصواديف







يازعيم الطيب والا ياعقيده..انت ياشيخ المراجل والكرامه
يا فريد النوع يالقرم الوليده..تنهض يوم الوغى ثاير عسامه
سعد من هو حطك حساب برصيده..في بنوك المرجله والا الشهامه







عسى الردي ياكاسب الطيب يفداك..ماهو كفو يفداك..يفدى رجولك
انت الذي على روس الأشراف مبداك..والا الردي مهما تعب مايطولك
مدت يمينه ماتجي عند يسراك..واغلى ثيابه مايساوي نعولك







ارفع مقامك عند ربعك والأجناب..وانا عضيدك كان صارت صمايل
لاتعتقد ربع المصالح لك اصحاب..الحر حر ولا يحب الهزايل
لا طحت ماشالوك ياوافي الأنساب..من رافق الأنذال شاف الهوايل

-------------------------------------------------------------------------------------------------

ارجو ان تنال اعجاااااااااااب الجميع


حصريا لـ ( تو زوو = 2ZOO)


والسلام عليكم،.....

[الامبراطور...]

صح لسااانكـ اخي ,, مشكوور وماا قصرت ,, ننتظر جديدكـ

[سعودي تايم]

صح بدنگ ...... العفو حبيبي...... ان شاء الله انزل كل جديد لي

[الاليفه]

ما شاء الله .. تسلـم على التعـب يا شاعـر تو زوو

~

[سعودي تايم]

المشاركة الأصلية كتبت بواسطة الاليفه

ما شاء الله .. تسلـم على التعـب يا شاعـر تو زوو

~

الله يسلمگ من كل شر،....... لالا مافي تعب ولاشي ...... أحرجتني ـي


نورتينا يا الاليفه.....

[عبادي جدة]

بص حضرتك دنت كبييير

الله عليك اتعب وانا اقول روع

اتعب وانا اقول ابداع

واصل ياجميل

موفق

[سعودي تايم]

المشاركة الأصلية كتبت بواسطة عبادي جدة

بص حضرتك دنت كبييير

الله عليك اتعب وانا اقول روع

اتعب وانا اقول ابداع

واصل ياجميل

موفق

دنت اجمل وأجمل


تسلم حبيبي..... مواصلين باذن الله

[سكره:)]

ماشاء الله
كلماااات راااااااااااااااائعه
انت شآآآعر مبــــدع
بارك الله فيك على الموضوع القيم والمميز
وفي إنتظار جديدك الأروع
وكل التوفيق لك يا رب

[سعودي تايم]

المشاركة الأصلية كتبت بواسطة سكره:)

ماشاء الله
كلماااات راااااااااااااااائعه
انت شآآآعر مبــــدع
بارك الله فيك على الموضوع القيم والمميز
وفي إنتظار جديدك الأروع
وكل التوفيق لك يا رب

وانتي الأروع ،..... تسلمين ...... ان شاء الله انزل كل جديدي



شكرا لمروركً مرور العطر والمسك

شرفتي

[*rfrf*]

متعوب عليها وروعة مرة
استمر ونشوف جديدك
بالتوفيق