رد: محتاج المساعدة بطير افريقي
وعليكم السلام ورحمة الله وبركاته,,,
اهلا وسهلا ومرحبا بك اخي الكريم رحال.... وزي ماتفضلت هذا المنتدى الرائع الذي يستحق منا كل تقدير واحترام......
دائما لما تبون تشترون طائر جديد من شخص غير معروف بالنسبة لكم ..تقدرون تاخذونه على شرط الكلام لمدة فرضا اسبوع.... في حالة تكلم شي جميل .. أما ماتكلم يترجع لصاحبه,,
" بالنسبة لطيري الافريقي اعطيه لاي واحد ..مجرد وصوله للبيت ويرفعه في مكان عالي 10 دقايق بالكثير ولاهو متكلم ومسولف بعد"
بصراحه ماكان فيه داعي (للهوشه) ,,, المفروض الثلاث ايام او الاسبوع الاول لوصول الطير تخليه يرتاح ويتاقلم على المكان ويتعرف على الموجودين , وتوفر له الاكل المناسب والتفاح والذره , ايضا ماتخلي اي احد يزعجه او يدخل يده عليه , لازم يرتاح الطير,,,
أحب اقولك ان الجعير هو صوت طبيعي للببغاء .. زي ماانت تتكلم !! هو من ظمن اصواته الجعير يمكن يطلقه عند الخوف او اي اسباب اخرى فما في داعي للقلق من الناحيه هذي...
وطبيعي انك اول ماتجيبه يخاف ويجعر ومايطلع على يدك خصوصا اذا ماكان اليف مره ... يعني محتاج يتعود زي ماقلت لك..
انت تقول بدا يتحسن وهذي خطوه ايجابيه في صداقتك مع الببغاء ,, وشي جميل بعد انه وهو داخل القفص يخليك تمسح راسه هذا دليل انه مستمتع باللعب معك...
طيب اخوي رحال ابي اعرف ليش تبي تلمس رجليه!!!!!
اذا كان الطير صغير بالعمر واليف مع صاحبه يعتبر هذي الحركه نوع من اللعب معه .,.
"" ياليت تقولنا كم عمر طيرك"
اما اذا كان الطير كبير شوي وتوه جديد على راعيه ومو اليف مره ... فالحركه هذي مالها الا تفسير واحد عنده..وهو انك تبي تضايقه!!!
"" اجل لمس جنحانه وذيله ورجليه لين مايعتاد عليك اكثر""
(((طيب لية مع صاحبة الاول كان هاجد ساكن على يدة بدون اي مقاومة حتى يوم اخذتة على عصى
قلت لعل وعسى يتعود على يطير
مايجلس عليها ويش السر ممكن احد يفهمني بغيت ارجعة بس مقهور صوتة جميل)))
تبي تعرف السر اخوي رحال ؟؟؟ انت جاوبت على نفسك , هذاك قلتها صاحبه الاول , خليك انت صاحب الطير الثاني , خليه يعرف انك تحبه وتعتني فيه .........
ونفس الشي لما تدخل الغرفه ...هذاك قلتها شكله خايف... حاول تحسسه بالامان والهدوء وان شا لله يكون زين...
ومادام الطير يعطي تصفيرات منوعه ان شا لله يكون يتكلم بس اصبر عليه شوي وحاول تكلمه بكلمات سهلة : الو , ميو , بابا , والباقي عليك...
اوكي اخوي رحال .... ان شا لله اني وضحت لك جزء من الصوره , واذا اشكل عليك اي شي تفضل هنا ... انا والأخوان في هذا المنتدى نسعد بالإجابه على استفساراتك...
وفقكم الله,,,,,
__________________
إن للمشاعر حكمه.....
لأن أبسط المشاعر
تعبر عن أعظم الحقائق
|